ਮਹਿਤਪੁਰ – (ਨੀਰਜ ਵਰਮਾ) ਏਕਮ ਪਬਲਿਕ ਸਕੂਲ ਮਹਿਤਪੁਰ ਚ ਸਲਾਨਾ ਇਨਾਮ ਵੰਡ ਸਮਾਰੋਹ ਕਰਵਾਇਆ ਗਿਆ। ਪ੍ਰੋਗਰਾਮ ਦੇ ਸ਼ੁਰੂ ਚ ਬੱਚਿਆਂ ਨੇ ਸ਼ਬਦ ਗਾਇਨੀ ਰਾਹੀਂ ਗੁਰੂ ਮਹਾਰਾਜ ਜੀ ਦਾ ੳਟ ਆਸਰਾ ਲਿਆ। ਉਪਰੰਤ ਹਲਕਾ ਵਿਧਾਇਕ ਹਰਦੇਵ ਸਿੰਘ ਲਾਡੀ ਸ਼ੇਰੋਵਾਲੀਆਂ ਐਡਵੋਕੇਟ ਐਸ ਕੇ ਮਲਹੋਤਰਾ, ਸੁਰਿੰਦਰ ਸਿੰਘ ਥਿੰਦ, ਸ਼ਿਵ ਪ੍ਰਕਾਸ਼, ਸਕੂਲ ਡਾਇਰੈਕਟਰ ਨਿਰਮਲ ਸਿੰਘ, ਪ੍ਰਧਾਨ ਦਲਜੀਤ ਸਿੰਘ,ਪ੍ਰਿੰਸੀਪਲ ਅਮਨਦੀਪ ਕੌਰ, ਵਾਇਸ ਪ੍ਰਿੰਸੀਪਲ ਦਲਜੀਤ ਕੌਰ ਤੇ ਸਮੂਹ ਮੈਨੇਜਮੈਂਟ ਨੇ ਸਾਂਝੇ ਤੌਰ ਤੇ ਸਮਾਂ ਰੋਸ਼ਨ ਕਰਕੇ ਸਕੂਲ ਚ ਹਾਜਰ ਮਾਂ ਬਾਪ, ਜਨ ਸਮੂਹ ਪ੍ਰਤੀ ਸਤਿਕਾਰ ਤੇ ਆਪਸੀ ਭਾਈਚਾਰੇ ਦੀ ਮਹਾਨ ਰੂਪੀ ਲੋਅ ਉਜਾਗਰ ਕੀਤੀ। ਸਮਾਗਮ ਦੌਰਾਨ ਬੱਚਿਆਂ ਦੁਆਰਾ ਪੇਸ਼ ਕੀਤੀ ਹਰ ਇਕ ਪੇਸ਼ ਕਾਰੀ ਕਾਬਿਲ ਏ ਤਾਰੀਫ ਸੀ। ਬੱਚਿਆਂ ਦੁਆਰਾ ਪੇਸ਼ ਕੀਤਾ ਗਿਆ ਨਾਟਕ ਪੈਗਾਮ ਏ ਨਾਮਕ ਹਰ ਇਕ ਦਰਸ਼ਕ ਵੱਲੋਂ ਖੂਬ ਸਰਾਹਿਆ ਗਿਆ। ਬਚਿੱਤਰ ਸਿੰਘ ਕੋਹਾੜ, ਡਾ. ਅਮਰਜੀਤ ਸਿੰਘ ਥਿੰਦ,ਡਾ. ਅਮਰਜੀਤ ਸਿੰਘ ਚੀਮਾ, ਰਮੇਸ਼ ਵਰਮਾ ਸ਼ਹਿਰੀ ਪ੍ਰਧਾਨ ਅਕਾਲੀ ਦਲ, ਰਾਜ ਕੁਮਾਰ ਜੱਗਾ ਪ੍ਰਧਾਨ ਨਗਰ ਪੰਚਾਇਤ ਮਹਿਤਪੁਰ, ਮਹਿੰਦਰਪਾਲ ਸਿੰਘ ਟੁਰਨਾ, ਰਮੇਸ਼ ਮਹੇ, ਬਲਜਿੰਦਰ ਸਿੰਘ ਕੰਗ ਆਦਿ ਨੇ ਸਾਂਝੇ ਤੌਰ ਤੇ ਸਕੂਲ ਦੇ ਵਿਦਿਅਕ ਵਰ੍ਹੇ 2018-2019 ਦੇ ਪਹਿਲੇ, ਦੂਜੇ ਤੇ ਤੀਜੀ ਪੁਜੀਸ਼ਨ ਤੇ ਆਉਣ ਵਾਲੇ ਬੱਚਿਆਂ ਨੂੰ ਇਨਾਮ ਵੰਡੇ। ਸਕੂਲ ਮੈਨੇਜਮੈਂਟ ਵੱਲੋਂ ਸੀ. ਬੀ. ਐਸ. ਈ. ਬੋਰਡ ਦੀ ਪ੍ਰੀਖਿਆ 10ਵੀਂ ਤੇ 12ਵੀਂ ਜਮਾਤ ਚੋਂ ਪਹਿਲੀ, ਦੂਸਰੀ ਤੇ ਤੀਸਰੀ ਪੁਜੀਸ਼ਨ ਹਾਸਲ ਬੱਚਿਆਂ ਨੂੰ 3100, 2100 ਤੇ 1100 ਦੀ ਨਕਦ ਰਾਸ਼ੀ ਵੰਡੀ ਗਈ।
ਇਸ ਮੌਕੇ ਪ੍ਰਸਿੱਧ ਪੰਜਾਬੀ ਗਾਇਕ ਦੀਪ ਢਿੱਲੋ ਨੇ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾਂ ਨੂੰ ਸਮਰਪਿਤ ਗੀਤ ਗਾ ਕੇ ਦਰਸ਼ਕਾ ਦੀ ਵਾਹ ਵਾਹ ਕਬੂਲੀ ਤੇ ਪ੍ਰਸਿੱਧ ਗੀਤਕਾਰ ਮੰਗਲ ਹਠੂਰ ਨੇ ਆਪਣੀ ਸ਼ਾਇਰੀ ਨਾਲ ਦਰਸ਼ਕਾਂ ਦੇ ਮਨਾਂ ਤੇ ਡੂੰਘੀ ਛਾਪ ਛੱਡੀ। ਪੰਜਾਬੀ ਗਾਇਕੀ ਦੇ ਥੰਮ ਕੰਠ ਕਲੇਰ ਨੇ ਵੀ ਹਰ ਸਾਲ ਦੀ ਤਰ੍ਹਾਂ ਆਪਣੀ ਹਾਜਰੀ ਲਗਵਾ ਕੇ ਸਕੂਲ ਦੇ ਬੱਚਿਆਂ ਪ੍ਰਤੀ ਆਪਣੀ ਡੂੰਘੀ ਸਾਂਝ ਦਾ ਇਜਹਾਰ ਕਰਦੇ ਹੋਏ ਆਪਣਾ ਬਚਪਨ ਯਾਦ ਕੀਤਾ। ਸਟੇਜ ਸੰਚਾਲਨ ਮੈਡਮ ਸਵਪਨਦੀਪ ਕੌਰ, ਰਣਜੋਤ ਸਿੰਘ ਤੇ ਹੋਣਹਾਰ ਬੱਚਿਆਂ ਨੇ ਸਾਂਝੇ ਤੌਰ ਤੇ ਕੀਤਾ। ਸਕੂਲ ਦੇ ਬੱਚਿਆਂ ਦੁਆਰਾ ਵੱਖ ਵੱਖ ਵਿਸ਼ਿਆਂ ਤੇ ਅਜੋਕਿਆਂ ਸਮੱਸਿਆਵਾਂ ਤੇ ਸਮਾਧਾਨ ਦੀ ਝਲਕ ਪੇਸ਼ ਕਰਦੀ ਹੋਈ ਪ੍ਰਦਰਸ਼ਨਕਾਰੀ ਖਿੱਚ ਦਾ ਕੇਂਦਰ ਬਣੀ ਰਹੀ। ਸਮਾਗਮ ਚ ਰਾਜੂ ਖਹਿਰਾ, ਹਰਪ੍ਰੀਤ ਸਿੰਘ ਪੀਤਾ, ਤਜਿੰਦਰ ਸਿੰਘ ਰਾਮਪੁਰ, ਕਮਲ ਕਿਸ਼ੋਰ, ਸਮੂਹ ਪੱਤਰਕਾਰ ਭਾਈਚਾਰੇ, ਸਕੂਲ ਦਾ ਸਮੂਹ ਸਟਾਫ ਤੇ ਬੱਚਿਆਂ ਦੇ ਮਾਂ ਬਾਪ ਆਦਿ ਮੌਜੂਦ ਸਨ।
