ਹਵਾ
- ਸ਼ੱਕੀ ਘੇਰੇ ਵਿਚ ਆਇਆ ਹਰੇਕ ਬੰਦਾ, ਡਾਕਟਰ, ਕੋਲ ਮਰੀਜ਼ ਨਾ ਖੜ੍ਹਨ ਦੇਵੇ।
- ਅੰਦਰ ਦੋਵਾਂ ਦੇ ਪਿਆ ਕੀ ਚੱਲਦਾ ਹੈ, ਨਾ ਉਹ ਪੜ੍ਹੇ ਨਾ ਕਿਸੇ ਨੂੰ ਪੜ੍ਹਨ ਦੇਵੇ।
- ਦੂਰ ਰਹਿ ਕੇ ਦਿਓ ਡੀਟੇਲ ਕਹਿੰਦਾ, ਕੈਬਿਨ ਵਿਚ ਨਾ ਕਿਸੇ ਨੂੰ ਵੜ੍ਹਨ ਦੇਵੇ।
- ਐਸੀ ਵਗੀ ਕੋਰੋਨਾ ਦੀ ਹਵਾ ‘ਚੋਹਲਾ’, ਕੰਮ ਕਈਆਂ ਦੇ ਸਿਰੇ ਨਾ ਚੜ੍ਹਨ ਦੇਵੇ।
—-0—- -ਰਮੇਸ਼ ਬੱਗਾ ਚੋਹਲਾ -
ਦੂਰੀਆਂ
ਪਈਆਂ ਦੂਰੀਆਂ ਦਿਲਾਂ ਦੇ ਜਾਨੀਆਂ ਵਿਚ, ਤਰਸ ਗਏ ਨੇ ਦਰਸ਼ਨ ਦੀਦਾਰਿਆਂ ਨੂੰ। - ਕਾਲ ਵੀਡੀਓ ਕਰੇ ਨਾ ਘਰ ਪੂਰਾ, ਦਿੰਦੀ ਨਹੀਂ ਇਹ ਭਰਪੂਰ ਨਜ਼ਾਰਿਆਂ ਨੂੰ।
- ਲਾਕਡਾਉਨ ਨੇ ਕੀਤੇ ਕਈ ਡਾਉਨ ਆਸ਼ਕ, ਪਈ ਮਾਰ ਹੈ ਇਸ਼ਕ ਦੇ ਮਾਰਿਆਂ ਨੂੰ।
- ਖੜ੍ਹੀ ਮੋੜ ਚੁਰਾਹੇ ‘ਤੇ ਪੁਲਿਸ ‘ਚੋਹਲਾ’, ਦਿੰਦੀ ਕਰਨ ਨਾ ਪਾਰ ਉਤਾਰਿਆਂ ਨੂੰ।
—0— -ਰਮੇਸ਼ ਬੱਗਾ ਚੋਹਲਾ
ਉਡੀਕ
ਸੁਖਸਾਂਦ ਦੇ ਬਣਨ ਭਾਈਵਾਲ ਬਹੁਤੇ, ਦੁੱਖ ਤਕਲੀਫ਼ ਵਿਚ ਲੱਗੇ ਨਜ਼ਦੀਕ ਕੋਈ ਕੋਈ। - ਹੁੰਦਾ ਅਫ਼ਸੋਸ ਅਮੀਰਾਂ ਦੇ ਡੋਗੀਆਂ ਦਾ, ਗ਼ਮ ਗ਼ਰੀਬ ਦਾ ਹੋਵੇ ਸ਼ਰੀਕ ਕੋਈ ਕੋਈ।
- ਕੱਚ ਘੜੜ ਤਾਈਂ ਜਾਵੇ ਹੜੱਪ ਦੁਨੀਆਂ, ਸਹਿਜ ਪੱਕਣ ਦੀ ਕਰੇ ਉਡੀਕ ਕੋਈ ਕੋਈ।
- ਬੋਲੇ ਕੰਨਾਂ ਦਾ ਜਿਥੇ ਹੈ ਬੋਲਬਾਲਾ, ਉਥੇ ਸੁਣੇ ‘ਰਮੇਸ਼’ ਦੀ ਚੀਕ ਕੋਈ ਕੋਈ।
—0— -ਰਮੇਸ਼ ਬੱਗਾ ਚੋਹਲਾ
(ਲੁਧਿਆਣਾ) ਮੋਬ:+91 9463 132 719
