(ਸਮਾਜ ਵੀਕਲੀ)
ਵੱਧ ਤੋਂ ਵੱਧ ਲਗਾਓ ਰੁੱਖ ।
ਜੇ ਵਾਤਾਵਰਨ ਰਹੇਗਾ ਸਾਫ਼ ਤੇ ਸ਼ੁੱਧ ,
ਤਾਂ ਘਟਣਗੇ ਸਾਡੇ ਸਭ ਦੇ ਦੁੱਖ।
ਤੁਸੀਂ ਵੱਧ ਤੋਂ ਵੱਧ ਰੁੱਖ ਲਗਾਓਗੇ ,
ਤਾਂ ਅਸੀਂ ਵੀ ਸੁਖੀ ਰਹਿ ਪਾਵਾਂਗੇ ।
ਜੇ ਧੜਾਧੜ ਰੁੱਖ ਕੱਟਦੇ ਜਾਉਗੇ ,
ਤਾਂ ਅਸੀਂ ਵੀ ਕਿੱਧਰ ਨੂੰ ਜਾਵਾਂਗੇ ?
ਉਜਾਡ਼ ਕੇ ਸਾਡੇ ਘਰ – ਠਿਕਾਣੇ ,
ਤੁਸੀਂ ਵੀ ਬਹੁਤ ਪਛਤਾਓਗੇ ।
ਆਵੇਗੀ ਦੁੱਖਾਂ – ਤਕਲੀਫ਼ਾਂ ਦੀ ਹਨ੍ਹੇਰੀ ,
ਫਿਰ ਤੁਸੀਂ ਵੀ ਸੁਖੀ ਨਾ ਰਹਿ ਪਾਓਗੇ।
ਬਿਨ ਰੁੱਖਾਂ , ਪੰਛੀਆਂ , ਫੁੱਲਾਂ ਤੋਂ ,
ਮਾਹੌਲ ਹੋਵੇਗਾ ਗੰਧਲਾ ….।
ਅਜਿਹੀ ਤਰੱਕੀ ਨੂੰ ਕੀ ਕਹਿ ਪਾਓਗੇ ?
ਜਿਊਣਾ ਹੋ ਜਾਵੇਗਾ ਮੁਸ਼ਕਿਲ ਸਭ ਦਾ ,
ਫਿਰ ਦੁੱਖਾਂ ਵਿੱਚ ਪਿਸਦੇ ਜਾਵੋਗੇ।
ਅਜੇ ਵੀ ਸਮਾਂ ਹੈ , ਸੰਭਲ ਜਾਣ ਦਾ ,
ਰੁੱਖਾਂ ਦੀ ਸੰਭਾਲ ਤੇ ਵੱਧ ਤੋਂ ਵੱਧ ਰੁੱਖ ਲਗਾਉਣ ਦਾ।
ਪੰਛੀਆਂ ਦੀ ਅੱਜ ਸੁਣ ਲਓ ਪੁਕਾਰ ,
ਐ ਮਨੁੱਖ ! ਕੁਝ ਤਾਂ ਵਿਚਾਰ !!!
ਧਰਤੀ ਬਣ ਜਾਵੇਗੀ ਫਿਰ ਮਾਰੂਥਲ – ਰੇਤ ,
ਹਰੇ – ਭਰੇ ਮੁੱਕ ਜਾਣਗੇ ਜਦ ਸਭ ਖੇਤ।
” ਜੀਓ ਅਤੇ ਜਿਊਣ ਦਿਓ ” ਦੇ ਰਾਹ ‘ਤੇ ,
ਹੁਣ ਤੁਸੀਂ ਚੱਲ ਪਓ ਸਾਰੇ।
ਵਾਤਾਵਰਨ , ਪਾਣੀ , ਰੁੱਖਾਂ ਦੀ ਸੰਭਾਲ ਕਰਕੇ ,
ਬਣ ਜਾਓ ਤੇ ਅਖਵਾਓ ‘ਸਚਿਆਰੇ’ ।
ਬੰਬ , ਪਟਾਖੇ ਤੇ ਚਾਈਨਾ ਡੋਰ ਤੋਂ ਤੌਬਾ ਕਰਕੇ ,
ਵਾਤਾਵਰਣ ਸ਼ੁੱਧਤਾ ਦੀ ਹਾਮੀ ਭਰ ਕੇ ,
ਤਾਂ ਹੀ ਤੁਸੀਂ ‘ ਸ੍ਰੇਸ਼ਟ ਪ੍ਰਾਣੀ’ ਅਖਵਾਓਗੇ ,
ਆਉਣ ਵਾਲੀਆਂ ਪੀੜ੍ਹੀਆਂ ਲਈ ,
ਜੇ ਰਹਿਣ ਯੋਗ ਧਰਤੀ ਦੇ ਜਾਓਗੇ।
ਵਾਤਾਵਰਣ ਨੂੰ ਬਚਾਓ , ਪਾਣੀ ਨੂੰ ਬਚਾਓ ,
ਵੱਧ ਤੋਂ ਵੱਧ ਰੁੱਖ ਲਗਾਓ , ਪ੍ਰਦੂਸ਼ਣ ਨੂੰ ਘਟਾਓ।
ਇਹ ਹੈ ਪੰਛੀਆਂ ਦੀ ਪੁਕਾਰ ,
ਸੁਣ ਲੈ ! ਮਨੁੱਖ ਇੱਕ ਵਾਰ।
ਇਸ ‘ਤੇ ਪਹਿਰਾ ਦੇ ਵਾਰ – ਵਾਰ ,
ਇਹ ਹੈ ਸਭ ਦੇ ” ਭਲੇ ਦਾ ਸਾਰ” ,
ਇਹ ਹੈ ਪੰਛੀਆਂ ਦੀ ਪੁਕਾਰ ,
ਇਹ ਪੰਛੀਆਂ ਦੀ ਪੁਕਾਰ।
ਲੇਖਕ ਮਾਸਟਰ ਸੰਜੀਵ ਧਰਮਾਣੀ .
ਸ੍ਰੀ ਅਨੰਦਪੁਰ ਸਾਹਿਬ .
9478561356.
