ਫਿਲੌਰ/ਅੱਪਰਾ (ਸਮਾਜ ਵੀਕਲੀ) (ਜੱਸੀ)-ਕਸਬਾ ਅੱਪਰਾ ਦਾ ਵਸਨੀਕ ਇੱਕ ਨੌਜਵਾਨ, ਜਿਸਦੀ ਉਮਰ 16 ਸਾਲ ਦੀ ਹੈ, ਬੀਤੀ 27 ਅਕਤੂਬਰ ਤੋਂ ਲਾਪਤਾ ਹੈ | ਇਸ ਸੰਬੰਧ ‘ਚ ਜਾਣਕਾਰੀ ਦਿੰਦਿਆਂ ਉਨਾਂ ਦੇ ਚਾਚਾ ਅਮਨਦੀਪ ਸਿੰਘ ਭੋਗਲ ਨੇ ਦੱਸਿਆ ਕਿ ਮੇਰੇ ਭਰਾ ਜਸਵਿੰਦਰ ਸਿੰਘ ਭੋਗਲ ਦਾ ਲੜਕਾ ਤਨਵੀਰ ਸਿੰਘ, ਜਿਸ ਦੀ ਉਮਰ 16 ਸਾਲ ਦੀ ਹੈ, ਕੱਲ ਸਵੇਰੇ 7 ਵਜੇ ਤੋਂ ਹੀ ਘਰੋਂ ਲਾਪਤਾ ਹੈ | ਉਹ ਘਰੋਂ ਪੈਦਲ ਹੀ ਗਿਆ ਸੀ | ਤਨਵੀਰ ਸਿੰਘ ਅਮਰਦੀਪ ਸਿੰਘ ਸ਼ੇਰਗਿੱਲ ਮੈਮੋਰੀਅਲ ਸਕੂਲ ਮੁਕੰਦਪੁਰ ਦਾ 10+1 ਨਾਨ ਮੈਡੀਕਲ ਦਾ ਵਿਦਿਆਰਥੀ ਹੈ | ਉਨਾਂ ਅੱਗੇ ਦੱਸਿਆ ਕਿ ਅਸੀਂ ਸਾਰੀ ਰਿਸ਼ਤੇਦਾਰੀ ‘ਚ ਵੀ ਉਸਨੂੰ ਲੱਭ ਚੁੱਕੇ ਹਾਂ ਪਰ ਉਹ ਨਹੀਂ ਮਿਲਿਆ | ਇਲਾਕੇ ਦੇ ਸਾਰੇ ਸੀ. ਸੀ. ਟੀ. ਵੀ ਕੈਮਰੇ ਵੀ ਚੈਂਕ ਕੀਤੇ ਜਾ ਰਹੇ ਹਨ | ਘਟਨਾ ਦੇ ਸੰਬੰਧ ‘ਚ ਪੁਲਿਸ ਨੂੰ ਲਿਖਤੀ ਸੂਚਿਤ ਕਰ ਦਿੱਤਾ ਗਿਆ ਹੈ | ਸਬ ਇੰਸਪੈਕਟਰ ਹਰਜੀਤ ਸਿੰਘ ਚੌਂਕੀ ਇੰਚਾਰਜ ਅੱਪਰਾ ਨੇ ਕਿਹਾ ਕਿ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ |
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
