* ਔਰਤ ਦਾ ਦਰਦ *

(ਸਮਾਜ ਵੀਕਲੀ)

ਕਦੇ ਗਰਭ ਵਿੱਚ ਮਰਾਇਆ,
ਅਗਲੀ ਵਾਰ ਪੁੱਤ ਜਮਾਉਣ ਦੇ ਲਈ l

ਕਦੇ ਮਾਪਿਆਂ ਨੇ ਮਰਾਇਆ,
ਦਾਜ ਦਾ ਖਰਚ ਬਚਾਉਣ ਦੇ ਲਈ l

ਕਦੇ ਸੌਹਰਿਆਂ ਸੀ ਮਾਰਿਆ,
ਦਾਜ ਘੱਟ ਲਿਆਉਣ ਦੇ ਲਈ l

ਕਦੇ ਸਟੋਵ ਨੇ ਕੱਢੀ ਦੁਸ਼ਮਣੀ,
ਫਟ ਗਿਆ ਜਲਾਉਣ ਦੇ ਲਈ l

ਕਦੇ ਪੈਰ ਦੀ ਜੁੱਤੀ ਦੱਸਿਆ,
ਇੱਜ਼ਤ ਮਿੱਟੀ’ਚ ਮਿਲਾਉਣ ਦੇ ਲਈ l

ਕਦੇ ਗੁੱਤ ਪਿੱਛੇ ਮੱਤ ਦੱਸੀ,
ਮਾਨਸਿਕ ਪੱਧਰ ਗਿਰਾਉਣ ਦੇ ਲਈ l

ਕਦੇ ਲੋਕਾਂ ਪੁਤਲੇ ਮੇਰੇ ਸਾੜੇ,
ਮੀਂਹ ਬਰਸਾਉਣ ਦੇ ਲਈ l

ਕਦੇ ਪਤੀ ਦੇਵ ਨੇ ਮਾਰਿਆ,
ਪੁੱਤਰ ਨਾ ਜਮਾਉਣ ਦੇ ਲਈ l

ਕਦੇ ਚੇਲਿਆਂ ਅੱਗੇ ਪੇਸ਼ ਕੀਤਾ,
ਚਿਮਟੇ ਖਵਾਉਣ ਦੇ ਲਈ l

ਕਦੇ ਰੱਬ ਦੇ ਪੁਜਾਰੀਆਂ ਅੱਗੇ,
ਚਾੜ੍ਹਿਆ ਦਾਸੀ ਬਣਾਉਣ ਦੇ ਲਈ l

ਕਦੇ ਅੱਗ ਵਿੱਚ ਸੁੱਟਿਆ,
ਪਤੀ ਨਾਲ ਸਤੀ ਕਰਾਉਣ ਦੇ ਲਈ l

ਕਦੇ ਤਲਾਕ ਤਲਾਕ ਤਲਾਕ ਕਿਹਾ,
ਟੱਬਰ ਵਿੱਚੋਂ ਕਢਵਾਉਣ ਦੇ ਲਈ l

ਕਦੇ ਨੰਗਾ ਕਰਕੇ ਘੁਮਾਇਆ,
ਗੁੰਡਾਗਰਦੀ ਦਿਖਾਉਣ ਦੇ ਲਈ l

ਖੁਰਦਪੁਰੀਆ ਕਦੇ ਕੁਰਬਾਨ ਕੀਤਾ,
ਅਵਤਾਰ ਅਣਖ਼ ਬਚਾਉਣ ਦੇ ਲਈ l

ਤਰਕਸ਼ੀਲਾ ਸਿਰਫ ਜਿਉਂਦਾ ਰੱਖਿਆ,
ਬਲੀ ਦਾ ਬੱਕਰਾ ਬਣਾਉਣ ਦੇ ਲਈ l

ਹਰ ਧਰਮ ਦੇ ਮਰਦਾਂ ਗਾਲ੍ਹਾਂ ਕੱਢੀਆਂ,
ਮਰਦਾਨਗੀ ਦਿਖਾਉਣ ਦੇ ਲਈ l

ਔਰਤ ਹਿੱਸੇ ਹੀ ਕਿਉਂ ਆਇਆ?
ਜ਼ਮਾਨੇ ਦਾ ਦਰਦ ਛਿਪਾਉਣ ਦੇ ਲਈ l

ਮੈਨੂੰ ਕਿਉਂ ਲੱਗਾ ਜਿਉਂਦੀ ਰਹੀ?
ਮਰਦਾਂ ਦਾ ਡੰਗ ਟਪਾਉਣ ਦੇ ਲਈ l

ਗੁਲਾਮ ਹੋ ਕੇ ਮੈਂ ਸਹਿਕਦੀ ਰਹੀ,
ਅਖੌਤੀ ਆਜ਼ਾਦੀ ਮਨਾਉਣ ਦੇ ਲਈ l

-ਅਵਤਾਰ ਤਰਕਸ਼ੀਲ ਨਿਊਜ਼ੀਲੈਂਡ
ਜੱਦੀ ਪਿੰਡ ਖੁਰਦਪੁਰ (ਜਲੰਧਰ)
06421392147