ਧੂਰੀ, (ਰਮੇਸ਼ਵਰ ਸਿੰਘ) ਪੰਜਾਬੀ ਸਾਹਿਤ ਸਭਾ ਧੂਰੀ ਵੱਲੋਂ 08 ਮਾਰਚ ਵਾਲ਼ੇ ਦਿਨ ਨਾਰੀ ਦਿਵਸ ਨੂੰ ਸਮਰਪਿਤ ਸਾਹਿਤਕ ਸਮਾਗਮ ਮੂਲ ਚੰਦ ਸ਼ਰਮਾ ਦੀ ਪ੍ਰਧਾਨਗੀ ਹੇਠ ਕੀਤਾ ਗਿਆ ਜਿਸ ਵਿੱਚ ਮੁੱਖ ਮਹਿਮਾਨ ਨਾਵਲਕਾਰ ਮਿੱਤਰ ਸੈਨ ਮੀਤ ਅਤੇ ਵਿਸ਼ੇਸ਼ ਮਹਿਮਾਨ ਵਜੋਂ ਡਾ. ਧਰਮ ਚੰਦ ਵਾਤਿਸ਼ , ਦਵਿੰਦਰ ਸਿੰਘ ਸੇਖਾ ਤੇ ਪ੍ਰਿੰਸੀਪਲ ਸੁਖਜੀਤ ਕੌਰ ਸੋਹੀ ਸ਼ਾਮਲ ਹੋਏ ।
ਸੁਆਗਤੀ ਸ਼ਬਦਾਂ ਅਤੇ ਸਦੀਵੀ ਵਿੱਛੜੇ ਸਾਥੀਆਂ ਨੂੰ ਸ਼ਰਧਾ ਸੁਮਨ ਭੇਂਟ ਕਰਨ ਉਪਰੰਤ ਡਾ. ਵਾਤਿਸ਼ ਨੇ ਨਾਰੀ ਆਲੋਚਨਾ ਬਾਰੇ ਅਤੇ ਮੈਨੇਜਰ ਜਗਦੇਵ ਸ਼ਰਮਾ ਵੱਲੋਂ ਔਰਤਾਂ ਦੀ ਦਸ਼ਾ ਤੇ ਦਿਸ਼ਾ ਬਾਰੇ ਆਪੋ ਆਪਣੇ ਪਰਚੇ ਪੇਸ਼ ਕੀਤੇ । ਵਿਚਾਰ ਚਰਚਾ ਸਮੇਂ ਹੋਰਨਾਂ ਤੋਂ ਇਲਾਵਾ ਪ੍ਰਿੰਸੀਪਲ ਕਮਲਜੀਤ ਟਿੱਬਾ, ਅਮਰ ਗਰਗ ਕਲਮਦਾਨ , ਸੁਖਦੇਵ ਸ਼ਰਮਾ ਅਤੇ ਪ੍ਰਿੰਸੀਪਲ ਸੁਖਜੀਤ ਕੌਰ ਸੋਹੀ ਨੇ ਆਪਣੇ ਵਿਚਾਰ ਪੇਸ਼ ਕਰਦਿਆਂ ਸਮਾਗਮ ਨੂੰ ਹੋਰ ਵੀ ਬੁਲੰਦੀ ਬਖ਼ਸ਼ੀ। ਇਸ ਮੌਕੇ ਸਭਾ ਵੱਲੋਂ ਸੁਖਜੀਤ ਸੋਹੀ ਨੂੰ ਸਨਮਾਨਿਤ ਵੀ ਕੀਤਾ ਗਿਆ ।
ਦੂਸਰੇ ਦੌਰ ਵਿੱਚ ਚਰਨਜੀਤ ਮੀਮਸਾ ਦੇ ਮੰਚ ਸੰਚਾਲਨ ਹੋਏ ਵਿਸ਼ਾਲ ਕਵੀ ਦਰਬਾਰ ਸਰਬ ਸ਼੍ਰੀ ਸੁਖਵਿੰਦਰ ਲੋਟੇ , ਜਗਤਾਰ ਸਿੰਘ ਸਿੱਧੂ , ਗੁਰਦਿਆਲ ਨਿਰਮਾਣ ਧੂਰੀ , ਕਾ.ਸੁਖਦੇਵ ਸ਼ਰਮਾ , ਰਣਜੀਤ ਆਜ਼ਾਦ ਕਾਂਝਲਾ , ਗੁਰਮੀਤ ਸੋਹੀ , ਅਸ਼ੋਕ ਭੰਡਾਰੀ , ਪੇਂਟਰ ਸੁਖਦੇਵ ਸਿੰਘ , ਕੁਲਵੰਤ ਖਨੌਰੀ , ਕਰਨਜੀਤ ਸਿੰਘ , ਬਲਜੀਤ ਸਿੰਘ ਬਾਂਸਲ , ਅਮਰਜੀਤ ਸਿੰਘ ਅਮਨ , ਗੀਤਕਾਰ ਮੀਤ ਸਕਰੌਦੀ , ਮਲਕੀਤ ਬਿਲਿੰਗ , ਲੋਕ ਗਾਇਕ ਹਾਕਮ ਬਖਤੜੀਵਾਲਾ , ਸਰਪੰਚ ਜੱਗੀ ਧੂਰੀ ਅਤੇ ਸਰਵਰਿੰਦਰ ਸਿੰਘ ਬਖਤੜੀਵਾਲਾ ਨੇ ਆਪੋ ਆਪਣੀਆਂ ਨਾਰੀ ਦਿਵਸ ਨਾਲ਼ ਸੰਬੰਧਿਤ ਰਚਨਾਵਾਂ ਪੇਸ਼ ਕਰਕੇ ਖ਼ੂਬ ਰੰਗ ਬੰਨਿ੍ਆਂ । ਅੰਤ ਵਿੱਚ ਸਭਾ ਦੇ ਸਰਪ੍ਰਸਤ ਪ੍ਰਿੰਸੀਪਲ ਕਿਰਪਾਲ ਸਿੰਘ ਜਵੰਧਾ ਨੇ ਸਮਾਗਮ ਦੀ ਸਫਲਤਾ ‘ਤੇ ਭਰਪੂਰ ਖ਼ੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਸਭਨਾਂ ਦਾ ਧੰਨਵਾਦ ਕੀਤਾ ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
