ਆਰਸਨਲ ਨੇ ਮੀਂਹ ਵਿੱਚ ਇੱਥੇ ਆਪਣੇ ਮੈਦਾਨ ’ਤੇ ਹੋਏ ਮੈਚ ਵਿੱਚ ਮੈਨਚੈਸਟਰ ਯੂਨਾਈਟਿਡ ਨੂੰ 2-0 ਨਾਲ ਹਰਾ ਕੇ ਇੰਗਲਿਸ਼ ਪ੍ਰੀਮੀਅਰ ਲੀਗ ਵਿੱਚ ਓਲੇ ਗੁੰਨਾਰ ਸੋਲਸਕਰ ਦੇ ਜੇਤੂ ਰੱਥ ਨੂੰ ਰੋਕ ਦਿੱਤਾ। ਜੋਸ ਮੂਰੀਨਹੋ ਨੂੰ ਬਰਖ਼ਾਸਤ ਕੀਤੇ ਜਾਣ ਤੋਂ ਬਾਅਦ ਤਿੰਨ ਮਹੀਨੇ ਪਹਿਲਾਂ ਮੈਨਚੈਸਟਰ ਯੂਨਾਈਟਿਡ ਦੇ ਮੈਨੇਜਰ ਦੇ ਅਹੁਦੇ ’ਤੇ ਸੋਲਸਕਰ ਨੂੰ ਨਿਯੁਕਤ ਕੀਤਾ ਗਿਆ ਸੀ ਜਿਸ ਮਗਰੋਂ ਟੀਮ 12 ਮੈਚਾਂ ਵਿੱਚ ਜੇਤੂ ਰਹੀ ਸੀ। ਆਰਸਨਲ ਵੱਲੋਂ ਪਹਿਲੇ ਅੱਧ ਵਿੱਚ ਗਰੈਨਿਟ ਖਾਕਾ ਨੇ ਗੋਲ ਕੀਤਾ ਜਦੋਂਕਿ ਪਿਅਰੇ ਐਮੇਰਿਕ ਓਬਾਮੇਅੰਗ ਨੇ ਦੂਜਾ ਗੋਲ ਦੂਜੇ ਅੱਧ ਵਿੱਚ ਪੈਨਲਟੀ ਸਟਰੋਕ ਉੱਤੇ ਕੀਤਾ।
