ਦਿਲਾਂ ਦੇ ਰਾਹ

(ਸਮਾਜ ਵੀਕਲੀ)

ਦਿਲਾਂ ਨੂੰ ਦਿਲਾਂ ਦੇ ਨੇ ਰਾਹ ਹੁੰਦੇ ,
ਬਹਾਰਾਂ ਨਾਲ ਹੀ ਨੇ ਚਾਅ ਹੁੰਦੇ,

ਪਿਆਰਾਂ ਨਾਲ ਹੀ ਵੱਸਦੇ ਘਰ,
ਨਫਰਤਾਂ ਨਾਲ ਨੇ ਫਨਾਹ ਹੁੰਦੇ ,

ਬੰਦੇ ਜਿਹੜੇ ਹੱਕ ਦੀ ਕਮਾਉਂਦੇ ,
ਉਹੀਉ ਸਮੇ ਦੇ ਨੇ ਸ਼ਾਹ ਹੁੰਦੇ ,

ਮੋਹ ਦੀਆਂ ਤੰਦਾ ਜਿੱਥੇ ਜੁੜੀਆਂ,
ਨਾ ਉਹ ਘਰ ਸੌਖੇ ਨੇ ਢਾਹ ਹੁੰਦੇ ,

ਬਚਪਨ ਵਰਗਾ ਜੀਵਨ ਕਿੱਥੇ,
ਬਚਪਨ ਬੜੇ ਨੇ ਬੇਪਰਵਾਹ ਹੁੰਦੇ ,

ਮਾਂਪਿਆ ਵਰਗਾ ਸਹਾਰਾ ਨਹੀ,
ਜਿਸ ਚ ਸੁੱਖ ਮਲਾਰ ਅਥਾਹ ਹੁੰਦੇ,

ਕਾਹਦਾ ਮਾਣ ਬੇਗਾਨਿਆ ਤੇ ,
ਬਸ ਆਪਣਿਆਂ ਦੇ ਨੇ ਭਾਅ ਹੁੰਦੇ ,

ਬੜੇ ਅਜੀਬ ਹੁੰਦੇ ਹਿਜ਼ਰਾਂ ਦੇ ਰੋਗ,
ਨਾ ਢੱਕ ਹੁੰਦੇ ਤੇ ਨਾ ਹੀ ਖਾਹ ਹੁੰਦੇ ,

ਬੇਅੱਰਥਾ ਜੀਵਨ ਜਾਣ ਨਾ ਦੇਵੋ,
ਸੈਣੀ ਗਿਣਤੀ ਦੇ ਨੇ ਸਾਹ ਹੁੰਦੇ,

ਸੁਰਿੰਦਰ ਕੌਰ ਸੈਣੀ

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly