ਜੇਬ ਦੇ ਫ਼ਕੀਰ ਹਾਂ,
ਤੇ ਦਿਲ ਦੇ ਅਮੀਰ ਹਾਂ।
ਮਿਟੇ ਨਾਂ ਮਿਟਾਇਆ ਤੋਂ ਜੋ,
ਓਹੋ ਹੀ ਲਕੀਰ ਹਾਂ।
ਜੇਬ ਦੇ…..
ਜ਼ਿੰਦਗੀ ਦੇ ਸੁੱਖ ਸਾਰੇ,
ਕੁੱਲੀ ਵਿਚ ਲੈਦੇ ਹਾਂ।
ਘੁੱਟਦਾ ਨੀਂ ਸਾਹ,
ਖੁੱਲ੍ਹੀ ਹਵਾ ਵਿੱਚ ਰਹਿੰਦੇ ਹਾਂ।
ਆਪਣੇ ਹਾਂ ਆਪੇ ਰਾਜੇ,
ਆਪ ਹੀ ਵਜ਼ੀਰ ਹਾਂ।
ਜੇਬ ਦੇ…..
ਰੁੱਖਾਂ ਦੀਆਂ ਛਾਵਾਂ ਹੇਠ,
ਲੈਂਦੇ ਹਾਂ ਨਜ਼ਾਰੇ ਬੜੇ।
ਭੁੰਨ ਭੁੰਨ ਖਾਂਦੇ ਸ਼ੌਕ ਨਾਲ਼,
ਛੋਲੇ ਜੋ ਕਰਾਰੇ ਕਰੇ।
ਆਪਣੇ ਮਾਪਿਆਂ ਦੀ ਅਸੀਂ,
ਆਪ ਹੀ ਜਗੀਰ ਹਾਂ।
ਜੇਬ ਦੇ……
ਆਲਸ ਤੋਂ ਰਹਿ ਕੇ ਦੂਰ,
ਰੋਗਾਂ ਨੂੰ ਭਜਾਉਂਦੇ ਹਾਂ।
ਸਾਦੀ ਜਿਹੀ ਰੋਟੀ ਖਾ ਕੇ,
ਸ਼ੁਕਰ ਮਨਾਉਂਦੇ ਹਾਂ।
ਕੰਮ ਤੋਂ ‘ਨਾਂ ਡਰੇ ‘ਧੀਮਾਨ’,
ਕਹਿਰਾ ਜਿਹਾ ਸਰੀਰ ਹਾਂ।
ਜੇਬ ਦੇ ਫ਼ਕੀਰ ਹਾਂ,
ਤੇ ਦਿਲ ਦੇ ਅਮੀਰ ਹਾਂ।
ਮਨਜੀਤ ਕੌਰ ਧੀਮਾਨ,
ਸ਼ੇਰਪੁਰ, ਲੁਧਿਆਣਾ।
ਸੰ:9464633059
