ਪੰਜਾਬ ਫਿਲਮੀ ਦੁਨੀਆ ਰਾਸ਼ਟਰੀ ਵਿਰਾਸਤ
ਆਪਣੇ ਪਹਿਲੇ ਗੀਤ ‘ਕਰੱਸ਼’ ਨਾਲ ਯੂ-ਟਿਊਬ‘ਤੇ ਛਾਇਆ ਸ਼ਾਨ ਸੰਧੂ
ਜਲੰਧਰ (ਹਰਜਿੰਦਰ ਛਾਬੜਾ)- ਗਾਇਕ ਸ਼ਾਨ ਸੰਧੂ ਆਪਣੇ ਪਹਿਲੇ ਹੀ ਗੀਤ ‘ਕਰੱਸ਼’ ਨਾਲ ਯੂ-ਟਿਊਬ ‘ਤੇ ਛਾ ਗਿਆ ਹੈ। ਜਸ ਰੈਕੇਡਸ ਕੰਪਨੀ ਵੱਲੋਂ ਰਿਲੀਜ਼ ਕੀਤੇ ਗਏ ਇਸ ਗੀਤ ਨੂੰ ਪੰਜਾਬੀ ਸ੍ਰੋਤਿਆਂ ਵੱਲੋਂ ਭਰਪੂਰ ਹੁੰਗਾਰਾ ਦਿੰਦੇ ਹੋਏ ਪਸੰਦ ਕੀਤਾ ਜਾ ਰਿਹਾ ਹੈ। ਇਸਦੇ ਬੋਲ ਖ਼ੁਦ ਸ਼ਾਨ ਸੰਧੂ ਵੱਲੋਂ ਲਿਖੇ ਗਏ ਹਨ ਅਤੇ ਕੰਪੋਜ਼ ਵੀ ਉਨ੍ਹਾਂ ਵੱਲੋਂ ਹੀ ਕੀਤਾ ਗਿਆ ਹੈ। ਗੀਤ ਦਾ ਸੰਗੀਤ ਬੌਬ ਵੱਲੋਂ ਅਤੇ ਵੀਡੀਓ ਤੇਜੀ ਸੰਧੂ ਵੱਲੋਂ ਤਿਆਰ ਕੀਤੀ ਗਈ ਹੈ।
19 ਸਤੰਬਰ ਨੂੰ ਰਿਲੀਜ਼ ਕੀਤੇ ਗਏ ਇਸ ਗੀਤ ਨੂੰ ਯੂ-ਟਿਊਬ ‘ਤੁ ਹੁਣ ਤੱਕ 7 ਲੱਖ ਤੋਂ ਉੱਪਰ ਸ੍ਰੋਤਿਆਂ ਵੱਲੋਂ ਦੇਖਿਆ ਜਾ ਚੁੱਕਿਆ ਹੈ। ਜਿਕਰਯੋਗ ਹੈ ਕਿ ਸ਼ਾਨ ਸੰਧੂ ਉੱਘੇ ਕਬੱਡੀ ਪ੍ਰਮੋਟਰ ਅਤੇ ਬੇਅ-ਏਰੀਆ ਸਪੋਰਟ ਕਲੱਬ ਅਮਰੀਕਾ ਦੇ ਪ੍ਰਮੁੱਖ ਮੈਂਬਰਾਂ ਸੁਖਜੀਤ ਸਿੰਘ ਸੰਧੂ ਅਤੇ ਬਲਜੀਤ ਸਿੰਘ ਸੰਧੂ ਦੇ ਪਰਿਵਾਰ ਦਾ ਮੈਂਬਰ ਹੈ ਅਤੇ ਕੁਲਵਿੰਦਰ ਸਿੰਘ ਕਾਲਾ ਕਬੱਡੀ ਪ੍ਰਮੋਟਰ ਦਾ ਸਪੁੱਤਰ ਹੈ। ਬੇਅ ਏਰੀਆ ਸਪੋਰਟਸ ਕਲੱਬ ਦੇ ਸਮੂਹ ਮੈਂਬਰਾਂ ਨੇ ਸ਼ਾਨ ਸੰਧੂ ਅਤੇ ਪੂਰੇ ਪਰਿਵਾਰ ਨੂੰ ਗੀਤ ਸ਼ੁੱਭ ਇਛਾਵਾਂ ਭੇਜੀਆਂ ਹਨ।
