(ਸਮਾਜ ਵੀਕਲੀ)
ਮੇਰੇ ਦਿਲ ਦੀ ਬੰਜਰ ਧਰਤੀ ਤੇ,
ਸੂਹਾ ਫੁੱਲ ਉੱਗਿਆ ਅਰਮਾਨਾਂ ਦਾ।
ਉਹ ਵੀ ਮਸਤ ਹਵਾਵਾਂ ਜਿਹੀ ,
ਮੈਂ ਵੀ ਆਸ਼ਿਕ ਹਾਂ ਤੂਫ਼ਾਨਾਂ ਦਾ।
ਹਾਏ ! ਉਹ ਤੱਕਣੀ ਕੀ ਦੱਸਾਂ ,
ਕੀ ਹੁੰਦਾ ਏ ਕਮਾਲ ਜਿਹਾ।
ਉਹ ਦਿਲ ਦਾ ਰੋਗੀ ਕਰ ਜਾਂਦੇ ,
ਮੁੜ ਪੁੱਛਦੇ ਵੀ ਨਾ ਹਾਲ ਜਿਹਾ।
ਏ ਦਿਲ ਹੈ ਥਾਂ ਥਾਂ ਲੱਗਦਾ ਨਹੀਂ,
ਨਹੀਂ ਸੌਦਾ ਇਹ ਦੁਕਾਨਾਂ ਦਾ।
ਮੇਰੇ ਦਿਲ ਦੀ ਬੰਜਰ ਧਰਤੀ ਤੇ ,
ਸੂਹਾ ਫੁੱਲ ਉੱਗਿਆ ਅਰਮਾਨਾਂ ਦਾ।
ਉਹ ਵੀ ਮਸਤ ਹਵਾਵਾਂ ਜਿਹੀ ,
ਮੈਂ ਵੀ ਆਸ਼ਿਕ ਹਾਂ ਤੂਫ਼ਾਨਾਂ ਦਾ।
ਕੁੱਝ ਟੱਕਰਣ ਵਾਂਗ ਬੇਗਾਨਿਆਂ ਦੇ ,
ਜ਼ਿੰਦਗੀ ਦੇ ਉੱਗੜੇ ਦੁੱਗੜੇ ਰਾਹ ਉੱਤੇ।
ਕੁੱਝ ਇੱਦਾਂ ਗੰਢਾਂ ਪੈ ਜਾਵਣ ਮੋਹ ਦੀਆਂ,
ਨਜ਼ਰ ਰਹੇ ਇੱਕ ਦੂਜੇ ਦੇ ਸਾਹ ਉੱਤੇ।
ਇੱਕ ਰਾਹ ਮਖ਼ਮਲੀ ਦਿਸ ਪਿਆ,
ਮੁੱਲ ਤਾਰਾਂ ਕਿੱਦਾਂ ਅਹਿਸਾਨਾਂ ਦਾ ।
ਮੇਰੇ ਦਿਲ ਦੀ ਬੰਜਰ ਧਰਤੀ ਤੇ,
ਸੂਹਾ ਫੁੱਲ ਉੱਗਿਆ ਅਰਮਾਨਾਂ ਦਾ।
ਉਹ ਵੀ ਮਸਤ ਹਵਾਵਾਂ ਜਿਹੀ ,
ਮੈਂ ਵੀ ਆਸ਼ਿਕ ਹਾਂ ਤੂਫ਼ਾਨਾਂ ਦਾ।
ਕੁੱਝ ਆਪਣੇ ਵੀ ਤਾਂ ਵਸ ਹੁੰਦਾ,
ਰਿਸ਼ਤਿਆਂ ਦੀ ਤਾਣੀ ਉਲਝਾਈਏ ਨਾ।
ਸੱਜਣਾ ਮੋਹਰੇ ਪਿਆਰ ਦਾ ਹੱਥ ਕਰ ਕੇ ,
ਫਿਰ ਮੁੜ ਕੇ ਪਿੱਠ ਦਿਖਾਈਏ ਨਾ।
ਕਦੇ ਕੌੜੇ ਬੋਲ ਨਾ ਬੋਲੋ ਸੱਜਣ ਨੂੰ
“ਮਜਬੂਰ” ਮੁੱਲ ਪੈਂਦਾ ਮਿੱਠੀਆਂ ਜ਼ੁਬਾਨਾਂ ਦਾ।
ਮੇਰੇ ਦਿਲ ਦੀ ਬੰਜਰ ਧਰਤੀ ਤੇ ,
ਸੂਹਾ ਫੁੱਲ ਉੱਗਿਆ ਅਰਮਾਨਾਂ ਦਾ।
ਉਹ ਵੀ ਮਸਤ ਹਵਾਵਾਂ ਜਿਹੀ ,
ਮੈਂ ਵੀ ਆਸ਼ਿਕ ਹਾਂ ਤੂਫ਼ਾਨਾਂ ਦਾ।
ਜਸਵੰਤ ਸਿੰਘ ਮਜਬੂਰ
ਫੋਨ ਨੰਬਰ 98722 28500
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
