ਕੋਚੀ (ਸਮਾਜ ਵੀਕਲੀ) :ਸੀਬੀਐੱਸਈ 12ਵੀਂ ਜਮਾਤ ਦੀ ਪ੍ਰੀਖਿਆ ਵਿੱਚ ਕਾਮਰਸ ਸਟ੍ਰੀਮ ’ਚ ਸਕੂਲ ’ਚੋਂ ਅੱਵਲ ਰਿਹਾ ਵਿਦਿਆਰਥੀ ਵਿਨਾਇਕ ਐੱਮ ਮੱਲਿਲ ਅੱਜ ਉਸ ਵੇਲੇ ਸੱਤਵੇਂ ਅਸਮਾਨ ’ਤੇ ਪਹੁੰਚ ਗਿਆ ਜਦੋਂ ਉਸ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਫੋਨ ਆਇਆ। ਪ੍ਰਧਾਨ ਮੰਤਰੀ ਨੇ ਵਿਨਾਇਕ ਨੂੰ ਕਿਹਾ, ‘‘ਸ਼ਾਬਾਸ਼ ਵਿਨਾਇਕ, ਸ਼ਾਬਾਸ਼। ਜੋਸ਼ ਕਿਵੇਂ ਹੈ? ਇੱਥੋਂ ਕਰੀਬ 70 ਕਿਲੋਮੀਟਰ ਦੂਰ ਸਥਿਤ ਜਵਾਹਰ ਨਵੋਦਿਆ ਵਿਦਿਆਲਾ, ਨੇਰੀਆਮੰਗਲਮ ਦੇ 12ਵੀਂ ਜਮਾਤ ਦੇ ਵਿਦਿਆਰਥੀ ਨੇ ਪ੍ਰਧਾਨ ਮੰਤਰੀ ਦੇ ਇਸ ਸਵਾਲ ਦੇ ਜਵਾਬ ਵਿੱਚ ਕਿਹਾ, ‘‘ਹਾਈ ਸਰ।’’ ਇਹ ਗੱਲਬਾਤ ਅੱਜ ਪ੍ਰਧਾਨ ਮੰਤਰੀ ਦੇ ‘ਮਨ ਕੀ ਬਾਤ’ ਵਿੱਚ ਵੀ ਸੁਣਾਈ ਗਈ। ਸ੍ਰੀ ਮੋਦੀ ਵੱਲੋਂ ਦਿੱਲੀ ਦਾ ਦੌਰਾ ਕਰਨ ਸਬੰਧੀ ਮਿਲੇ ਸੱਦੇ ’ਤੇ ਵਿਨਾਇਕ ਨੇ ਕਿਹਾ ਕਿ ਉਹ ਉਚੇਰੀ ਸਿੱਖਿਆ ਲਈ ਦਿੱਲੀ ਯੂਨੀਵਰਸਿਟੀ ’ਚ ਫਾਰਮ ਭਰ ਰਿਹਾ ਹੈ।
