ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਦੀ ਹੋਈ ਚੋਣ,ਗੀਤਕਾਰ ਜਨਕ ਸੰਗਤ ਸਰਪ੍ਰਸਤ ਤੇ ਬੱਬੂ ਸੈਣੀ ਦੂਜੀ ਵਾਰ ਬਣੇ ਪ੍ਰਧਾਨ

ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਦੀ ਸਲਾਨਾ ਮੀਟਿੰਗ ਜੂਮ ਐਪ ਰਾਹੀ ਸਰਪ੍ਰਸਤ ਜਨਕ ਸੰਗਤ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿਚ ਮੰਚ ਵੱਲੋਂ ਕਰਵਾਏ ਗਏ ਗੀਤ ਮੁਕਾਬਲੇ ਤੇ ਸਲਾਨਾ ਸਮਾਗਮ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਤੋਂ ਬਾਅਦ ਮੰਚ ਵੱਲੋਂ ਅਹੁਦੇਦਾਰਾਂ ਦੀ ਚੋਣ ਕੀਤੀ ਗਈ ਜਿਸ ਵਿਚ ਉਸਤਾਦ ਗੀਤਕਾਰ ਜਨਕ ਸੰਗਤ ਸਰਪ੍ਰਸਤ, ਬਲਵੀਰ ਕੌਰ ਬੱਬੂ ਸੈਣੀ ਪ੍ਰਧਾਨ, ਗੁਰਕੀਰਤ ਔਲਖ ਸੀਨੀਅਰ ਮੀਤ ਪ੍ਰਧਾਨ, ਅਮਰ ਪਰਮਿੰਦਰ ਅਤੇ ਸਰਬਜੀਤ ਕੌਰ ਢਿੱਲੋਂ ਮੀਤ ਪ੍ਰਧਾਨ, ਹਰਦੇਵ ਹਮਦਰਦ ਜਰਨਲ ਸਕੱਤਰ, ਸੁਖਚੈਨ ਸਿੰਘ ਚੰਦ ਨਵਾਂ ਖਜ਼ਾਨਚੀ, ਸੁਖਵਿੰਦਰ ਸੁੱਖੀ ਸਲਾਹਕਾਰ ਅਤੇ ਜਸਵੰਤ ਗਿੱਲ ਸਮਾਲਸਰ ਨੂੰ ਪ੍ਰੈਸ ਸਕੱਤਰ ਵੱਜੋਂ ਚੁਣਿਆ ਗਿਆ ਹੈ। ਜਰਨਲ ਸਕੱਤਰ, ਖਜ਼ਾਨਚੀ ਤੇ ਪ੍ਰੈਸ ਸਕੱਤਰ ਵੱਜੋਂ ਹਮਦਰਦ, ਸੁਖਚੈਨ ਤੇ ਸਮਾਲਸਰ ਦੀ ਚੋਣ ਵੀ ਦੂਜੀ ਵਾਰ ਕੀਤੀ ਗਈ ਅਤੇ ਕੁਝ ਨਵੇਂ ਚਿਹਰੇ ਮੰਚ ਵਿਚ ਸ਼ਾਮਲ ਹੋਏ ਹਨ। ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆ ਗੀਤਕਾਰ ਜਨਕ ਸੰਗਤ, ਬੱਬੂ ਸੈਣੀ, ਹਰਦੇਵ ਹਮਦਰਦ ਨੇ ਦੱਸਿਆ ਕਿ ਮੰਚ ਵੱਲੋਂ ਸਾਉਣ ਮਹੀਨੇ ਵਿਚ ਰੁੱਖ ਲਗਾਉਣ ਦੀ ਸ਼ੁਰੂਆਤ ਕੀਤੀ ਗਈ ਅਤੇ ਦੂਜੇ ਗੀਤ ਮੁਕਾਬਲੇ ਸ਼ੁਰੂ ਕਰਵਾਏ ਗਏ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬੀ ਗੀਤ ਕਲਾ ਮੰਚ ਪੰਜਾਬ ਮਾਂ ਬੋਲੀ ਦੀ ਸੇਵਾ ਲਈ ਹਮੇਸ਼ਾਂ ਯਤਨਸ਼ੀਲ ਰਹੇਗਾ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly