(ਸਮਾਜ ਵੀਕਲੀ)
300 ਯੂਨਿਟ ਮੁਆਫ਼ ਜੇ ਕਰਨੇ
ਇਕ ਕੰਮ ਫਿਰ ਕਰਨਾ ਪੈਣਾ
ਦੱਸ ਏਕੜ ਤੋਂ ਵੱਧ ਵਾਲੇ ਨੂੰ
ਬਿਲ ਦਾ ਟੀਕਾ ਜਰਨਾ ਪੈਣਾ
ਮਗਰਮੱਛ ਜੇ ਨਾ ਮਾਰੇ ਤਾਂ
ਮੱਛੀਆਂ ਨੂੰ ਵੀ ਮਰਨਾ ਪੈਣਾ
ਫਰੀ ਬਿਜਲੀ ਦੇ ਲੈਣ ਨਜ਼ਾਰੇ
ਧਨਾਢਾਂ ਨੂੰ ਬਿੱਲ ਭਰਨਾ ਪੈਣਾ
ਬਿਨ ਸੋਟੀ ਤੋਂ ਜੇ ਸੱਪ ਮਾਰਨਾ
ਤਾਂ ਪੈਰ ਸੀਰੀ ਤੇ ਧਰਨਾ ਪੈਣਾ
ਬਿੰਦਰ ਸਾਹਿਤ ਇਟਲੀ……..
ਪੈਨਸ਼ਨ ਲੈਣ ਦੇ ਤਰੀਕੇ
ਚਾਰ ਪੈਨਸ਼ਨਾਂ ਜੇਕਰ ਲੈਣੀਆਂ
ਅਜੇ ਵੀ ਮੌਕਾ ਅੜ ਜਾਓ
ਸਭ ਤੋਂ ਉੱਚੀਆਂ ਜਿਹੜੀਆਂ ਦਿੱਸਣ
ਟੈਂਕੀਆਂ ਉੱਤੇ ਚੜ੍ਹ ਜਾਓ
ਜਿੱਥੇ ਕੁੱਟੇ ਮਾਸਟਰ ਮਾਸਟਰਨੀਆਂ
ਉਸ ਚੌੰਕ ਵਿੱਚ ਖੜ੍ਹ ਜਾਓ
ਕੱਚੇ ਮੁਲਾਜ਼ਮ ਕਿੰਝ ਲੜਦੇ ਸੀ
ਤੁਸੀ ਵੀ ਓਮੇ ਲੜ ਜਾਓ
ਪਾਣੀ ਦੀਆਂ ਤੁਸੀ ਝੱਲੋ ਬੁਛਾੜਾਂ
ਜਾ ਤਪਦੀ ਧੁੱਪੇ ਸੜ ਜਾਓ
ਨਸ਼ੇ ਦਾ ਦਰਿਆ ਜੋ ਚਲਾਇਆ
ਤੁਸੀਂ ਵੀ ਉਸ ਵਿੱਚ ਹਡ਼੍ਹ ਜਾਓ
ਜਾਂ ਫਿਰ ਚੁੱਕ ਕੇ ਬੋਰੀ ਬਿਸਤਰਾ
ਹਰਿਆਣੇ ਵਿੱਚ ਵੜ ਜਾਓ
ਬਿੰਦਰ ਸਾਹਿਤ ਇਟਲੀ
‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
