ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਚੁੰਬਰ) (ਸਮਾਜ ਵੀਕਲੀ) : ਇੰਟਰਨੈਸ਼ਨਲ ਲੋਕ ਗਾਇਕ ਕਲਾ ਮੰਚ ਦੇ ਕੌਮੀ ਪ੍ਰਧਾਨ ਹਾਕਮ ਬਖਤੜੀਵਾਲਾ, ਪ੍ਰਸਿੱਧ ਸੰਗੀਤਕਾਰ ਮੁੱਖਾ ਦੋਰਾਹਾ ਅਤੇ ਗੁਰਦਾਸ ਕੈੜਾ ਵਲੋਂ ਭੇਜੀਆਂ ਗਈਆਂ ਰਾਸ਼ਨ ਦੀਆਂ ਕਿੱਟਾਂ ਨੂੰ ਇੰਟਰਨੈਸ਼ਨਲ ਲੋਕ ਗਾਇਕ ਕਲਾ ਮੰਚ ਭੋਗਪੁਰ ਦੇ ਸਮੁੱਚੇ ਪਰਿਵਾਰ ਵਲੋਂ ਕਲਾਕਾਰਾਂ ਅਤੇ ਸਜਿੰਦਿਆਂ ਨੂੰ ਵੰਡੀਆਂ ਗਈਆਂ।
ਇਸ ਮੌਕੇ ਇੰਟਰਨੈਸ਼ਨਲ ਗਾਇਕ ਮੈਂਬਰ ਕਲਾ ਮੰਚ ਸੁਰਿੰਦਰ ਲਾਡੀ, ਭੋਗਪੁਰ ਕਲਾ ਮੰਚ ਦੇ ਪ੍ਰਧਾਨ ਤਾਜ ਨਗੀਨਾ, ਵਾਈਸ ਪ੍ਰਧਾਨ ਕੁਲਦੀਪ ਚੁੰਬਰ ਨੇ ਦੱਸਿਆ ਕਿ ਸਾਰੇ ਕਲਾਕਾਰ ਵਰਗ ਦਾ ਕਾਰੋਬਾਰ ਕਰੋਨਾ ਕਾਰਨ ਪ੍ਰਭਾਵਿਤ ਹੋਣ ਕਰਕੇ ਮੰਦੀ ਦਾ ਦੌਰ ਚੱਲ ਰਿਹਾ ਹੈ। ਉਹ ਇਸ ਮੌਕੇ ਸਹਿਯੋਗ ਕਰਨ ਵਾਲੇ ਸਾਰੇ ਵਿਅਕਤੀਆਂ ਦਾ ਧੰਨਵਾਦ ਕਰਦੇ ਹਨ, ਜੋ ਤਨ ਮਨ ਧੰਨ ਨਾਲ ਆਪਣਾ ਸਹਿਯੋਗ ਪਾ ਕੇ ਇਸ ਸੰਗੀਤ ਪਰਿਵਾਰ ਨੂੰ ਬਣਦਾ ਰਾਸ਼ਨ ਤਕਸੀਮ ਕਰ ਰਹੇ ਹਨ। ਇਸ ਮੌਕੇ ਗਾਇਕ ਚਰਨਜੀਤ ਚੰਨੀ ਖਜਾਨਜੀ, ਐਂਕਰ ਬਲਦੇਵ ਰਾਹੀ, ਕੁਲਵੀਰ ਲਾਹਧੜਾ ਸਮੇਤ ਕਈ ਹੋਰ ਅਹੁਦੇਦਾਰ ਹਾਜ਼ਰ ਸਨ।
