(ਸਮਾਜ ਵੀਕਲੀ)
ਪੜ੍ਹ ਗੁਰਬਾਣੀ ਜਿੰਦੇ ਜੀਵਨ ਸੁਧਾਰ ਲੈ
ਇੱਕ ਓਂਕਾਰ ਨਾਲ਼ ਜੋੜ ਦਿਲੋਂ ਤਾਰ ਲੈ
ਆਦਤ ਬਣਾ ਲੈ ਉੱਠਕੇ ਤੂੰ ਇਸਨਾਨ ਦੀ
ਬਾਬੇ ਨਾਨਕ ਦੀ ਬਾਣੀ ਕੂੰਜੀ ਐ ਗਿਆਨ ਦੀ
ਕਰਨਾ ਬੁਰਾਈ ਵੱਲ ਮੂੰਹ ਨਾ ਤੂੰ ਮੁੜਕੇ
ਵੇਖ ਤਾਂ ਸਹੀ ਤੂੰ ਕੇਰਾਂ ਸੱਚ ਨਾਲ਼ ਜੁੜਕੇ
ਸ਼ਾਂਤ ਹੋਜੂ ਨੇਰ੍ਹੀ ਉੱਠੇ ਚਿੱਤ ਚ ਤੂਫ਼ਾਨ ਦੀ
ਬਾਬੇ ਨਾਨਕ ਦੀ ਬਾਣੀ ਕੂੰਜੀ ਐ ਗਿਆਨ ਦੀ
ਜਿੰਨਾਂ ਉੱਤੇ ਹੁਣ ਤੇਰਾ ਚਲਦਾ ਨਾ ਵੱਸ ਜੀ
ਇੱਕ ਇੱਕ ਕਰ ਜਾਣੇ ਪੰਜੇ ਚੋਰ ਨੱਸ ਜੀ
ਸ਼ਬਦਾਂ ਚ ਵਿਧੀ ਦੱਸੀ ਹੋਈ ਭਗਵਾਨ ਦੀ
ਬਾਬੇ ਨਾਨਕ ਦੀ ਬਾਣੀ ਕੂੰਜੀ ਐ ਗਿਆਨ ਦੀ
ਆ ਜਾਉ ਅਨੰਦ ਰੂਹੋਂ ਤੱਕ ਪ੍ਰਕਾਸ਼ ਨੂੰ
ਖੁਦ ਉੱਤੇ ਧੰਨਿਆਂ ਤੂੰ ਰੱਖ ਵਿਸਵਾਸ਼ ਨੂੰ
ਸਿੱਖ ਖੋਜ ਕਰਨੀ ਸਰੀਰ ਦੇ ਵਿਗਿਆਨ ਦੀ
ਬਾਬੇ ਨਾਨਕ ਦੀ ਬਾਣੀ ਕੂੰਜੀ ਐ ਗਿਆਨ ਦੀ
ਧੰਨਾ ਧਾਲੀਵਾਲ
