ਰੁੜਕਾ ਕਲਾਂ ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) (ਸਮਾਜ ਵੀਕਲੀ): ਸ਼੍ਰੋਮਣੀ ਅਕਾਲੀ ਦਲ ਬਸਪਾ ਗੱਠਜੋੜ ਨੂੰ ਹਲਕਾ ਫਿਲੌਰ ਦੇ ਲੋਕਾਂ ਵੱਲੋਂ ਮਿਲ਼ ਰਿਹਾ ਭਾਰੀ ਸਮਰਥਨ ਦੱਸਦਾ ਹੈ ਕਿ ਆਉਣ ਵਾਲ਼ੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਇਤਿਹਾਸਕ ਜਿੱਤ ਵੱਲ ਵਧ ਰਿਹਾ ਹੈ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਹਲਕਾ ਫਿਲੌਰ ਦੇ ਸੀਨੀਅਰ ਅਕਾਲੀ ਆਗੂ ਬਲਬੀਰ ਸਿੰਘ ਤੇਹਿੰਗ ਅਤੇ ਹਰਮੇਸ਼ ਲਾਲ ਗੜ੍ਹਾ ਨੇ ਕੀਤਾ । ਉਹ ਅੱਜ ਇੱਥੇ ਨੇੜਲੇ ਪਿੰਡ ਪਾਸਲਾ ਵਿੱਚ ਅਕਾਲੀ ਆਗੂ ਰਾਮ ਕਿਸ਼ਨ ਤੇ ਸੀਨੀਅਰ ਬਸਪਾ ਆਗੂ ਗਿਰਧਾਰੀ ਲਾਲ ਵੱਲੋਂ ਆਯੋਜਿਤ ਅਕਾਲੀ ਬਸਪਾ ਵਰਕਰਾਂ ਦੀ ਵਰਕਰ ਮਿਲਣੀ ਵਿੱਚ ਪਹੁੰਚੇ ਸਨ।
ਇਸ ਮੌਕੇ ਪਹੁੰਚੇ ਅਕਾਲੀ ਬਸਪਾ ਆਗੂਆਂ ਤੇ ਵਰਕਰਾਂ ਨੇ 28 ਜੁਲਾਈ ਨੂੰ ਹਲਕੇ ਦੀਆਂ ਖਸਤਾ ਹਾਲ ਤੇ ਟੁੱਟੀਆਂ ਸੜਕਾਂ ਦੇ ਮਸਲੇ ਤੇ ਕੀਤੇ ਜਾ ਰਹੇ ਵਿਰੋਧ ਪ੍ਰਦਰਸ਼ਨ ਵਿੱਚ ਵੱਡੀ ਗਿਣਤੀ ਵਿੱਚ ਪਹੁੰਚਕੇ ਵਿਰੋਧ ਪ੍ਰਦਰਸ਼ਨ ਨੂੰ ਸਫ਼ਲ ਬਣਾਉਣ ਦੀ ਗੱਲ ਕਹੀ। ਇਸ ਮੌਕੇ ਸ. ਬਲਵੀਰ ਸਿੰਘ ਤੇਹਿੰਗ (ਸ਼੍ਰੋਮਣੀ ਅਕਾਲੀ ਦਲ ਡੈਲੀਗੇਟ ਪੰਜਾਬ), ਬਾਬੂ ਸੁੰਦਰ ਪਾਲ ( ਸਾਬਕਾ ਕੈਸ਼ੀਅਰ ਬਸਪਾ ਪੰਜਾਬ), ਹਰਮੇਸ਼ ਗੜਾ (ਸੀਨੀਅਰ ਬਸਪਾ ਆਗੂ), ਮਦਨ ਲਾਲ ਰੰਧਾਵਾ , ਰਾਮ ਕਿਸ਼ਨ ਪਾਸਲਾ, ਵਿਨੋਦ ਕੁਮਾਰ ਨੀਟਾ, ਸੁਮਿਤ ਬਸਰਾ, ਡਾ. ਗਿਆਨ ਚੰਦ, ਗਿਰਦਾਰੀ ਲਾਲ ਪਾਸਲਾ, ਜੋਗਾ ਸਿੰਘ ਜੈਤੋਵਾਲ਼, ਬਹਾਦਰ ਸਿੰਘ ਸਰਪੰਚ ਜੈਤੋਵਾਲ਼, ਹਰਨੇਕ ਸਿੰਘ ਪੰਚ, ਮਨਜੀਤ ਸਿੰਘ ਸਾਬਕਾ ਸਰਪੰਚ, ਧਰਮਪਾਲ ਪਟਵਾਰੀ, ਸੇਵਾ ਸਿੰਘ, ਦੇਸ ਰਾਜ ਅਤੇ ਹੋਰ ਮੌਜੂਦ ਸਨ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
