(ਸਮਾਜ ਵੀਕਲੀ)
ਚੰਦਰਾ ਪੋਹ ਦਾ ਮਹੀਨਾ,
ਫੇਰ ਆ ਗਿਆ,
ਸਾਡੀ ਕੌਮ ਉੱਤੇ ਫੇਰ,
ਕਹਿਰ ਢਾਹ ਗਿਆ,
ਨਿਰਦਈ ਨੇ ਹਾਕਮ ਸਾਡੇ,
ਜ਼ੁਲਮ ਕਰਦੇ ਨੇ,
ਬਾਜਾਂ ਵਾਲਿਆਂ ਫੇਰ ਤੇਰੇ ਪੁੱਤ ਅੱਜ,
ਠੰਡ ਚ’ ਠਰਦੇ ਨੇ,
ਅਸੀਂ ਅੰਮ੍ਰਿਤ ਵਾਟੇ ਵਾਲਾ,
ਪੀਤਾ ਹੋਇਆ ਏ,
ਗੁਰੂ ਦੇ ਅਸੂਲਾਂ ਤੇ ਚੱਲਣ ਦਾ,
ਵਾਅਦਾ ਕੀਤਾ ਹੋਇਆ ਏ,
ਦੁਨੀਆਂ ਵਾਲੇ ਦੇਖ ਕੰਮੋਂ
ਅੱਖਾਂ ਭਰਦੇ ਨੇ,
ਬਾਜਾਂ ਵਾਲਿਆਂ ਫੇਰ ਤੇਰੇ ਪੁੱਤ ਅੱਜ
ਠੰਡ ਚ’ ਠਰਦੇ ਨੇ,
ਗੁਰੂ ਦੇ ਲਾਲਾਂ ਨੇ ਵੀ ਹਾਰ,
ਨਈ ਸੀ ਮੰਨੀ
ਉਸ ਸਮੇਂ ਉਹਨਾਂ ਦੀ ਵੀ,
ਉਮਰ ਸੀ ਅਵੱਲੀ
ਸਦਾ ਹੀ ਸਿੰਘ ਜਬਰ ਅੱਗੇ
ਸੀਸ ਧਰਦੇ ਨੇ
ਬਾਜਾਂ ਵਾਲਿਆਂ ਫੇਰ ਤੇਰੇ ਪੁੱਤ ਅੱਜ
ਠੰਡ ਚ’ ਠਰਦੇ ਨੇ,
ਕਰਮਜੀਤ ਕੌਰ ਸਮਾਓਂ
ਜ਼ਿਲ੍ਹਾ ਮਾਨਸਾ
7888900620
