(ਸਮਾਜ ਵੀਕਲੀ)
ਪਾਣੀ ਹੈ ਜਗਤ ਪਿਤਾ , ਦਾਤ ਦਿੱਤੀ ਦਾਤੇ ਸਾਨੂੰ
ਬੂੰਦ ਬੂੰਦ ਕੀਮਤੀ ਹੈ , ਬਿਰਥਾ ਨਾ ਗਵਾਵਣਾ
ਸਾਂਭ ਲਓ ਵੇਲਾ ਹੁਣ , ਲੰਘਿਆ ਨਾ ਮੁੜ ਆਵੇ
ਹੱਥ ਮਲ ਮਲ ਫਿਰ , ਪਊਗਾ ਪਛਤਾਵਣਾ
ਨੀਂਦ ਵਿੱਚੋਂ ਜਾਗ ਜਾਓ , ਤਿਆਗ ਦਿਓ ਆਲਸਾਂ
ਕੀਤੀ ਹੋਈ ਨਾਦਾਨੀ ਦਾ , ਨਤੀਜਾ ਅੱਗੇ ਆਵਣਾ
ਕੁਦਰਤ ਨਾਲ ਕੀਤੀ , ਛੇੜਖਾਨੀ ਪੈਣੀ ਮਹਿੰਗੀ
ਆਉਣ ਵਾਲੀ ਪੀੜ੍ਹੀ ਤੋ , ਹੈ ਪੈਣਾ ਮੂੰਹ ਛੁਪਾਵਣਾ
ਪਾਣੀ ਬਿਨਾਂ ਜ਼ਿੰਦਗੀ ਦੀ , ਮੁੱਕਜੂ ਕਹਾਣੀ ਬੰਦੇ
ਹਰ ਹਾਲ ਪਾਣੀ ਤੈਨੂੰ , ਪੈਣਾ ਓਏ ਬਚਾਵਣਾ
ਸੁਖਚੈਨ ਸਿੰਘ ਚੰਦ ਨਵਾਂ
9914973876
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
