ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਸਮਾਜ ਵੀਕਲੀ) (ਚੁੰਬਰ) – ਸਤਰੰਗ ਇੰਟਰਟੇਨਰ ਅਤੇ ਕਸ਼ਮੀਰ ਸਿੰਘ ਸੋਹਲ ਦੀ ਪੇਸ਼ਕਸ਼ ਭਾਰਤ ਰਤਨ ਬਾਬਾ ਸਾਹਿਬ ਡਾ. ਅੰਬੇਡਕਰ ਜੀ ਨੂੰ ਸਮਰਪਿਤ ਟਰੈਕ ‘ਬਣ ਕੇ ਮਸੀਹਾ ਆ ਗਿਆ’ ਨਾਲ ਪ੍ਰਸਿੱਧ ਗਾਇਕ ਦੁਰਗਾ ਰੰਗੀਲਾ ਸਭ ਸਰੋਤਿਆਂ ਦੇ ਰੂ-ਬ-ਰੂ ਹੋਇਆ ਹੈ। ਸ਼ੋਸ਼ਲ ਮੀਡੀਏ ਤੇ ਦਿੱਤੀ ਗਈ ਜਾਣਕਾਰੀ ਮੁਤਾਬਿਕ ਉਕਤ ਟਰੈਕ 28 ਜਨਵਰੀ ਨੂੰ ਯੂ ਟਿਊਬ ਚੈਨਲ ਤੇ ਰਿਲੀਜ਼ ਕੀਤਾ ਗਿਆ। ਜਿਸ ਨੂੰ ਬਾਕਮਾਲ ਸੁਰੀਲੀ ਸੁਰ ਦੇ ਨਾਲ ਗਾਇਕ ਦੁਰਗਾ ਰੰਗੀਲਾ ਨੇ ਸ਼ਿੰਗਾਰਿਆ। ਇਸ ਟਰੈਕ ਦੇ ਲੇਖਕ ਸ਼ਫੀ ਜਲਵੇਹੜਾ ਹਨ ਅਤੇ ਸੰਗੀਤ ਜੱਸੀ ਬ੍ਰਦਰਜ਼ ਦਾ ਹੈ। ਦੁਰਗਾ ਰੰਗੀਲਾ ਨੇ ਮਿੰਟੂ ਉਬਰਾਏ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਹੈ। ਗੱਗੀ ਸਿੰਘ ਨੇ ਇਸ ਦਾ ਵੀਡੀਓ ਤੇ ਰਮਨ ਮੋਰਾਂਵਾਲੀਆ ਨੇ ਪੋਸਟਰ ਲਾਂਚ ਕੀਤਾ। ਪ੍ਰੋਡਿਊਸਰ ਕਸ਼ਮੀਰ ਸਿੰਘ ਸੋਹਲ ਅਤੇ ਕੁਲਜੀਤ ਸਿੰਘ ਖਾਲਸਾ ਹਨ। ਭੀਮ ਮਿਸ਼ਨ ਦੇ ਪੈਰੋਕਾਰ ਸਿੰਘ ਟਰੈਕ ਨੂੰ ਭਰਵਾਂ ਹੁੰਗਾਰਾ ਦੇ ਰਹੇ ਹਨ।
