ਬਿਰਲਾ ਗਰੁੱਪ ਦੇ ਮੁਖੀ ਬੀ ਕੇ ਬਿਰਲਾ (98) ਦਾ ਅੱਜ ਮੁੰਬਈ ’ਚ ਦੇਹਾਂਤ ਹੋ ਗਿਆ। ਉਹ ਉਮਰ ਸਬੰਧੀ ਬਿਮਾਰੀਆਂ ਤੋਂ ਪੀੜਤ ਸਨ। ਉਹ 15 ਸਾਲ ਦੀ ਉਮਰ ਤੋਂ ਕਾਰੋਬਾਰ ’ਚ ਸਰਗਰਮ ਹੋ ਗਏ ਸਨ ਅਤੇ ਸੈਂਚੁਰੀ ਟੈਕਸਟਾਈਲਜ਼ ਐਂਡ ਇੰਡਸਟਰੀਜ਼ ਦੇ ਚੇਅਰਮੈਨ ਰਹੇ। ਉਨ੍ਹਾਂ ਦੀ ਦੇਹ ਕੋਲਕਾਤਾ ਦੇ ਬਿਰਲਾ ਪਾਰਕ ਸਥਿਤ ਰਿਹਾਇਸ਼ ’ਤੇ ਲਿਆਂਦੀ ਜਾਵੇਗੀ ਜਿਥੇ ਵੀਰਵਾਰ ਨੂੰ ਸਸਕਾਰ ਹੋਵੇਗਾ। ਉਨ੍ਹਾਂ ਦਾ ਪੋਤਾ ਕੁਮਾਰਮੰਗਲਮ ਬਿਰਲਾ ਇਲਾਜ ਲਈ ਉਨ੍ਹਾਂ ਨੂੰ ਮੁੰਬਈ ਲਿਆਇਆ ਸੀ। ਉਨ੍ਹਾਂ ਦੀਆਂ ਦੋ ਧੀਆਂ ਮੰਜੂਸ੍ਰੀ ਖੇਤਾਨ ਅਤੇ ਜਯਸ੍ਰੀ ਮੋਹਤਾ ਹਨ। ਉਨ੍ਹਾਂ ਦੇ ਇਕਲੌਤੇ ਪੁੱਤਰ ਆਦਿੱਤਿਆ ਵਿਕਰਮ ਬਿਰਲਾ ਦਾ 1995 ’ਚ ਦੇਹਾਂਤ ਹੋ ਗਿਆ ਸੀ।
