ਰਾਮਪੁਰ ਗੁੱਜਰਾਂ ਛੰਨਾ ਦੇ ਕਬੱਡੀ ਕੱਪ ਤੇ ਘੁਮਾਣ ਭਰਾਵਾਂ ਵਲੋਂ ਬਲਕਾਰ ਅਣਖੀਲਾ – ਮਨਜਿੰਦਰ ਗੁਲਸ਼ਨ ਦਾ ਖੁੱਲਾ ਅਖਾੜਾ ਹੋਵੇਗਾ – ਚਮਕੌਰ ਚੌਧਰੀ

 ਦਿੜ੍ਹਬਾ ਮੰਡੀ ਨਕੋਦਰ ਮਹਿਤਪੁਰ (ਸਮਾਜ ਵੀਕਲੀ) (ਹਰਜਿੰਦਰ ਪਾਲ ਛਾਬੜਾ)  ਦਿੜ੍ਹਬਾ ਮੰਡੀ ਦੇ ਘੁੱਗ ਵਸਦੇ ਪਿੰਡ ਰਾਮਪੁਰ ਗੁੱਜਰਾਂ ਛੰਨਾ ਵਿੱਖੇ 26 ਜਨਵਰੀ ਨੂੰ ਆਮ ਆਦਮੀ ਪਾਰਟੀ ਦੇ ਸੂਬਾ ਸਕੱਤਰ ਸਵ ਗਗਨਦੀਪ ਸਿੰਘ ਚੱਢਾ ਦੀ ਯਾਦ ਨੂੰ ਸਮਰਪਿਤ ਧੰਨ ਧੰਨ ਬਾਬਾ ਖੇੜਾ ਜੀ ਸਪੋਰਟਸ ਕਲੱਬ ਵੱਲੋਂ ਪ੍ਰਵਾਸੀ ਭਾਰਤੀਆਂ ਦੇ ਸਹਿਯੋਗ ਨਾਲ ਦੂਜਾ ਸ਼ਾਨਦਾਰ ਕਬੱਡੀ ਟੂਰਨਾਮੈਂਟ ਵਿਸ਼ਵਕਰਮਾ ਕਾਲਜ ਦੀਆਂ ਗਰਾਊਂਡ ਵਿਚ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿੱਚ ਪਹਿਲਾ ਇਨਾਮ ਇਕ ਲੱਖ ਰੁਪਏ ਦੂਜਾ ਇਨਾਮ ਪੰਝਤਰ ਹਜ਼ਾਰ ਰੁਪਏ ਹੋਵੇਗਾ। ਇਸ ਕਬੱਡੀ ਕੱਪ ਦੌਰਾਨ ਬੈਸਟ ਜਾਫੀ ਰੇਡਰ ਨੂੰ ਫ਼ੋਰਡ ਟ੍ਰੈਕਟਰ ਦਿੱਤੇ ਜਾਣਗੇ। ਕਬੱਡੀ ਮੁਕਾਬਲਿਆਂ ਤੋਂ ਬਾਅਦ ਪੰਜਾਬ ਦੀ ਪ੍ਰਸਿੱਧ ਗਾਇਕ ਜੋੜੀ ਬਲਕਾਰ ਅਣਖੀਲਾ ਮਨਜਿੰਦਰ ਗੁਲਸ਼ਨ ਦਾ ਖੁੱਲਾ ਅਖਾੜਾ ਹੋਵੇਗਾ। ਇਸ ਮੌਕੇ ਸਾਡੇ ਪ੍ਰਤੀਨਿਧ ਨੂੰ ਜਾਣਕਾਰੀ ਦਿੰਦਿਆਂ ਮੁੱਖ ਪਰਬੰਧਕ ਚਮਕੌਰ ਚੌਧਰੀ ਨੇ ਦੱਸਿਆ ਕਿ ਇੱਕ ਰੋਜ਼ਾ ਕਬੱਡੀ ਕੱਪ ਦੌਰਾਨ ਅੰਤਰ ਰਾਸ਼ਟਰੀ ਪੱਧਰ ਦੀਆਂ ਟੀਮਾਂ ਅਤੇ ਖਿਡਾਰੀਆਂ ਦੇ ਜੌਹਰ ਦੇਖਣ ਨੂੰ ਮਿਲਣਗੇ। ਜਿਸ ਵਿਚ ਲੱਖਾਂ ਰੁਪਏ ਦੇ ਇਨਾਮ ਦਿੱਤੇ ਜਾਣਗੇ। ਇਸ ਦੌਰਾਨ ਦਿੜ੍ਹਬਾ ਦੇ ਜੰਮਪਲ ਯੂ ਕੇ ਵੱਸਦੇ ਨੌਜਵਾਨ ਖੇਡ ਪ੍ਰਮੋਟਰ ਸ੍ਰ ਚਮਕੌਰ ਸਿੰਘ ਘੁਮਾਣ ਅਤੇ ਸ੍ਰ ਬਲਕਾਰ ਸਿੰਘ ਘੁਮਾਣ ਵੱਲੋ ਗਾਇਕ ਜੋੜੀ ਬਲਕਾਰ ਅਣਖੀਲਾ ਮਨਜਿੰਦਰ ਗੁਲਸ਼ਨ ਦਾ ਖੁੱਲਾ ਅਖਾੜਾ ਸਪਾਂਸਰ ਕੀਤਾ ਗਿਆ ਹੈ। ਉਹਨਾਂ ਦੱਸਿਆ ਕਿ ਘੁਮਾਣ ਭਰਾਵਾਂ ਦਾ ਇਲਾਕ਼ੇ ਦੀ ਕਬੱਡੀ ਨੂੰ ਬੁਲੰਦੀਆਂ ਤੇ ਲੈਕੇ ਜਾਣ ਵਿਚ ਬਹੁਤ ਵੱਡਾ ਯੋਗਦਾਨ ਹੈ। ਉਹ ਸਾਡੇ ਖੇਡ ਮੇਲੇ ਦੇ ਵੀ ਮੁੱਖ ਸਪਾਂਸਰ ਹਨ। ਇਸ ਮੌਕੇ ਮਨਿੰਦਰ ਸਿੰਘ ਘੁਮਾਣ, ਸੁਖਚੈਨ ਸਿੰਘ ਘੁਮਾਣ, ਕਮਲ ਚੌਧਰੀ, ਗੋਲੂ ਟਿਵਾਣਾ, ਪਿੰਕਾ ਚੌਧਰੀ, ਰਾਮਫਲ ਖੋਪੜਾ, ਗੈਰੀ ਮੁਲਤਾਨੀ ਯੂ ਐਸ ਏ, ਅਜੈ ਗੁਜਰ, ਮਲਕੂ ਯੂ ਐਸ ਏ, ਕੁਲਵੀਰ ਵੜੈਚ, ਪ੍ਰਿੰਸ ਗੁਜਰ, ਪੱਪੂ ਚੌਧਰੀ, ਗੁਰਨਾਮ ਚੌਧਰੀ, ਰੂਬਲ ਇਟਲੀ, ਗੁਰਤੇਜ ਇਟਲੀ, ਵਰਿੰਦਰ ਚੌਧਰੀ ਯੂ ਕੇ, ਬਲਜਿੰਦਰ ਚੌਧਰੀ ਯੂ ਐਸ ਏ ਢਿੱਲੋਂ ਸਟੱਡ ਫਾਰਮ ਮੁਹਾਲੀ, ਸਤਨਾਮ ਸਿੰਘ ਕੌਹਰੀਆਂ, ਹਰਮਨ ਯੂ ਐਸ ਏ ਤੋਂ ਇਲਾਵਾ ਐਨ ਆਰ ਆਈ ਵੀਰਾਂ ਦਾ ਵੱਡਾ ਯੋਗਦਾਨ ਹੋਵੇਗਾ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly