(ਸਮਾਜ ਵੀਕਲੀ)
“ਵੱਡੇ ਸਾਬ੍ਹ ਦੇ ਆਡਰ ਹੋ ਗਏ ਬੰਦ ਕਰਦਿਓ ਬੂਹੇ,
ਹੱਟੀਆਂ ਭੱਠੀਆਂ ਬੰਦ ਕਰਦਿਓ,ਬਹਿਣਾ ਛੱਡ ਦਿਓ ਖੂਹੇ;
ਦੂਜੀ ਸਟੇਜ ਹੈ ਸ਼ੁਰੂ ਹੋ ਗਈ ਕਰੋਨਾ ਕਾਲ ਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….;
ਠੱਪ ਸਾਰਾ ਕਾਰੋਬਾਰ ਕਰ ਦਿਓ,ਬਸ! ਠੇਕੇ ਖੋਲ ਦਿਉ,
ਬਿੱਲ ਸਣੇ ਜ਼ੁਰਮਾਨਾਂ ਭਰ ਦਿਉ, ਮੋੜ ਵਿਆਜੂ ਕੌਣ ਦਿਉ;
ਤੁਹਾਡੀ ਇਹ ਮਾਰੂ ਨੀਤੀ,ਸਾਡੇ ਲਈ ਗਾਲ਼ ਜੀ’ ਏ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….;
ਬੰਦ ਕਮਰਿਆਂ ਵਿੱਚ ਬਹਿਕੇ ਹੁਕਮ ਸੁਣਾਉਂਦੇ ਹੋ,
ਲੋਕਾਂ ਤਾਈਂ ਕੁੱਝ ਨਹੀਂ,ਆਪਣੇ ਮਹਿਲ ਬਚਾਉਂਦੇ ਹੋ;
ਮਨ ਕੀ ਬਾਤ ਦੱਸ ਕਿੱਥੇ ਸਾਡੀ ਭੁੱਖ ਟਾਲ਼ਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….;
73 ਸਾਲ ਬੀਤ ਗਏ ਦੱਸੋ ਕੀ ਕੀਤਾ ਏ,
ਰੱਜਕੇ ਲੁੱਟਿਆ ਸਾਨੂੰ,ਸਾਡਾ ਲਹੂ ਹੀ ਪੀਤਾ ਏ;
ਇੱਕ ਤਿਆਹੀ ਲੰਘ ਗਈ,74ਵੇਂ ਸਾਲ ਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….;
ਡੰਡੇ ਦੇ ਜ਼ੋਰ ‘ਤੇ ਮੂੰਹ ‘ਤੇ ਤਾਲੇ ਲਗਵਾਉਂਦੇ ਹੋ,
ਗੰਜਿਆ ਨੂੰ ਕੰਘੀਆਂ ਵੇਚ, ਲਾਸ਼ਾਂ ਦੇ ਕਫ਼ਨ ਚੁਰਾਉਂਦੇ ਹੋ;
ਦੋਸ਼ੀ ਫੜੇ ਗਏ ਨਾਂ ਬੇਅਦਬੀਆਂ ਦੇ,ਉਂਝ ਲੱਭ ਲੈਂਦੇ ਖੱਲ ਕਿਹੜੇ ਵਾਲ਼ ਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….;
ਜੇ ਲੜਨਾ ਕਰੋਨਾ ਨਾਲ ਤਾਂ ਪਹਿਲਾਂ ਆਪਣਾਂ ਸੁਧਾਰ ਕਰੋ,
ਭੁੱਖ ਮਰੀ ਨਾਲ ਮਰਨੇ,ਬੰਦ ਨਾਂ ਕੰਮ ਕਾਰ ਕਰੋ;
ਧਰਤੀ ਦੀ ਹਕੀਕਤ ਜਾਣੋ,ਤੇ ਆਪਣੇ ਵਿਚਾਰ ਕਰੋ,
ਪਰ! ਬੰਦ ਕਮਰਿਆਂ ਤੋਂ ਨਾਂ ਤਾਨਾਸ਼ਾਹੀ ਨੀਤੀ ਤਿਆਰ ਕਰੋ;
ਕਰੋਨਾ ਨਾਲ ਤਾਂ ਮਰਨੇ ,ਨਾਲੇ ਸਿਆਸਤ ਮਾਰਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ;
ਹਾਕਮ ਜੀ ਕੁੱਝ ਤੇ ਸੋਚ ਵਿਚਾਰ ਕਰੋ,ਹੁਣ ਗੱਲ ਸਾਡੇ ਹਾਲ ਦੀ ਹੈ,
ਗ਼ੈਰ-ਜਰੂਰੀ ਕਿਵੇਂ ਦੁਕਾਨ ਹੋ ਗਈ,ਜੋ ਸਾਡਾ ਪਰਿਵਾਰ ਪਾਲ਼ਦੀ ਹੈ….!!”
ਹਰਕਮਲ ਧਾਲੀਵਾਲ
ਸੰਪਰਕ:- 8437403720
