(ਸਮਾਜ ਵੀਕਲੀ)
ਕੋਈ ਗੱਦੀ ਮੰਗਦੇ ਹਾਂ , ਕੋਈ ਤਾਜ ਮੰਗਦੇ ਹਾਂ
ਅਸੀਂ ਆਜ਼ਾਦੀ ਮੰਗਦੇ ਹਾਂ ਕੇ ਰਾਜ ਮੰਗਦੇ ਹਾਂ
ਚਿੜੀਆਂ ਡਰਾਉਣੀਆਂ ਨੇ ਜਾਂ ਕਾਂ ਭਜਾਉਣੇ ਨੇ
ਮੁੜ ਕਾਹਤੋਂ ਮਾਲਕ ਤੋਂ , ਅਸੀਂ ਬਾਜ਼ ਮੰਗਦੇ ਹਾਂ
ਇਨਸਾਫ਼ ਚਾਹੁੰਦੇ ਹਾਂ , ਗੁਰ ਦੀ ਬੇਅਦਬੀ ਦਾ
ਜਾਂ ਫੱਟ ਚੁਰਾਸੀ ਦਾ ਅਸੀਂ ਇਲਾਜ ਮੰਗਦੇ ਹਾਂ
ਕਿਸਦੀ ਛਾਤੀ ‘ਚੋਂ ਤੀਰ ਲੰਘਾਉਣੇ ਪਾਰ ਅਸੀਂ
ਜੋ ਭਾਰੀ ਗਿਣਤੀ ਵਿੱਚ ਤੀਰਅੰਦਾਜ਼ ਮੰਗਦੇ ਹਾਂ
ਇਸ ਸ਼ੋਰ ਸ਼ਰਾਬੇ ਵਿੱਚ , ਸਾਡੀ ਵੀ ਸੁਣ ਲੈਣਾ
ਅਸੀਂ ਮੋਹ ਪਿਆਰਾਂ ਦਾ ਸੁਰ ਸਾਜ ਮੰਗਦੇ ਹਾਂ
ਕਲਮਾਂ ਵਾਲੇ ਜਿੰਮੀ , ਅਸੀਂ ਚੋਰ ਲੁਟੇਰੇ ਨਈਂ
ਸੁੱਖ ਸਭ ਦੀ ਦਾਤੇ ਤੋਂ , ਤੇ ਅਲਫਾਜ਼ ਮੰਗਦੇ ਹਾਂ
ਜਿੰਮੀ ਅਹਿਮਦਗੜ੍ਹ
ਫੋਨ / 8195907681
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
