* “ਮੈਨੂੰ ਪਤਾ ਹੋਣ” ਦੀ ਸਮੱਸਿਆ *

(ਸਮਾਜ ਵੀਕਲੀ) “ਮੈਨੂੰ ਪਤਾ” ਨਾਮ ਦੀ ਸਮੱਸਿਆ ਬਾਰੇ ਸ਼ਾਇਦ ਤੁਸੀਂ ਕਦੇ ਨਾ ਸੁਣਿਆ ਹੋਵੇ ਜਾਂ ਬਹੁਤ ਘੱਟ ਸੁਣਿਆ ਹੋਵੇ ਜਾਂ ਇਸ ਨੂੰ ਸਮੱਸਿਆ ਦੇ ਰੂਪ ਵਿੱਚ ਨਾ ਦੇਖਿਆ ਹੋਵੇ l ਅਸਲ ਵਿੱਚ ਇਹ ਇੱਕ ਬਹੁਤ ਵੱਡੀ ਸਮੱਸਿਆ ਹੈ ਜੋ ਸਾਨੂੰ ਜ਼ਿੰਦਗੀ ਵਿੱਚ ਬਹੁਤ ਪਿੱਛੇ ਰੱਖਦੀ ਹੈ l

ਜੋ ਸਾਨੂੰ ਪਤਾ ਹੈ ਜਾਂ ਜੋ ਸਾਨੂੰ ਜਾਣਕਾਰੀ ਹੈ ਉਸ ਦੇ ਆਸਰੇ ਹੀ ਅਸੀਂ ਜ਼ਿੰਦਗੀ ਵਿੱਚ ਤਰੱਕੀਆਂ ਕਰਦੇ ਹਾਂ ਅਤੇ ਵੱਖ ਵੱਖ ਮੰਜ਼ਿਲਾਂ ਤਹਿ ਕਰਦੇ ਹਾਂ l ਜੋ ਸਾਨੂੰ ਨਹੀਂ ਪਤਾ ਉਸ ਕਾਰਣ ਹੀ ਅਸੀਂ ਜ਼ਿੰਦਗੀ ਵਿੱਚ ਬਹੁਤ ਪੱਖਾਂ ਤੋਂ ਪਿੱਛੇ ਰਹਿ ਜਾਂਦੇ ਹਾਂ l

ਬਹੁਤ ਵਾਰ ਅਸੀਂ ਦੂਜਿਆਂ ਦੀ ਗੱਲ ਪੂਰੀ ਸੁਣਨ ਤੋਂ ਪਹਿਲਾਂ ਹੀ ਆਖ ਦਿੰਦੇ ਹਾਂ ਕਿ ਮੈਨੂੰ ਪਤਾ ਹੈ l ਮੈਨੂੰ ਪਤਾ ਹੈ ਸੁਣਦਿਆਂ ਸਾਰ ਹੀ ਵਿਅਕਤੀ ਉਹ ਗੱਲ ਦੱਸਣੀ ਬੰਦ ਕਰ ਦਿੰਦਾ ਹੈ l ਇਸ ਕਰਕੇ ਅਸੀਂ ਉਸ ਗਿਆਨ ਤੋਂ ਵਾਂਝੇਂ ਰਹਿ ਜਾਂਦੇ ਹਾਂ ਜੋ ਸਾਨੂੰ ਮਿਲਣਾ ਹੁੰਦਾ ਹੈ l

ਮੈਨੂੰ ਹਮੇਸ਼ਾਂ ਮਹਿਸੂਸ ਹੁੰਦਾ ਹੈ ਕਿ “ਮੈਨੂੰ ਪਤਾ ਹੈ” ਸ਼ਬਦ ਸਾਡੇ ਲਈ ਬਹੁਤ ਖਤਰਨਾਕ ਹਨ ਅਤੇ ਸਾਨੂੰ ਬਹੁਤ ਸਾਰੇ ਗਿਆਨ ਤੋਂ ਵਾਂਝਾ ਰੱਖਦੇ ਹਨ l

ਮੇਰੇ ਕੋਲੋਂ ਹਜ਼ਾਰਾਂ ਦੀ ਗਿਣਤੀ ਵਿੱਚ ਲੋਕਾਂ ਨੇ ਵੱਖ ਵੱਖ ਕਿੱਤਿਆਂ ਦੀ ਟ੍ਰੇਨਿੰਗ ਹਾਸਿਲ ਕੀਤੀ l ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਮੈਨੇਜਰ ਅਤੇ ਮਾਲਕ ਬਣੇ l ਕੁੱਝ ਸਧਾਰਣ ਕਾਮੇ ਬਣੇ ਰਹੇ l ਹਾਲਾਂਕਿ ਟ੍ਰੇਨਿੰਗ ਸਭ ਨੂੰ ਇੱਕੋ ਜਿਹੀ ਦਿੱਤੀ ਗਈ ਸੀ l ਫਿਰ ਉਨ੍ਹਾਂ ਵਿੱਚ ਇਹ ਫਰਕ ਕਿਉਂ? ਕਿਉਂਕਿ ਹਰ ਇੱਕ ਵਿਅਕਤੀ ਇੱਕੋ ਜਿਹਾ ਲਿਸਨ (Listen) ਨਹੀਂ ਕਰਦਾ l ਜੋ ਘੱਟ ਲਿਸਨ ਕਰੇਗਾ ਉਸ ਨੂੰ ਜਾਣਕਾਰੀ ਦਾ ਲਾਭ ਘੱਟ ਹੋਵੇਗਾ l

ਬਹੁਤੇ ਕਾਮੇ ਟ੍ਰੇਨਿੰਗ ਲੈਣ ਵੇਲੇ ਕਹਿ ਦਿੰਦੇ ਸਨ ਕਿ “ਮੈਨੂੰ ਪਤਾ” l ਉਨ੍ਹਾਂ ਦਾ “ਮੈਨੂੰ ਪਤਾ” ਕਹਿਣਾ ਹੀ ਉਨ੍ਹਾਂ ਨੂੰ ਟ੍ਰੇਨਿੰਗ ਤੋਂ ਵਾਂਝਾ ਕਰ ਦਿੰਦਾ ਸੀ l

ਜਦੋਂ ਵਿਅਕਤੀ “ਮੈਨੂੰ ਪਤਾ” ਆਖ ਦੇਵੇ ਤਾਂ ਉਸ ਦੀ ਦੂਜੇ ਦੀ ਗੱਲ ਸੁਣਨ ਵਿੱਚ ਦਿਲਚਸਪੀ ਘਟ ਜਾਂਦੀ ਹੈ ਜਿਸ ਕਾਰਣ ਪੂਰੀ ਗੱਲ ਉਸ ਦੇ ਪੱਲੇ ਨਹੀਂ ਪੈਂਦੀ l

ਮੈਂ ਸੋਚਦਾ ਹਾਂ ਕਿ “ਮੈਨੂੰ ਪਤਾ ਹੈ” ਤੋਂ ਬਚਣਾ ਚਾਹੀਦਾ ਹੈ l

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj