ਅੱਪਰਾ, ਸਮਾਜ ਵੀਕਲੀ- ਕਿਸਾਨ ਅੰਦੋਲਨ ਦੇ 6 ਮਹੀਨੇ ਪੂਰੇ ਹੋਣ ’ਤੇ ਮਨਾਏ ਜਾ ਰਹੇ ਕਾਲੇ ਦਿਵਸ ’ਤੇ ਗਾਇਕ ਜੱਸ ਜੌਹਲ ਆਪਣਾ ਸਿੰਗਲ ਟਰੈਕ ‘ਦਿੱਲੀਏ’ ਲੈ ਕੇ ਸਰੋਤਿਆਂ ਦੀ ਕਚਿਹਰੀ ’ਚ ਹਾਜ਼ਰੀ ਲਗਵਾ ਰਿਹਾ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਜੱਸ ਜੌਹਲ ਨੇ ਦੱਸਿਆ ਕਿ ਇਸ ਗੀਤ ਨੂੰ ਮੈਂ ਖੁਦ ਕਮਲਬੱਧ ਕੀਤਾ ਹੈ, ਜਦਕਿ ਗੀਤ ਦਾ ਬਹੁਤ ਹੀ ਦਿਲਕਸ਼ ਸੰਗੀਤ ਸੰਗੀਤਕਾਰ ਲੱਕੀ ਅੱਪਰਾ ਨੇ ਤਿਆਰ ਕੀਤਾ ਹੈ ਤੇ ਲੱਕੀ ਅੱਪਰਾ ਨੇ ਹੀ ਇਸ ਗੀਤ ਦਾ ਖੂਬਸੂਰਤ ਵੀਡੀਓ ਫਿਲਮਾਂਕਣ ਵੀ ਕੀਤਾ ਹੈ।
ਇਸ ਗੀਤ ਨੂੰ ਪੇਸਕਾਰ ਕੁਲਵੀਰ ਲੱਲੀਆਂ ਕਮਲ ਮਿਊਜ਼ਿਕ ਰਿਕਾਰਡ ਦੇ ਰਾਹੀਂ ਮਾਰਕੀਟ ’ਚ ਪੇਸ਼ ਕਰ ਰਹੇ ਹਨ। ਗਾਇਕ ਜੱਸ ਜੌਹਲ ਨੇ ਦੱਸਿਆ ਕਿ ਕਿਸਾਨੀ ਅੰਦੋਲਨ ਦੇ 6 ਮਹੀਨੇ ਪੂਰੇ ਹੋਣ ’ਤੇ ਮਨਾਏ ਗਏ ‘ਕਾਲੇ ਦਿਵਸ’ ’ਤੇ ਇਸ ਗੀਤ ਨੂੰ ਵਰਲਡਵਾਈਡ ਰੀਲੀਜ਼ ਕੀਤਾ ਗਿਆ ਹੈ। ਉਸਨੇ ਅੱਗੇ ਕਿਹਾ ਕਿ ਮੈਨੂੰ ਆਸ ਹੈ ਕਿ ਪੰਜਾਬ ਤੇ ਪੰਜਾਬੀਅਤ ਨੂੰ ਪਿਆਰ ਕਰਨ ਵਾਲੇ ਸਰੋਤੇ ਇਸ ਗੀਤ ਨੂੰ ਭਰਵਾਂ ਹੁੰਗਾਂਰਾ ਦੇਣਗੇ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
