(ਸਮਾਜ ਵੀਕਲੀ)
ਮੈਂ ਚਿੜੀ ਹਾਂ ਤੇਰੇ ਬਾਗ ਦੀ,
ਮੈਂਨੂੰ ਖੰਭ ਤੂੰ ਕਰੜੇ ਲਾ,
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
ਦਿਲ ਕਰਦਾ ਉਡਾਰੀ ਮੈਂ,
ਲੰਬੀ ਭਰ ਲਵਾ ਮਾਏ।
ਸੁਪਨੇ ਸੋਚੇ ਜੋ ਨੀ ਮੈਂ,
ਸਾਰੇ ਪੂਰੇ ਕਰ ਲਵਾ ਮਾਏ।
ਬਸ ਸਾਥ ਤੂੰ ਦਿੰਦੀ ਰਹਿ
ਦਿਖਾਉਂਦੀ ਰਹਿ ਮਾਏ ਰਾਹ,
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
ਕੁੜੀਆਂ ਨੂੰ ਮਾੜਾ ਜੋ
ਕਹਿੰਦੇ ਰਹਿੰਦੇ ਅੰਮੀਏ ਨੀ
ਕਰਦੀ ਮਾਪਿਆਂ ਦਾ ਬਹੁਤ
ਦਿਲੋਂ ਸਤਿਕਾਰ ਕੁੜੀ
ਫਿਰ ਵੀ ਲੋਕ ਇਹ ਕਿਉ
ਜਿਉਣ ਨਾ ਦਿੰਦੇ ਨੀ
ਉਨ੍ਹਾਂ ਲੋਕਾਂ ਨੂੰ ਨੀ ਮਾਏ
ਮੇਰੀ ਕਾਬਲੀਅਤ ਰਹੀ
ਆ ਅੱਜ ਲਾਹਨਤਾ ਪਾ
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
ਨੀ ਮਾਏ ਮੈਨੂੰ ਉੱਡਣੇ ਦਾ ਚਾਅ।
– ਕਰਮਜੀਤ ਕੌਰ ਸਮਾਓ
ਜਿਲ੍ਹਾ ਮਾਨਸਾ
+91 7888 900 620
