ਆਪਣੀ ਆਪਣੀ ਸੋਚ

(ਸਮਾਜ ਵੀਕਲੀ)

ਊਂ ਤੇ ਲੋਕੀ ਆਖਦੇ,
ਉਹ ਚੰਨ ਦਾ ਟੋਟਾ ਏ

ਸੂਰਜ ਓਹਦੇ ਸਾਹਮਣੇ,
ਕਹਿੰਦੇ ਮਾੜਾ ਮੋਟਾ ਏ

ਭੰਨ ਚੂੜੀ ਪਿਆਰ ਫਿਰਾਂ ਮਾਪਦੀ
ਵੇਖਾਂ ਕਲੀ ਕਿ ਜੋਟਾ ਏ

ਪਈ ਖੱਪਦੀ,ਜੋਟਾ ਨਾ ਆਵੰਦਾ
ਲਗਦੈ ! ਪਿਆਰ ਓਹਦਾ ਖੋਟਾ ਏ

ਓਸੇ ਚੁੰਨੀ ਹੰਝੂ ਪਈ ਪੂੰਝਦੀ
ਜਿਸ ਚਾਈਂ ਲਾਇਆ ਗੋਟਾ ਏ

ਊਂ ਤੇ ਹੁਸਨ ਇਸ਼ਕ ਨਾਲ ਲੱਦਿਆ
ਪਿਆਰ ਓਸ ਝੁੱਗੇ ਪੋਟਾ ਏ

ਵੱਡੇ ਮਹਿਲੀਂ,ਕੰਨੀਂ ਨੱਤੀਆਂ
ਜੋ ਦਿਲ ਦੁਲ ਤੋਂ ਛੋਟਾ ਏ

ਮੀਨਾ ਮਹਿਰੋਕ

‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly