ਭਾਰਤੀ ਕਿ੍ਕਟ ਸਟਾਰ ਮਹਿੰਦਰ ਸਿੰਘ ਧੋਨੀ ਜੰਮੂ ਕਸ਼ਮੀਰ ਵਿੱਚ ਸੈਨਾ ਦੀ ਆਪਣੀ ਬਟਾਲੀਅਨ ਨਾਲ ਇਸ ਮਹੀਨੇ ਦੇ ਆਖ਼ਰ ਵਿੱਚ ਜੁੜਨਗੇ। ਧੋਨੀ ਨੂੰ 2011 ਵਿੱਚ ਸੈਨਾ ਵਿੱਚ ਲੈਫਟੀਨੈਂਟ ਕਰਨਲ ਦਾ ਰੈਂਕ ਦਿੱਤਾ ਗਿਆ ਸੀ।
ਅਧਿਕਾਰਤ ਸੂਤਰਾਂ ਨੇ ਦੱਸਿਆ ਕਿ ਧੋਨੀ 106 ਖੇਤਰੀ ਸੈਨਾ ਬਟਾਲੀਅਨ (ਪੈਰਾ) ਨਾਲ 31 ਜੁਲਾਈ ਤੋਂ 15 ਅਗਸਤ ਤਕ ਰਹਿਣਗੇ। ਵੈਸਟ ਇੰਡੀਜ਼ ਦੌਰੇ ’ਤੇ ਧੋਨੀ ਭਾਰਤੀ ਟੀਮ ਦਾ ਹਿੱਸਾ ਨਹੀਂ ਹਨ। ਉਨ੍ਹਾਂ ਨੇ ਸੈਨਾ ਨੂੰ ਸੂਚਿਤ ਕੀਤਾ ਸੀ ਕਿ ਉਹ ਆਪਣੀ ਬਟਾਲੀਅਨ ਨੂੰ ਸੇਵਾਵਾਂ ਦੇਣਾ ਚਾਹੁੰਦੇ ਹਨ ਜੋ ਇਸ ਵੇਲੇ ਕਸ਼ਮੀਰ ਵਿੱਚ ਤਾਇਨਾਤ ਹੈ।
ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, ‘‘ਅਧਿਕਾਰੀ ਨੇ ਇਹ ਬੇਨਤੀ ਕੀਤੀ ਸੀ ਅਤੇ ਸੈਨਾ ਦੇ ਮੁੱਖ ਦਫ਼ਤਰ ਨੇ ਮਨਜ਼ੂਰੀ ਦੇ ਦਿੱਤੀ ਹੈ। ਉਹ ਸੈਨਾ ਨਾਲ ਰਹਿੰਦੇ ਹੋਏ ਪੈਟਰੋਲਿੰਗ, ਗਾਰਡ ਅਤੇ ਪੋਸਟ ਡਿਊਟੀ ਕਰਨਗੇ।
