(ਸਮਾਜ ਵੀਕਲੀ)
ਪੜ੍ਹ ਲਿਖ ਪਰਮ ਗਿਆਨੀ ਬਣ ਜਾ
ਬੀਬਾ ਤੂੰ ਵਿਗਿਆਨੀ ਬਣ ਜਾ
ਭਰਮ ਦੇ ਪਰਦੇ ਸਾਰੇ ਲਾਹਦੇ
ਸੱਚ ਦੇ ਵਾਂਗ ਲਾਸਾਨੀ ਬਣ ਜਾ..
ਪੜ੍ਹ ਲਿਖ ਪਰਮ ਗਿਆਨੀ ਬਣ ਜਾ
ਬੀਬਾ ਤੂੰ ਵਿਗਿਆਨੀ ਬਣ ਜਾ..
ਅੱਖਰਾਂ ਦੇ ਨਾਲ ਸਾਂਝ ਵਧਾ ਲੈ
ਸ਼ਬਦਾਂ ਨੂੰ ਚੁੱਕ ਗਲ਼ ਨਾਲ਼ ਲਾ ਲੈ
ਅਰਥਾਂ ਨੂੰ ਉੰਗਲ ਨਾਲ਼ ਲਾ ਕੇ
ਲਿਖਿਆ ਕਦੇ ਜ਼ੁਬਾਨੀ ਬਣ ਜਾ..
ਪੜ੍ਹ ਲਿਖ ਪਰਮ ਗਿਆਨੀ ਬਣ ਜਾ
ਬੀਬਾ ਤੂੰ ਵਿਗਿਆਨੀ ਬਣ ਜਾ..
ਤਰਕ ਦਲੀਲ ਦਾ ਸਾਥ ਨਾ ਛੱਡੀਂ
ਪਰ ਨਿਮਰਤਾ ਦਿਲੋਂ ਨਾ ਕੱਢੀਂ
ਮਿੱਠੇ ਬੋਲਾਂ ਦੀ ਵੰਡ ਸ਼ੀਰਨੀ
ਕਰਮਸ਼ੀਲ ਮਹਾਂਦਾਨੀ ਬਣ ਜਾ..
ਪੜ੍ਹ ਲਿਖ ਪਰਮ ਗਿਆਨੀ ਬਣ ਜਾ
ਬੀਬਾ ਤੂੰ ਵਿਗਿਆਨੀ ਬਣ ਜਾ..
ਸੋਚ ਰੱਖੀਂ ਅਸਮਾਨਾਂ ਵਰਗੀ
ਪਹੁੰਚ ਰੱਖੀਂ ਇਨਸਾਨਾਂ ਵਰਗੀ
ਰੱਖੀਂ ਆਕੜ ਭੁੱਲਰ ਵਰਗੀ
ਬੱਸ ਐਨਾ ਕੁ ਅਭਿਮਾਨੀ ਬਣ ਜਾ..
ਪੜ੍ਹ ਲਿਖ ਪਰਮ ਗਿਆਨੀ ਬਣ ਜਾ
ਬੀਬਾ ਤੂੰ ਵਿਗਿਆਨੀ ਬਣ ਜਾ..
ਪਰਮਿੰਦਰ ਭੁੱਲਰ
9463067430
