ਸਮਾਜ ਵੀਕਲੀ ਯੂ ਕੇ
ਦਿਲ ਕੀਹਦੇ ਨਾਲ ਖੋਲ੍ਹਾਂ, ਮੈਨੂੰ ਕੋਈ ਵੀ ਥਿਆਵੇ ਨਾ
ਦਿਲ ਵਾਲ਼ੀ ਗੱਲ ਮੇਰੇ ਬੁੱਲਾਂ ਉੱਤੇ ਆਵੇ ਨਾ
ਸੱਜਣ ਗੁਆਚ ਗਏ ਵਿੱਚ ਨੇ ਹਨੇਰੇ ਦੇ
ਕਾਗ ਕੋਈ ਬੋਲਦਾ ਨੀ ਬੈਠਕੇ ਬਨੇਰੇ ਤੇ
ਸਮਝੇ ਨਾ ਰਮਜਾਂ ਕੋਈ, ਕੀ ਕੀ ਦੁੱਖ ਲੱਗੇ ਨੇ
ਆਪਣਿਆਂ ਨੇ ਦਿੱਤੇ ਦੁੱਖ ਸਭ ਨਾਲੋਂ ਵੱਡੇ ਨੇ
ਚੀਰ ਕੇ ਦਿਖਾਇਆ ਦਿਲ, ਫਿਰ ਵੀ ਸੱਜਣ ਨਰਾਜ ਨੇ
ਮੇਰੇ ਲਈ ਨਿੱਕਲੇ ਨਾ ਦੋ ਅਲਫਾਜ਼ ਨੇ
ਤੇਰੇ ਹਾਂ, ਤੇਰੇ ਰਹਿਣਾ ਜੋ ਕੰਨਾ ਵਿੱਚ ਕਹਿ ਗਏ
ਲੁੱਟ ਸੰਸਾਰ ਮੇਰਾ ਉਹੀ ਲੋਕ ਲੈ ਗਏ
ਵਕਤਾਂ ਦੇ ਨਾਲ ਜੀਣਾ ਸਿੱਖ ਮੈਂ ਵੀ ਲੈਣਾ ਸੀ
ਦਿਲ ਨਾਲੋਂ ਜਿਆਦਾ ਕੰਮ ਦਿਮਾਗ ਕੋਲੋਂ ਲੈਣਾ ਸੀ
ਕਿਹੜੇ ਕਿਹੜੇ ਦੁੱਖ ਦੱਸਾਂ ਸਮਝ ਕੁਝ ਆਏ ਨਾ
ਐਡੇ ਮਾੜੇ ਲੇਖ ਰੱਬਾ ਕੋਈ ਲਿਖਵਾਏ ਨਾ
ਐੱਸ ਪੀ ਇਹ ਦੁਨੀਆ ਨੀ ਪੱਥਰਾਂ ਦਾ ਸ਼ਹਿਰ ਏ
ਨਾਗ ਬਣ ਡੰਗਦੇ ਨੇ ਪੂਰੀ ਤਿੱਖੀ ਜ਼ਹਿਰ ਏ
ਸਤਿੰਦਰ ਪਾਲ ਸਿੰਘ
ਲੈਕਚਰਾਰ ਫਿਜ਼ਿਕਸ
9888045355
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
