“ਪਰਮੋਸ਼ਨਾ ਤੇ ਬਦਲੀਆਂ ਜਲਦੀ ਕਰਨ ਦਾ ਦਿੱਤਾ ਭਰੋਸਾ “
ਕਪੂਰਥਲਾ (ਸਮਾਜ ਵੀਕਲੀ) (ਕੌੜਾ )- ਮਾਸਟਰ ਕੇਡਰ ਯੂਨੀਅਨ ਪੰਜਾਬ ਦੀ ਇੱਕ ਅਹਿਮ ਮੀਟਿੰਗ ਸਿੱਖਿਆ ਮੰਤਰੀ ਪੰਜਾਬ ਸ• ਹਰਜੋਤ ਬੈਂਸ ਨਾਲ ਸੂਬਾ ਪ੍ਰਧਾਨ ਗੁਰਪ੍ਰੀਤ ਸਿੰਘ ਰਿਆੜ, ਫਾਉਡਰ ਮੈਂਬਰ ਵਸ਼ਿੰਗਟਨ ਸਿੰਘ ਸਮੀਰੋਵਾਲ,ਸੂਬਾ ਜਨਰਲ ਸਕੱਤਰ ਬਲਜਿੰਦਰ ਧਾਲੀਵਾਲ , ਦੀ ਸਾਂਝੀ ਅਗਵਾਈ ਵਿੱਚ ਹੋਈ ।ਮੀਟਿੰਗ ਸਬੰਧੀ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਸੂਬਾ ਪ੍ਰੈੱਸ ਸਕੱਤਰ ਸੰਦੀਪ ਕੁਮਾਰ ਅਤੇ ਸੂਬਾ ਮੀਤ ਪ੍ਰਧਾਨ ਹਰਪ੍ਰੀਤ ਖੂੰਡਾ ਨੇ ਕਿਹਾ ਕਿ ਜਥੇਬੰਦੀ ਵਲੋਂ ਪੇਅ ਕਮਿਸ਼ਨ ਦੀਆਂ ਸਿਫਾਰਸ਼ਾਂ ਅਨੁਸਾਰ 2. 59 ਦਾ ਗੁਣਾਂਕ ਦੇਣ , ਪੇਂਡੂ ਭੱਤੇ,ਬਾਰਡਰ ਏਰੀਆ ਭੱਤਾ,ਮੁੱਖ ਅਧਿਆਪਕ ਪ੍ਰਬੰਧਕੀ ਭੱਤਾ,ਸਾਇੰਸ ਅਧਿਆਪਕਾ ਦਾ ਸਾਇੰਸ ਭੱਤਾ,ਦਰਜਾ ਚਾਰ ਭੱਤਾ ਅਤੇ ਸਿੱਖਿਆ ਵਿਭਾਗ ਸਬੰਧਿਤ ਹੋਰ ਭੱਤੇ ਲਾਗੂ ਕਰਨ ਸਬੰਧੀ ਜਥੇਬੰਦੀ ਵਲੋ ਤਿਆਰ ਕੀਤੀ ਫਾਇਲ ਤੇ ਵਿੱਤ ਮੰਤਰੀ ਨਾਲ ਗੱਲਬਾਤ ਕਰਕੇ ਬੰਦ ਭੱਤੇ ਚਾਲੂ ਕਰਵਾਉਣ ਅਤੇ 2.59 ਦਾ ਉਚੇਰਾ ਗੁਣਾਂਕ ਜਲਦ ਲਾਗੂ ਕਰਵਾਉਣ ਦਾ ਭਰੋਸਾ ਦਿੱਤਾ।
ਇਸ ਤੋ ਇਲਾਵਾ ਮਾਸਟਰ ਕੇਡਰ ਤੋ ਲੈਕਚਰਾਰ ਦੀਆਂ ਪ੍ਰਮੋਸ਼ਨਾ ਕਰਨ ਦੇ ਆਰਡਰ ਜਲਦੀ ਜਾਰੀ ਕਰਨ ਸੰਬੰਧੀ ਅਤੇ ਰਹਿੰਦੇ ਵਿਸ਼ਿਆਂ ਦੀਆਂ ਪਰਮੋਸ਼ਨਾ ਜਲਦੀ ਕਰਨ ਦੀ ਮੰਗ ਤੇ ਸਿੱਖਿਆ ਮੰਤਰੀ ਵਲੋਂ ਮੌਕੇ ਤੇ ਮੌਜੂਦ ਅਧਿਕਾਰੀਆਂ ਨੂੰ ਪਰਮੋਸ਼ਨਾ ਜਲਦੀ ਕਰਨ ਦੇ ਆਦੇਸ਼ ਦਿੱਤੇ ।ਮੁੱਖ ਅਧਿਆਪਕਾਂ ਦੀਆਂ ਪਦਉਨਤੀਆ ਸਬੰਧੀ 14 ਸਤੰਬਰ ਨੂੰ ਕੋਰਟ ਕੇਸ ਚ ਵਿਭਾਗ ਵੱਲੋਂ ਪੱਖ ਰੱਖ ਕੇ ਮਨਜ਼ੂਰੀ ਲੈਣ ਲਈ ਯਤਨ ਕੀਤੇ ਜਾਣਗੇ । 2018 ਦੇ ਸਰਵਿਸ ਰੂਲਜ਼ ਰੱਦ ਕਰਕੇ ਮੁੱਖ ਅਧਿਆਪਕ ਲਈ ਪਦਉਨਤੀਆ ਦਾ ਕੋਟਾ 75% ਕੀਤੇ ਜਾਣ ਦੀ ਮੰਗ ਤੇ ਸਿੱਖਿਆ ਮੰਤਰੀ ਵਲੋਂ ਇਸ ਦੇ ਸਾਰਥਕ ਹਲ ਦਾ ਭਰੋਸਾ ਦਿੱਤਾ । ਬਦਲੀਆਂ ਸਬੰਧੀ ਪ੍ਰਵਾਨਗੀ ਲਈ ਫਾਈਲ ਮੁੱਖ ਮੰਤਰੀ ਜੀ ਵਲੋਂ ਕਲੀਅਰ ਹੋਣ ਤੇ ਜਲਦ ਬਦਲੀਆਂ ਕਰਨ ਦਾ ਭਰੋਸਾ ।
ਵਿਭਾਗੀ ਟੈਸਟ ਰੱਦ ਕਰਨ ਦਾ ਮੁੱਦਾ ਵੀ ਜਥੇਬੰਦੀ ਵੱਲੋਂ ਜ਼ੋਰਦਾਰ ਢੰਗ ਨਾਲ ਉਠਾਇਆ ਗਿਆ ।ਇਸ ਤੋ ਇਲਾਵਾ ਇਕ ਦਿਨ ਦੀ ਮੈਡੀਕਲ ਛੁੱਟੀ ਈ ਐਚ ਆਰ ਐਮ ਐਸ ਤੇ ਅਪਲਾਈ ਨਹੀਂ ਹੁੰਦੀ ਦੀ ਮੰਗ ਸੰਬੰਧੀ ਉਸ ਪੋਰਟਲ ਨੂੰ ਦਰੁਸਤ ਕਰਨ ਵਾਸਤੇ ਸਿੱਖਿਆ ਮੰਤਰੀ ਵਲੋਂ ਅਧਿਕਾਰੀਆਂ ਨੂੰ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ । ਐਸ ਐਸ ਏ ਰਮਸਾ ਅਧਿਆਪਕਾ ਦਾ ਬਕਾਇਆ ਰਾਸ਼ੀ ਜਾਰੀ ਕਰਨ ਸੰਬੰਧੀ, 27/06/2013 ਤਕ ਦਾਖਲਾ ਲੈ ਚੁੱਕੇ ਬਾਹਰਲੇ ਰਾਜਾਂ ਦੀਆਂ ਯੂਨੀਵਰਸਿਟੀਆਂ ਤੋ ਡਿਗਰੀ ਕਰਨ ਵਾਲੇ ਅਧਿਆਪਕਾ ਨੂੰ ਪਦਉਨਤ ਕਰਨ ਸੰਬੰਧੀ ਮੰਗ ,ਤਰਸ ਦੇ ਆਧਾਰ ਤੇ ਨਿਯੁਕਤੀ ਲੈਣ ਵਾਲੇ ਅਧਿਆਪਕਾਵਾਂ ਦੀਆਂ ਵਿਧਵਾ ਪਤਨੀਆਂ ਨੂੰ ਟਾਈਪਿੰਗ ਟੈਸਟ ਤੋਂ ਛੋਟ ਦੇਣ ਸਬੰਧੀ ਅਤੇ ਸਮਾਂ ਬਧ ਪਰਮੋਸ਼ਨਾ ਤੇ ਵੀ ਗਲਬਾਤ ਤੇ ਸਿੱਖਿਆ ਮੰਤਰੀ ਵਲੋਂ ਇਹਨਾ ਮੰਗਾਂ ਦੇ ਹਲ ਲਈ ਸਾਰਥਕ ਹਲ ਕਰਨ ਦਾ ਭਰੋਸਾ ਦਿੱਤਾ ।
ਇਸ ਸਮੇਂ ਹੋਰਨਾ ਤੋ ਸੂਬਾ ਵਿੱਤ ਸਕੱਤਰ ਸ੍ਰੀ ਰਮਨ ਕੁਮਾਰ ਪਠਾਨਕੋਟ ਅਤੇ ਸੀਨੀ ਮੀਤ ਪ੍ਰਧਾਨ ਹਰਮਿੰਦਰ ਸਿੰਘ ਉੱਪਲ, ਇਲਾਵਾ ਸੂਬਾ ਮੀਤ ਪ੍ਰਧਾਨ ਹਰਮਿੰਦਰ ਸਿੰਘ ਉੱਪਲ ,ਮਾਲਵਾ ਜ਼ੋਨ ਪ੍ਰਧਾਨ ਮਹਿੰਦਰ ਸਿੰਘ ਰਾਣਾ ,ਮਨਜਿੰਦਰ ਸਿੰਘ ਢਿੱਲੋਂ ਜ਼ਿਲ੍ਹਾ ਪ੍ਰਧਾਨ ਤਰਨਤਾਰਨ ,ਸੁਖਦੇਵ ਕਾਜਲ ਜ਼ਿਲ੍ਹਾ ਪ੍ਰਧਾਨ ਹੁਸ਼ਿਆਰਪੁਰ ,ਬਲਜਿੰਦਰ ਸਿੰਘ ਸ਼ਾਂਤਪੁਰੀ ਜ਼ਿਲ੍ਹਾ ਪ੍ਰਧਾਨ ਰੋਪੜ ਅਤੇ ਸੁਖਦੇਵ ਸਿੰਘ ਭੈਣੀ ,ਡਾ ਅਰਜਿੰਦਰ ਕਲੇਰ, ਧਰਮਜੀਤ ਸਿੰਘ ਢਿੱਲੋਂ ਤੇ ਗੁਰਮੇਜ ਸਿੰਘ ਕਲੇਰ ,ਇੰਦਰਪਾਲ ਸਿੰਘ , ਗੁਰਮੀਤ ਸਿੰਘ, ਪਵਨ ਕੁਮਾਰ, ਗੁਰਦਿਆਲ ਸਿੰਘ, ਮਨਦੀਪ ਸਿੰਘ, ਕਿਰਨਦੀਪ ਸਿੰਘ, ਗੁਰਦੀਪ ਸਿੰਘ ਪੀਟਰ ਅਤੇ ਕਰਨੈਲ ਸਿੰਘ ਆਦਿ ਹਾਜ਼ਰ ਸਨ।
