ਬਠਿੰਡਾ ਨਕੋਦਰ ਮਹਿਤਪੁਰ (ਸਮਾਜ ਵੀਕਲੀ) (ਹਰਜਿੰਦਰ ਪਾਲ ਛਾਬੜਾ) : ਮੁਲਾਜ਼ਮ ਸੰਘਰਸ਼ਾਂ ਦੇ ਸਿਰਕੱਢ ਆਗੂ ਤੇ ਸੇਵਾ ਮੁਕਤ ਅਧਿਆਪਕ ਮਾ. ਗੁਰਬਚਨ ਸਿੰਘ ਮੰਦਰਾਂ ਲਗਾਤਾਰ ਤੀਸਰੀ ਵਾਰ ਟੀਚਰਜ਼ ਹੋਮ ਟਰਸਟ ਬਠਿੰਡਾ ਦੇ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣੇ ਗਏ ਹਨ। ਲੰਬਾ ਸਮਾਂ ਮੁਲਾਜ਼ਮ ਸੰਘਰਸ਼ਾਂ ਦੀ ਅਗਵਾਈ ਕਰਨ ਵਾਲੇ ਮਾ. ਮੰਦਰਾਂ ਮਾਨਸਾ ਜਿਲ੍ਹੇ ਦੇ ਪਿੰਡ ਆਲਮਪੁਰ ਮੰਦਰਾਂ ਦੇ ਵਸਨੀਕ ਹਨ। ਉਨ੍ਹਾਂ ਮੁਲਾਜ਼ਮ ਸੰਘਰਸ਼ਾਂ ਦੌਰਾਨ ਦੋ ਵਾਰ ਜੇਲ੍ਹ ਵੀ ਕੱਟੀ ਹੈ ਅਤੇ ਅੱਜ-ਕੱਲ੍ਹ ਟੀਚਰਜ਼ ਹੋਮ ਦੇ ਨਾਲ-ਨਾਲ ਸਮਾਜ ਸੇਵਾ ‘ਚ ਸਰਗਰਮ ਹਨ। ਟਰੱਸਟ ਦੇ ਚੇਅਰਮੈਨ ਬੀਰਬਲ ਦਾਸ ਨੇ ਦੱਸਿਆ ਕਿ ਅਹੁਦੇਦਾਰਾਂ ਦੀ ਚੋਣ ਅੱਜ ਟੀਚਰਜ਼ ਹਮਿ ਬਠਿੰਡਾ ਵਿਖੇ ਜਨਰਲ ਬਾਡੀ ਦੀ ਅਹਿਮ ਬੈਠਕ ਦੌਰਾਨ ਕੀਤੀ ਗਈ। ਇਸ ਮੌਕੇ ਪ੍ਰਧਾਨ ਤੋਂ ਇਲਾਵਾ ਗੁਰਨਾਮ ਸਿੰਘ ਦਾਤੇਵਾਸ ਨੂੰ ਮੁੱਖ ਸਲਾਹਕਾਰ, ਖੁਸ਼ਵੀਰ ਸਾਬਕਾ ਸੀਈਓ ਸਲਾਹਕਾਰ, ਰਘਵੀਰ ਚੰਦ ਸ਼ਰਮਾ ਸੀਨੀਅਰ ਮੀਤ ਪ੍ਰਧਾਨ, ਕ੍ਰਿਸ਼ਨ ਜੋਗਾ ਮੀਤ ਪ੍ਰਧਾਨ, ਲਛਮਣ ਸਿੰਘ ਮਲੂਕਾ ਸਕੱਤਰ, ਹਰਮੋਹਿੰਦਰ ਸਿੰਘ ਮੋਖਾ ਸੰਯੁਕਤ ਸਕੱਤਰ, ਪਰਮਜੀਤ ਸਿੰਘ ਰੋਮਾਣਾ ਖਜਾਨਚੀ, ਜਰਨੈਲ ਸਿੰਘ ਜੱਝਲ ਸਹਾਇਕ ਖਜ਼ਾਨਚੀ, ਮੇਹਰ ਬਾਹੀਆ ਤੇ ਖਰੁਸ਼ਚੇਵ ਸ਼ਰਮਾ ਐਡੀਟਰ ਚੁਣੇ ਗਏ।
ਇਸ ਮੌਕੇ ਟਰੱਸਟ ਦੇ ਨਿਯਮਾਂ ਅਨੁਸਾਰ 10 ਅਸਥਾਈ ਮੈਂਬਰ ਚੁਣੇ ਗਏ ਜਿਨ੍ਹਾਂ ‘ਚ ਸ੍ਰੀਮਤੀ ਜਰਨੈਲ ਕੌਰ, ਬਿੰਦਰ ਕੌਰ, ਅਮਨਦੀਪ ਸਿੰਘ, ਚਮਕੌਰ ਸਿੰਘ, ਲਾਭ ਸਿੰਘ, ਨਵਨੀਤ ਸਿੰਘ, ਓਮ ਪ੍ਰਕਾਸ਼, ਹਰਭਜਨ ਸਿੰਘ, ਰਾਮ ਨਿਵਾਸ ਤੇ ਖੁਸ਼ਵੀਰ ਸਿੰਘ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਤਿੰਨ ਨਵੇਂ ਮੈਂਬਰ ਜਗਤਾਰ ਸਿੰਘ ਬਾਠ, ਅਮਰ ਸਿੰਘ ਸੇਲਬਰਾਹ ਤੇ ਨਛੱਤਰ ਸਿੰਘ ਧੰਮੂ ਭਾਈ ਰੂਪਾ ਨਾਮਜ਼ਦ ਕੀਤੇ ਗਏ। ਸਮੁੱਚੀ ਚੋਣ ਪ੍ਰਕਿਰਿਆ ਦੌਰਾਨ ਮੰਚ ਸੰਚਾਲਨ ਲਛਮਣ ਸਿੰਘ ਮਲੂਕਾ ਨੇ ਨਿਭਾਇਆ। ਟਰਸਟ ਦੇ ਮੈਂਬਰਾਂ ਅਵਤਾਰ ਸਿੰਘ ਬੁਢਲਾਡਾ, ਤੀਰਥ ਮਿੱਤਲ, ਬਲਵੀਰ ਸਿੰਘ, ਜਸਪਾਲ ਕੌਲ, ਰਘੂ ਨਾਥ ਸਿੰਗਲਾ, ਦੇਵ ਰਾਜ ਸ਼ਰਮਾ, ਰਵਿੰਦਰ ਕੁਮਾਰ, ਪ੍ਰਕਾਸ਼ ਚੰਦ, ਨਛੱਤਰ ਸਿੰਘ ਨੇ ਨਵੀਂ ਟੀਮ ਦੀ ਚੋਣ ‘ਤੇ ਸੰਤੁਸ਼ਟੀ ਦਾ ਪ੍ਰਗਟਾਵਾ ਕੀਤਾ ਹੈ ਅਤੇ ਨਵਨਿਯੁਕਤ ਅਹੁਦੇਦਾਰਾਂ ਨੂੰ ਵਧਾਈ ਦਿੱਤੀ ਹੈ। ਇਸ ਮੌਕੇ ਪ੍ਰਧਾਨ ਮਾ. ਗੁਰਬਚਨ ਸਿੰਘ ਮੰਦਰਾਂ ਨੇ ਕਿਹਾ ਹੈ ਕਿ ਉਹ ਪਹਿਲਾ ਦੀ ਤਰ੍ਹਾਂ ਹੀ ਸਮੁੱਚੀ ਟੀਮ ਨੂੰ ਨਾਲ ਮਿਲਕੇ ਟੀਚਰਜ਼ ਹੋਮ ਦੀ ਬਿਹਤਰੀ ਲਈ ਕਾਰਜਸ਼ੀਲ ਰਹਿਣਗੇ ਅਤੇ ਇਸ ਮਾਣਮੱਤੀ ਸੰਸਥਾ ਨੂੰ ਨਵੀਆਂ ਬੁਲੰਦੀਆਂ ‘ਤੇ ਲੈ ਕੇ ਜਾਣਗੇ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
