(ਸਮਾਜ ਵੀਕਲੀ)
ਆਖਰ ਇੱਕ ਦਿਨ ਕਰਨਾ ਪਊਗਾ
ਸੁਆਗਤ ਹੀ ਮਹਿਮਾਨਾਂ ਦਾ ।
ਨਹੀਂ ਤਾਂ ਰਸਤਾ ਰੋਕ ਦੇਣਾ ਏਂ
ਇਹਨਾਂ ਨੇ ਦੋਹਾਂ ਜਹਾਨਾਂ ਦਾ ।
ਇੱਕ ਵਾਰੀ ਪਹਿਲਾਂ ਦੱਸਿਆ ਸੀ
ਅੱਜ ਦੁਬਾਰਾ ਦੱਸ ਦਿੱਤਾ ;
ਰੋਹ ਫ਼ੋਰਸਾਂ ਤੋਂ ਨਈਂ ਰੁਕਣਾ
ਅੱਕੇ ਹੋਏ ਕਿਰਸਾਨਾਂ ਦਾ ।
2.
ਪਹਿਲਾਂ ਪੰਜਾਬੀਆਂ ਗੱਲ ਸਮਝਾਈ
ਪਰ ਤੈਨੂੰ ਸਮਝ ਨਾ ਆਈ ।
ਆਖਰ ਅੱਜ ਹਰਿਆਣਵੀਆਂ ਨੇ
ਚੰਗੀ ਤਰਾ੍ਂ ਸਮਝਾਈ ।
ਉਹ ਤਾਂ ਚਲੋ ਬਿਗਾਨੇ ਸੀ ਪਰ
ਇਹ ਤਾਂ ਤੇਰੇ ਅਪਣੇ ਸਨ ;
ਅਪਣਿਆਂ ਨੂੰ ਸੋਧ ਬਿਲਾਂ ਦੀ
ਦੱਸ ਦਿੰਦੇ ਵਡਿਆਈ ।
3
ਕੰਧ ਤੇ ਲਿਖਿਆ ਪੜ੍ ਲੈ
ਨਹੀਂ ਤਾਂ ਪਛਤਾਵੇਂਗੀ ।
ਜੇਕਰ ਸਮੇਂ ਦੀਏ ਸਰਕਾਰੇ
ਨੀ ਵਕਤ ਗੁਆਵੇਂਗੀ ।
ਇਹ ਕਾਲ਼ੇ ਪੀਲ਼ੇ ਕਨੂੰਨ ਤਾਂ
ਗੱਲਾਂ ਦੂਰ ਦੀਆਂ ;
ਮੈਨੂੰ ਲਗਦਾ ਏ ਕਿ ਤੂੰ
ਸਰਕਾਰ ਗੁਆਵੇਂਗੀ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ( ਪੰਜਾਬ )
148024
