(ਸਮਾਜ ਵੀਕਲੀ)
ਜੇ ਕਲਮਾਂ ਹੀ ਚੁੱਪ ਰਹਿਣਗੀਆਂ ।
ਕੋਰੇ ਕਾਗਜ਼ ਕਿੰਜ ਬੋਲਣਗੇ ,
ਨਾਗਾਂ ਦੀ ਬਿਰਮੀ ਵਿੱਚ ਵੜ ਕੇ ।
ਕਿੰਝ ਬਿੱਜੜੇ ਭੇਦ ਫਰੋਲਣਗੇ ,
ਜਦੋਂ ਚੰਨ ਹੀ ਗੋਡੀ ਮਾਰ ਗਿਆ ।
ਜੁਗਨੂੰ ਕਿੰਝ ਰਸਤੇ ਟੋਲਣਗੇ ,
ਕਾਲੇ ਕਾਵਾਂ ਦੇ ਬੱਗ ਵਹਿਸ਼ੀ ।
ਘੁੱਗੀਆਂ ਦੇ ਬੋਟ ਮਧੋਲਣਗੇ ,
ਧਰਮਾਂ ਦੀਆਂ ਜੁਨਾਂ ਵਿੱਚ ਵੰਡ ਕੇ ।
ਬੰਦੇ ਹੀ ਰੱਬ ਨੂੰ ਰੋਲਣਗੇ ,
ਇਨਸਾਨ ਹੀ ਮਿਟੀ ਜੇ ਬਣ ਗਏ ।
ਕਿੰਝ ਭੇਦ ਦਿਲਾਂ ਦੇ ਖੋਲ੍ਹਣਗੇ ,
ਕਾਨੂੰਨ ਦੀ ਤੱਕੜੀ ਵਿੱਚ ਬਿੰਦਰਾ ।
ਇਨਸਾਫ ਕਿਵੇਂ ਫੇਰ ਤੋਲਣਗੇ,
ਜੇ ਕਲਮਾਂ ਹੀ ਚੁੱਪ ਰਹਿਣਗੀਆਂ ।
ਕੋਰੇ ਕਾਗਜ਼ ਕਿੰਜ ਬੋਲਣਗੇ ,
ਬਿੰਦਰ
ਜਾਨ ਏ ਸਾਹਿਤ ਇਟਲੀ
00393278159218
