ਹੁਸ਼ਿਆਰਪੁਰ/ਸ਼ਾਮਚੁਰਾਸੀ (ਸਮਾਜ ਵੀਕਲੀ) (ਚੁੰਬਰ) : ‘ਦੇਖ ਮੇਲੇ ਨੂੰ ਚੱਲੇ ਬੀਬੇ ਪੁੱਤ’ ਟਰੈਕ ਨਾਲ ਚਰਚਿਤ ਹੋਏ ਗਾਇਕ ਜੇ ਐਚ ਤਾਜਪੁਰੀ ਤਾਜ਼ ਫਿਲਮ ਪ੍ਰੋਡਕਸ਼ਨ ਕੈਨੇਡਾ ਦੀ ਪੇਸ਼ਕਸ਼ ‘ਸੱਚੀ ਪ੍ਰੀਤ’ ਟਰੈਕ ਨਾਲ ਸਰੋਤਿਆਂ ਦੇ ਰੂ-ਬ-ਰੂ ਹੋ ਰਹੇ ਹਨ। ਜਿਸ ਦੀ ਜਾਣਕਾਰੀ ਦਿੰਦਿਆਂ ਤਾਜ ਫਿਲਮ ਪ੍ਰੋਡਕਸ਼ਨ ਵੈਨਕੂਵਰ ਕੈਨੇਡਾ ਜੱਸ ਅਹੀਰ ਅਤੇ ਸਟੀਵ ਅਹੀਰ ਨੇ ਦੱਸਿਆ ਕਿ 108 ਸੰਤ ਰਿਸ਼ੀ ਠਾਕੁਰ ਦਾਸ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਧਾਰਮਿਕ ਰਚਨਾ ‘ਸੱਚੀ ਪ੍ਰੀਤ’ ਗਾਇਕ ਜੇ ਐਚ ਤਾਜ਼ਪੁਰੀ ਦੀ ਸੁਰੀਲੀ ਅਵਾਜ਼ ਵਿਚ ਰਿਕਾਰਡ ਕੀਤੀ ਗਈ ਹੈ। ਜਿਸ ਨੂੰ ਪ੍ਰੋ. ਦਰਸ਼ਨ ਸਿੰਘ ਕੋਮਲ ਅਤੇ ਸ਼੍ਰੀ ਬਿਸ਼ਨ ਸਿੰਘ ਜੀ ਨੇ ਰਚਿਆ ਹੈ। ਇਸ ਟਰੈਕ ਦੇ ਪ੍ਰੋਡਿਊਸਰ ਮਾਇਕ ਹੋਠੀ ਅਤੇ ਹਰੀਸ਼ ਮਡਾਰ ਕੈਨੇਡਾ ਹਨ। ਜਲਦ ਹੀ ਉਕਤ ਟਰੈਕ ਸਰੋਤਿਆਂ ਦੀ ਝੋਲੀ ਪਾਉਣ ਲਈ ਗਾਇਕ ਜੇ ਐਚ ਤਾਜ਼ਪੁਰੀ ਬਚਨਬੱਧ ਹੈ।
