ਸਮਾਜ ਵੀਕਲੀ
ਨੌਜਵਾਨੀ ਦਾ ਨਸ਼ਾ
ਨਾਲੇ ਮਾਰਕਸ ਦੀ ਰਚਨਾ
ਦੀ ਲਾਲੀ
ਆਪਾ ਭੁੱਲੇ
ਸਿਰ ਤੇ ਸਵਾਰ ਸੀ
ਲਾਲ ਕ੍ਰਾਂਤੀ-ਇੱਕੋ ਇੱਕ ਸੱਚ ।
ਜਿਉਂਦਿਆਂ ਦੇਖਾਂਗੇ ਸਵਰਗ
ਧਰਤੀ ਤੇ ।
ਫਿਰ ਸੋਚਦੇ ਸੀ, ਲੋਕਾਈ ਨੂੰ
ਇਹ ਸੱਚ ਕਿਉਂ ਨਹੀਂ ਦਿਖ ਰਿਹਾ ?
ਸਿਆਣੇ ਦਾ ਕਿਹਾ, ਔਲੇ ਦਾ ਖਾਧਾ
ਹੁਣ ਸਮਝ ਆਇਆ ਹੈ,
ਅਸਲ ਸੱਚ ਤਾਂ ਹੋਰ ਹੈ ।
ਕਮਿਊਨਿਸਟ ਮੈਨੀਫੈਸਟੋ
ਵਿਸ਼ਵ ਇਤਿਹਾਸ ਦੀ ਇੱਕ
ਵਜ਼ਰ ਗਲਤੀ ।
ਕਾਰਲ ਮਾਰਕਸ ਦੀ ਆਤਮਾ
ਦੇਖ ਧਰਤੀ ਤੇ
ਸਿਰਜਨਾ ਆਪਣੀ
ਭੁੱਬਾਂ ਮਾਰਦੀ ਰਹੀ ਹੈ ਰੋ ।
ਇਹ ਕੀ ਹੋ ਗਿਆ ?
ਮੇਰੀ ਸਿਰਜਨਾ ਤਾਂ
ਮਿਚੀਆਂ ਅੱਖਾਂ ਵਾਲੇ ਹਾਕਮ
ਦੀਆਂ ਸਾਜਿਸ਼ਾਂ ਦਾ
ਬਣ ਗਈ ਹੈ ਇੱਕ ਅੱਡਾ ।
ਨਾ ਬੋਲਣ ਦੀ ਆਜ਼ਾਦੀ
ਨਾ ਸੋਚਣ ਦੀ
ਜਨਤਾ ਬਣ ਗਈ ਹੈ
ਬੁੱਤਾਂ ਦਾ ਬਜ਼ਾਰ,
ਕੇਵਲ ਹਾਕਮ ਬੋਲਦਾ ਹੈ
ਤੇ ਸੋਚਦਾ ਹੈ
ਬਿਨਾਂ ਕਿਸੇ ਜਵਾਬਦੇਹੀ ਦੇ ।
ਛੱਡ ਦਿੱਤਾ ਹੈ ਕੋਰੋਨੇ ਦਾ
ਜਿੰਨ ਜਿਸਨੇ
ਤਾਂਕਿ ਮਨੁੱਖੀ ਜੂਨੀ
ਬਣ ਜਾਏ ਪੰਗੂ
ਉਸ ਅੱਗੇ ।
ਹੋ ਰਿਹਾ ਹੈ ਅਸਿਹ
ਦੇਖ ਮਨੁੱਖੀ ਲਾਸ਼ਾਂ ਦੀਆਂ
ਕਤਾਰਾਂ,
ਹੁਣ ਨੀ ਦੇਖਿਆ ਜਾਂਦਾ
ਧਰਤੀ ਦਾ ਇਹ ਹਾਲ,
ਹੋਈ ਹੈ ਮੈਥੋਂ ਗਲਤੀ
ਇੱਕ ਵਜ਼ਰ ਗਲਤੀ,
ਜਿਸਨੇ ਮਨੁੱਖੀ ਜੂਨੀ ਹੀ
ਪਾ ਦਿੱਤੀ ਹੈ ਖਤਰੇ ‘ਚ
ਮੇਰੀ ਸੋਚ ਵਾਲਿਓ ਹੁਣ
ਢਾਹ ਦਿਓ ਮੇਰੀ ਇਸ
ਸਿਰਜਨਾ ਨੂੰ ।
ਭੇਜ ਰਿਹਾਂ ਹਾਂ ਸਿਰਨਾਵਾਂ
ਆਪਣੇ ਦਸਤਖਤਾਂ ਹੇਠ ।
ਸਲਾਮ ! ਕਾਰਲ ਮਾਰਕਸ
ਅਮਰ ਗਰਗ
ਮੋ – 9814341746
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
