(ਸਮਾਜ ਵੀਕਲੀ)
ਆਪਣੀਆਂ ਕਰਤੂਤਾਂ ਕਰਕੇ ਹੁੰਦੇ ਖੱਜਲ਼ ਖੁਆਰ
ਜਿਹੜਾ ਸਾਨੂੰ ਨੂੰ ਲੁੱਟੇ ਕੁੱਟੇ, ਉਸਦੀ ਜੈ ਜੈ ਕਾਰ
ਆਪਣਾ ਦੁਖੜਾ ਹਾਕਮ ਤਾਈਂ ਕੋਈ ਕਿੰਝ ਸੁਣਾਏ
ਰਸਤੇ ਵਿਚ ਖਲੋਤੀ ਲੰਮੀ, ਚਮਚਿਆਂ ਵਾਲ਼ੀ ਕਤਾਰ
ਵੋਟਾਂ ਪਿੱਛੋਂ ਦੱਸੋ ਕਿਹੜਾ ਕਿਹੜਾ ਪੂਰਾ ਹੋਇਆ ?
ਵੋਟਾਂ ਵੇਲ਼ੇ ਪਿੰਡ ਪਿੰਡ ਜਾਕੇ ਵਾਅਦੇ ਕਰੇ ਹਜ਼ਾਰ
ਕਾਲ ਕਰੋਨਾ ਵਾਲ਼ਾ ਚਲਦਾ ,ਕੰਮ ਕੋਈ ਨਾਂ ਚੱਲੇ
ਉੱਤੋਂ ਮਾਰੀ ਜਾਂਦੀ ਨਿੱਤ ,ਮਹਿੰਗਾਈ ਵਾਲ਼ੀ ਮਾਰ
ਬਾੜ ਖੇਤ ਨੂੰ ਖਾਵਣ ਲੱਗੀ ,ਮਾਲੀ ਬਾਗ਼ ਉਜਾੜੇ
ਵਧੇ ਹੌਂਸਲੇ ਚੋਰਾਂ ਦੇ , ਸੰਗ ਰਲਿਆ ਚੌਂਕੀਦਾਰ
ਬਾਬਰ ਤਾਈਂ ਜਾਬਰ ਕਹਿਣੋਂ ,ਜੇ ਤੇਰਾ ਦਿਲ ਡਰਦਾ
ਫਿਰ ਕਿਵੇਂ ਤੂੰ ਸਿੱਖ ਨਾਨਕ ਦਾ, ਫਿਰ ਕਾਹਦਾ ਸਰਦਾਰ
ਗੱਲਾਂ ਬਾਤਾਂ ਨਾਲ਼ ਨਾ ਹੋਣਾ ਹੱਲ ਕੋਈ ਹੁਣ ਯਾਰੋ
ਮਾਰ ਗੁਲੇਲਾ ਪਾਊ ਉਡਾਣੀ ਇਹ ਕਾਵਾਂ ਦੀ ਡਾਰ
ਸੋਨੂੰ ਮੰਗਲ਼ੀ
ਪਿੰਡ ਮੰਗਲ਼ੀ ਟਾਂਡਾ
ਲੁਧਿਆਣਾ
ਫੋਨ 8194958011
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
