.(ਸਮਾਜ ਵੀਕਲੀ)
ਚਲੋ ਯਾਰੋ ਇਹੇ ਛੱਬੀ ਮਨਾਵਾਂਗੇ , ਚਲੋ ਦਿੱਲੀ
ਤਿਰੰਗੇ ਨੂੰ ਕਿਸਾਨੋ ਖੁਦ , ਝੁਲਾਵਾਂਗੇ ਚਲੋ ਦਿੱਲੀ
ਹਕੂਮਤ ਏ, ਨਹੀਂ ਕਾਬਿਲ, ਗਵਾਰਾਂ ਦੀ ਇਹੇ ਮਹਿਫ਼ਲ਼
ਤਬਾਹੀ ਦੇਸ਼ ਦੀ ਆਓ ਰੁਕਾਵਾਂਗੇ, ਚਲੋ ਦਿੱਲੀ
ਰਿਹੈ ਅਜਮਾ ਅਜੇ ਸ਼ਕਤੀ, ਬੜਾ ਚਾਤੁਰ ਇਹੇ ਹਾਕਿਮ
ਉਸੇ ਤੋਂ ਹੁਣ ਆਨਾ – ਆਨਾ ਮਨਾਵਾਂਗੇ ਚਲੋ ਦਿੱਲੀ
ਉਠਾਓ ਤੰਗਲ਼ੀ ਤੇ ਹਲ਼ , ਕਹੀ ਮੋਢੇ ਧਰੋ ਆਪਣੇ
ਬਿਠਾ ਮੋਢੇ ਨਵੇਂ ਜਨਮੇ, ਦਿਖਾਂਵਾਂਗੇ ਚਲੋ ਦਿੱਲੀ
ਮਿਸ਼ਾਲਾਂ ਲੈ ਤੂਫਾਨਾਂ ਵਿੱਚ, ਤੁਰੇ ਸਿਰ ਤਲੀ ਤੇ ਧਰ
ਨਵੇਂ ਸੂਰਜ ਨਵੇਂ ਤਾਰੇ, ਚੜਾਵਾਂਗੇ ਚਲੋ ਦਿੱਲੀ
ਬੜੇ ਜਰਵਾਣੇ ਗਏ-ਆਏ, ਮਰੇ ਇੱਥੇ ਹਜ਼ਾਰਾਂ ਹੀ
ਨਵੇਂ ਇਤਿਹਾਸ ਰਾਹ- ਲੀਹਾਂ, ਰਚਾਵਾਂਗੇ ਚਲੋ ਦਿੱਲੀ
ਵਹਾ ਮੁੜਕਾ ਉਗਾਇਆ ਅੰਨ, ਰੁਲ਼ੇ ਮਿੱਟੀ ਤੇਰੀ ਖਾਤਿਰ
ਨਸਾਂ ਦੀ ਰੱਤ ਵੀ ਹਾਜ਼ਿਰ , ਵਹਾਂਵਾਂਗੇ ਚਲੋ ਦਿੱਲੀ
ਸਰਾਭੇ ਦੇ ਅਸੀਂ ਵਾਰਿਸ, ਅਸਾਡਾ ਹੈ ਨਵਾਂ ਭਾਰਤ
ਸ਼ਹੀਦਾਂ ਦੇ ਸਿਰੋਂ ਕਰਜ਼ੇ, ਉਤਾਰਾਂਗੇ ਚਲੋ ਦਿੱਲੀ
ਜ਼ਮਾਨਾ ਦੇਖਦੈ ਆਲਮ, ਨਹੀਂ ਮੁੜਨਾ ਪਿਛਾਂਹ “ਬਾਲੀ”
ਗੁਲਾਮੀ ” ਰੇਤਗੜੵ ” ਦੀ, ਤੁੜਾਂਵਾਂਗੇ ਚਲੋ ਦਿੱਲੀ
ਬਲਜਿੰਦਰ ਸਿੰਘ ਬਾਲੀ ਰੇਤਗੜੵ
9465129168
7087629168
