(ਸਮਾਜ ਵੀਕਲੀ)
ਕੀ ਮੰਦਰ , ਕੀ ‘ਗੁਰੂਦਵਾਰਾ , ਕੀ ਮਸਜਿਦ , ਕੀ ਡੇਰਾ ਏ
ਵੇਖਣ ਵਾਲੀ , ਅੱਖ ਚਾਹੀਦੀ , ਹਰ ਥਾਂ ਤੇਰਾ ਵਸੇਰਾ ਏ
ਫੁੱਲਾਂ , ਕਲੀਆਂ , ਕਮਲਾਂ ਦੇ ਵਿੱਚ ਮਹਿਕਣ ਵਾਲਾ ਤੂੰ ਹੀਂ ਐਂ
ਸ਼ਾਮ ਸਵੇਰੇ , ਪੰਛੀਆਂ ਅੰਦਰ ਚਹਿਕਣ ਵਾਲਾ ਤੂੰ ਹੀਂ ਐਂ
ਵਿੱਚ ਹਵਾ ਦੇ ਘੁਲਿਆ ਮਿਲਿਆ ਨਾ ਮੂਰਤ , ਨਾ ਚੇਹਰਾ ਏ
ਵੇਖਣ ਵਾਲੀ , ਅੱਖ ਚਾਹੀਦੀ , ‘ਹਰ ਥਾਂ ਤੇਰਾ ਵਸੇਰਾ ਏ
ਦੀਵੇ , ਜੋਤਾਂ , ‘ਤੇ ਸੂਰਜ ਦੇ ਅੰਦਰ ਦਮਕੇਂ ਤੂੰ ਹੀਂ ਤੂੰ
ਸੋਨੇ , ਚਾਂਦੀ , ਚੰਨ , ਤਾਰਿਆਂ ਦੇ ਵਿੱਚ ਚਮਕੇਂ ਤੂੰ ਹੀਂ ਤੂੰ
ਤੂੰ ਹੀਂ ਕਰਤਾ , ਤੂੰ ਹੀਂ ਧਰਤਾ , ਤੇਰਾ ਅਸੀਮ ਘੇਰਾ ਏ
ਵੇਖਣ ਵਾਲੀ , ਅੱਖ ਚਾਹੀਦੀ , ਹਰ ਥਾਂ ਤੇਰਾ ਵਸੇਰਾ ਏ
ਇੱਕ ਦਿਨ ਜਿੰਮੀ ਹਰ ਗੋਲੇ ਨੇ ਫੁੱਟ ਜਾਣਾ ਸਭ ਢਹਿ ਜਾਣਾ
ਤੂੰ ਹੀਂ ਤੂੰ ਸੀ , ਤੂੰ ਹੀਂ ਤੂੰ ਐਂ , ਤੂੰ ਹੀਂ ਤੂੰ ਬੱਸ ਰਹਿ ਜਾਣਾ
ਲੱਖਾਂ ਰਹਿਬਰ ਆਏ ਤੁਰਗੇ” ਭੇਦ ਪਿਆ ਨਾ ਤੇਰਾ ਏ
ਵੇਖਣ ‘ਵਾਲੀ , ਅੱਖ ਚਾਹੀਦੀ , ਹਰ ਥਾਂ ਤੇਰਾ ਵਸੇਰਾ ਏ
ਜਿੰਮੀ ਅਹਿਮਦਗਡ਼੍ਹ
ਫੋਨ ~ 8195907681
