(ਸਮਾਜ ਵੀਕਲੀ)
ਨਵੇਂ ਸਾਲ ਦਾ ਨਵਾਂ ਸਵੇਰਾ
ਹੱਸੇ ਗਾਵੇ ਹਰ ਇੱਕ ਚੇਹਰਾ
ਰੰਗਲੀ ਰੁੱਤਾਂ ਦੇਣ ਵਧਾਈਆਂ
ਫੁੱਲ ਕਲੀਆਂ ਰੋਣਕਾ ਲਾਂਈਆਂ
ਸੂਰਜ ਦੇ ਸਿਰ ਸੱਜਿਆ ਸੇਹਰਾ
ਨਵੇਂ ਸਾਲ ਦਾ…..
ਖੇੜੇ ਵੇਹੜੇ ਟਹਿਕਣ ਮਹਿਕਣ
ਬਾਗਾਂ ਦੇ ਵਿੱਚ ਚਿੜੀਆਂ ਚਹਿਕਣ
ਪਿਆਰ ਸਾਗਰੋਂ ਜਾਪੇ ਗਹਿਰਾ
ਨਵੇ ਸਾਲ…ਦਾ
ਹਰਿਆਲ਼ੀ ਹਰ ਪਾਸੇ ਛਾਈ
ਕਿਧਰੇ ਬੱਦਲਾਂ ਰਿਮ ਝਿਮ ਲਾਈ
ਸ਼ੀਤਲ ਸ਼ੀਤਲ ਅੱਜ ਦੁਪਿਹਰਾ
ਨਵੇਂ ਸਾਲ ..ਦਾ
ਗਿਲੇ ਸਿਕਵੇ ਮਨੋ ਮਿਟਾਓ
ਸਭ ਨੂੰ ਬਿੰਦਰਾ ਗਲੇ਼ ਲਗਾਓ
ਜਾਤ ਧਰਮ ਦਾ ਮੁੱਕ ਜਾਏ ਪਹਿਰਾ
ਨਵੇਂ ਸਾਲ ਦਾ ਨਵਾਂ ਸਵੇਰਾ
ਹੱਸੇ ਗਾਵੇ ਹਰ ਇੱਕ ਚੇਹਰਾ
ਬਿੰਦਰ
ਜਾਨ ਏ ਸਾਹਿਤ ਇਟਲੀ
00393278159218
