ਸੰਜੀਵਨੀ
———–
ਸੱਜਣਾ ਨੇ ਮੁੱਖ ਮੋੜ ਲਿਆ ,
ਤਨ ਮਨ ਨੂੰ ਜੁਦਾਈ ਖਾ ਗਈ ।
ਸਿਵਿਆਂ ਦੀ ਚੁੱਪ ਵਰਗੀ ,
ਸਾਡੇ ਦਿਲ ‘ਚ ਵਿਰਾਨੀ ਛਾ ਗਈ।
ਜਿੰਦ ਮਰ ਮੁੱਕ ਹੀ ਜਾਂਦੀ ,
ਫੇਸਬੁੱਕ ਦਾ ਸਹਾਰਾ ਨਾ ਜੇ ਲੈਂਦੇ ;
ਪੜ੍ਹ ਪੜ੍ਹ ਦਿਨ ਕਟਦੇ ਆਂ ,
ਸਾਨੂੰ ਰੁਲ਼ਦੂ ਦੀ ਕਵਿਤਾ ਬਚਾ ਗਈ।
ਪਿਆਰ ਮੁਹੱਬਤ ਯਾਰੀ ਦੋਸਤੀ
———————————
ਹੋਣ ਬਹੁ ਰੰਗੀ ਦੁਨੀਆਂ ਦੇ ਵਿੱਚ ,
ਕਈ ਤਾਂ ਯਾਰ ਅਣਮੁੱਲੇ ।
ਜੇਠ ਹਾੜ ਵਿੱਚ ਹੁੰਦੇ ਨੇ ਜਿਓਂ ,
ਸੀਤ ਹਵਾ ਦੇ ਬੁੱਲੇ ।
ਜੋ ਫੁੱਲਾਂ ਤੋਂ ਵੱਧ ਮਹਿਕਾਂ ਵੰਡਣ ,
ਮਿਸ਼ਰੀ ਨਾਲ਼ੋਂ ਵੀ ਮਿੱਠੇ ;
ਏਹੋ ਜੇ ਰਿਸ਼ਤਿਆਂ ਲਈ ਰੱਖੀਏ ,
ਦਿਲਾਂ ਦੇ ਬੂਹੇ ਖੁੱਲ੍ਹੇ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
148024
