14ਵੇਂ ਓਲੰਪੀਅਨ ਪ੍ਰਿੰਥੀਪਾਲ ਸਿੰਘ ਹਾਕੀ ਫੈਸਟੀਵਲ ਦੇ ਫਾਈਨਲ ਗੇੜ ਦੇ ਮੁਕਾਬਲੇ 6 ਤੋਂ 9 ਤੱਕ ਜਰਖੜ ਵਿਖੇ ਹੋਣਗੇ

 ਲੁਧਿਆਣਾ ਨਕੋਦਰ ਮਹਿਤਪੁਰ (ਸਮਾਜ ਵੀਕਲੀ) (ਹਰਜਿੰਦਰ ਪਾਲ ਛਾਬੜਾ)

 ਮਾਤਾ ਸਾਹਿਬ ਕੌਰ ਖੇਡ  ਸਟੇਡੀਅਮ ਜਰਖੜ ਵਿਖੇ 14ਵੇਂ ਓਲੰਪੀਅਨ ਪ੍ਰਿਥੀਪਾਲ ਸਿੰਘ ਹਾਕੀ ਫੈਸਟੀਵਲ ਦੇ  ਫਾਈਨਲ ਗੇੜ ਦੇ ਜੂਨੀਅਰ ਅਤੇ ਸੀਨੀਅਰ ਵਰਗ ਦੇ ਹਾਕੀ ਮੁਕਾਬਲੇ  6  ਤੋਂ 9 ਜੂਨ ਤੱਕ  ਖੇਡੇ ਜਾਣਗੇ ।ਜਰਖੜ ਖੇਡਾਂ ਦੇ ਚੇਅਰਮੈਨ ਨਰਿੰਦਰ ਪਾਲ ਸਿੰਘ ਸਿੱਧੂ ਅਤੇ ਮੁੱਖ ਪ੍ਰਬੰਧਕ ਜਗਰੂਪ ਸਿੰਘ ਜਰਖੜ ਨੇ ਦੱਸਿਆ ਕਿ 6 ਜੂਨ ਨੂੰ ਜੂਨੀਅਰ ਅਤੇ ਸੀਨੀਅਰ ਵਰਗ ਦੇ ਕੁਆਰਟਰ ਫਾਈਨਲ ਮੁਕਾਬਲੇ ਹੋਣਗੇ ਜਿਨਾਂ ਵਿੱਚ  ਸੀਨੀਅਰ ਵਰਗ ਦੇ  ਕੁਆਰਟਰ ਫਾਈਨਲ ਮੁਕਾਬਲੇ   ਵਿੱਚ ਪਹਿਲਾਂ ਮੈਚ ਬੇਕਰਜਫੀਲਡ ਕੈਲੀਫੋਰਨੀਆ ਬਨਾਮ ਡਾ: ਕੁਲਦੀਪ  ਕਲੱਬ ਮੋਗਾ ਸ਼ਾਮ 7, ਵਜੇ ਕਿਲਾ ਰਾਏਪੁਰ ਬਨਾਮ ਤੇਹਿੰਗ ਰਾਤ 8 ਵਜੇ  ਖੇਡਿਆ ਜਾਵੇਗਾ ਜਦ ਕਿ ਜੂਨੀਅਰ ਵਰਗ ਵਿੱਚ ਪਹਿਲਾ ਕੁਆਟਰ ਫਾਈਨਲ ਮੁਕਾਬਲਾ  ਏਕ ਨੂਰ ਅਕੈਡਮੀ ਤੇਹਿੰਗ ਬਨਾਮ ਕਿਲਾ ਰਾਏਪੁਰ ਸਪੋਰਟ ਸੈਂਟਰ ਵਿਚਕਾਰ 5 ਵਜੇ ਸ਼ਾਮ , ਜਦਕਿ ਦੂਸਰਾ ਮੈਚ ਰਾਊਂਡ ਗਲਾਸ ਅਕੈਡਮੀ ਚਚਰਾੜੀ ਅਤੇ ਐਚਟੀਸੀ ਸੈਂਟਰ  ਰਾਮਪੁਰ  ਸ਼ਾਮ 6 ਵਜੇ ਖੇਡਿਆ ਜਾਵੇਗਾ ।ਉਹਨਾਂ ਦੱਸਿਆ ਕਿ 7 ਜੂਨ ਨੂੰ ਆਰਾਮ ਦਾ ਦਿਨ ਹੋਵੇਗਾ । 8 ਜੂਨ ਨੂੰ ਕੁਆਟਰ ਫਾਈਨਲ ਮੈਚਾਂ ਦੀਆਂ ਜੇਤੂ ਟੀਮਾਂ, ਅਤੇ ਸੈਮੀ ਫਾਈਨਲ ਵਿੱਚ ਪਹਿਲਾਂ ਹੀ ਪੁੱਜ ਚੁੱਕੀਆਂ   ਸੀਨੀਅਰ ਵਰਗ ਦੀਆਂ 2 ਟੀਮਾਂ ਜਰਖੜ ਅਕੈਡਮੀ, ਐਚਟੀਸੀ ਰਾਮਪੁਰ  ਵਿਚਕਾਰ ਸੈਮੀਫਾਈਨਲ ਮੁਕਾਬਲੇ ਹੋਣਗੇ । ਜਦ ਕਿ  ਦੋਹਾਂ ਵਰਗਾਂ ਦਾ ਫਾਈਨਲ ਮੁਕਾਬਲਾ 9 ਜੂਨ ਨੂੰ ਖੇਡਿਆ ਜਾਵੇਗਾ ।  9 ਜੂਨ ਨੂੰ ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ  ਅਸ਼ੋਕ ਪਰਾਸ਼ਰ  ਪੱਪੀ ਸ਼ਾਹਪੁਰੀਆ ਉਮੀਦਵਾਰ ਲੋਕ ਸਭਾ  ਹਲਕਾ ਲੁਧਿਆਣਾ , ਵਿਧਾਇਕ ਜੀਵਨ ਸਿੰਘ ਸੰਗੋਵਾਲ ,  ਅਮਨਦੀਪ ਸਿੰਘ ਮੋਹੀ ਚੇਅਰਮੈਨ ਮਾਰਕਫੈਡ ਪੰਜਾਬ ਅਤੇ ਹੋਰ ਰਾਜਸੀ ਨੇਤਾ ਕਰਨਗੇ ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly