(ਸਮਾਜ ਵੀਕਲੀ)
ਚਮਕੇ ਨੇ ਕਹਿੰਦੇ ਉਸਦੇ,ਹੁਣ ਤਾਂ ਸਿਤਾਰੇ ਜੀ।
ਜੋਤੀ ਜੋਤੀ ਹੋਗੀ ਕਹਿੰਦੇ,ਸ਼ਹਿਰ ਵਿੱਚ ਸਾਰੇ ਜੀ।
ਕਾਲਜ ਦਾ ਉਸ,ਨਾਮ ਚਮਕਾਇਆ ਏ।
ਮੈਰਿਟ ਵਿੱਚ ਜਦ ਉਸਦਾ ,ਨਾਮ ਆਇਆ ਏ।
ਸਾਰੇ ਦਿੰਦੇ ਉਸਨੂੰ ਲੱਖ ਲੱਖ ਵਧਾਈਆਂ ਜੀ।
ਨਾਲ ਖੜ੍ਹ ਜੋਤੀ ਫੋਟੋਆਂ ਖਿੱਚਾਈਆਂ ਜੀ।
ਹਰ ਕੋਈ ਜਾਵੇ ਉਸਦੇ ਬਲਿਹਾਰੇ ਜੀਂ,
ਜੋਤੀ ਜੋਤੀ ਹੋਗੀ ਕਹਿੰਦੇ……..
ਮਿਹਨਤ ਉਹਦੀ ਰੰਗ ਲਿਆਈ ਹੈ।
ਤਾਂਹੀ ਤਾਂ ਉਸ, ਸਫ਼ਲਤਾ ਪਾਈ ਹੈ।
ਬੋਲ ਉਸ ਬੋਲੇ ਨਾ,ਕਿਸੇ ਨੂੰ ਕਦੇ ਖਾਰੇ ਜੀ,
ਜੋਤੀ ਜੋਤੀ ਹੋਗੀ ਕਹਿੰਦੇ……
ਅੱਖਾਂ ਵਿੱਚ ਸੁਰਮਾ ਉਹ, ਪਾ ਕੇ ਰੱਖਦੀ।
ਲਾਲ ਗਾਨੀ ਗਲੇ, ਸਜਾ ਕੇ ਰੱਖਦੀ।
ਹੱਸੇ ਨੀਵੀ ਪਾ ਜਦ, ਦੇਖਣ ਉਸਨੂੰ ਸਾਰੇ ਜੀ,
ਜੋਤੀ ਜੋਤੀ ਹੋਗੀ,…..
ਸਵੇਰੇ ਕਾਲਜ ਸ਼ਾਮੀ, ਕੰਪਿਊਟਰ ਸੈਂਟਰ ਜਾਂਦੀ ਸੀ।
ਗੱਲਾਂ ਕਰਦੀ ਨਾ ਥੱਕਦੀ,ਪਤਾ ਨਾ ਕੀ ਪੀਦੀ ਖ਼ਾਂਦੀ ਸੀ।
ਗੱਲਾਂ ਸਾਫ਼ ਰੱਖਦੀ ਸੁਣ ਸੰਗਰੂਰਵੀ,ਲੱਗਦੈ ਕਰ ਕਰ ਗਰਾਰੇ ਜੀ,
ਜੋਤੀ ਜੋਤੀ ਹੋਗੀ..
ਸਰਬਜੀਤ ਸੰਗਰੂਰਵੀ
ਪੁਰਾਣੀ ਅਨਾਜ ਮੰਡੀ, ਸੰਗਰੂਰ।
9463162463
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
