*ਕਸਬਾ ਅੱਪਰਾ ਤੋ ਮਜਬੂਤ ਉਮੀਦਵਾਰ ਨੇ ਗੁਰਪਾਲ ਸਿੰਘ ਸਹੋਤਾ*
ਅੱਪਰਾ/ਫਿਲੌਰ (ਸਮਾਜ ਵੀਕਲੀ) (ਜੱਸੀ)-ਅੱਜ ਅੱਪਰਾ ਵਿਖੇ ਸਾਬਕਾ ਮੁੱਖ ਮੰਤਰੀ ਪੰਜਾਬ ਸ. ਚਰਨਜੀਤ ਸਿੰਘ ਚੰਨੀ ਦੀ ਅਗਵਾਈ ‘ਚ ਇੱਕ ਅਹਿਮ ਚੋਣ ਮੀਟਿੱਗ ਹੋਈ | ਇਸ ਮੌਕੇ ਵਾਲਮੀਕਿ ਮੁਹੱਲਾ, ਮੁਹੱਲਾ ਢਾਬ ਵਾਲਾ, ਬੋਹੜ ਵਾਲਾ ਮੁਹੱਲਾ, ਬੰਗਾ ਰੋਡ, ਚੱਕ ਸਾਹਬੂ ਰੋਡ, ਸਮਰਾੜੀ ਚੌਂਕ ਆਦਿ ਥਾਵਾਂ ‘ਤੇ ਉਨਾਂ ਦੇ ਹਮਾਇਤੀਆਂ ਵਲੋਂ ਕੀਤੀਆਂ ਜਾ ਰਹੀਆਂ ਮੀਟਿੰਗਾਂ ਦੌਰਾਨ ਸ਼©ੀ ਚਰਨਜੀਤ ਸਿੰਘ ਚੰਨੀ ਸਾਬਕਾ ਮੁੱਖ ਮੰਤਰੀ ਪੰਜਾਬ ਵੀ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਹੋਏ | ਇਸ ਮੌਕੇ ਬੋਲੱਦਆਂ ਗੁਰਪਾਲ ਸਿੰਘ ਸਹੋਤਾ ਨੇ ਕਿਹਾ ਕਿ ਜੇਕਰ ਮੈਨੂੰ ਅੱਪਰਾ ਦੇ ਲੋਕ ਸਰਪੰਚ ਚੁਣਦੇ ਹਨ ਤਾਂ ਮੇਰਾ ਮੁੱਖ ਮਕਸਦ ਅੱਪਰੇ ਦੇ ਲੋਕਾਂ ਦੀ ਭਲਾਈ ਲਈ ਕੰਮ ਕਰਨਾ ਹੈ | ਉਸਨੇ ਕਿਹਾ ਕਿ ਪਹਿਲੇ ਹੀ ਦਿਨ ਤੋਂ ਪੰਚਾਇਤ ਘਰ ‘ਚ ਪੰਚਾਇਤੀ ਕੰਮਾਂ ਦੀ ਸ਼ੁਰੂਆਤ ਹੋਵੇਗੀ | ਪਿੰਡ ਦਾ ਹਰ ਵਸਨੀਕ ਪੰਚਾਇਤ ਘਰ ‘ਚ ਆ ਕੇ ਆਪਣੀ ਗੱਲ ਜਾਂ ਪੱਖ ਰੱਖ ਸਕਦਾ ਹੈ | ਪੀਣ ਵਾਲੇ ਪਾਣੀ ਦੀ ਸਪਲਾਈ ‘ਚ ਲੋੜੀਦਾਂ ਸੁਧਾਰ ਕੀਤਾ ਜਾਵੇਗਾ | ਗੰਦੇ ਪਾਣੀ ਦੇ ਨਿਕਾਸ ਲਈ ਸੀਵਰੇਜ ਸਿਸਟਮ ਲਿਆਂਵਾਗੇ | ਜਿਸ ਕਾਰਣ ਬਰਸਾਤਾਂ ‘ਚ ਦੁਕਾਨਾਂ ਤੇ ਘਰ ਅੱਗੇ ਪਾਣੀ ਨਹੀਂ ਖੜੇਗਾ | ਛੱਪੜ ਨੂੰ ਡੂੰਘਾ ਕਰਕੇ ਤਿੰਨ ਹਿੱਸਿਆਂ ‘ਚ ਵੰਡਿਆ ਜਾਵੇਗਾ ਤੇ ਛੱਪੜ ਦੇ ਆਲੇ ਦੁਆਲੇ ਦਰੱਖਤ ਤੇ ਫੁੱਲ ਲਗਾ ਕੇ ਸੁੰਦਰ ਦਿੱਖ ਦਿੱਤੀ ਜਾਵੇਗੀ | ਬਜ਼ਾਰ ਤੇ ਹਰ ਮੁਹੱਲੇ ‘ਚ ਕੂੜੇ ਦੀ ਸਮੱਸਿਆ ਲਈ ਠੋਸ ਉਪਰਾਲੇ ਕੀਤੇ ਜਾਣਗੇ | ਵੱਡਾ ਸਰਕਾਰੀ ਹਸਪਤਾਲ ਬਣਾਉਣ ਲਈ ਠੋਸ ਉਪਰਾਲੇ ਕੀਤੇ ਜਾਣਗੇ | ਅੱਪਰਾ ‘ਚ ਕਾਲਜ ਤੇ ਤਕਨੀਕੀ ਵਿੱਦਿਅਕ ਅਦਾਰਾ ਬਣਾਉਣ ਦੇ ਹਰ ਸੰਭਵ ਯਤਨ ਕੀਤੇ ਜਾਣਗੇ | ਆਮ ਲੋਕਾਂ ਦੀ ਸਹੂਲਤ ਲਈ ਅੱਪਰਾ ਦੇ ਸਰਕਾਰੀ ਹਸਪਤਾਲ ‘ਚ ਨਸ਼ਾ ਛਡਵਾਉਣ ਵਾਲੀਆਂ ਗੋਲੀਆਂ ਵੰਡਣ ਦਾ ਕੰਮ ਹੋਰ ਜਗਾ ਤਬਦੀਲ ਕੀਤਾ ਜਾਵੇਗਾ | ਪੁਲਿਸ ਚੌਂਕੀ ਦੇ ਅੱਗਿਓਾ ਲੰਘਦੀ ਸੜਕ ਜਲਦ ਬਣਾਈ ਜਾਵੇਗੀ | ਅੱਪਰਾ ਵਿਖੇ ਸੇਵਾ ਕੇਂਦਰ ਨੂੰ ਦੁਬਾਰਾ ਚਾਲੂ ਕਰਵਾਉਣ ਦੇ ਯਤਨ ਕੀਤੇ ਜਾਣਗੇ |
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
