ਇੱਕੀ ਪੋਹ ਦੀ ਸ਼ਾਮ , ਦਸ਼ਮੇਸ਼ ਪਿਤਾ ਦੇ ਨਾਮ ਸਾਹਿਤ ਸਭਾ ਧੂਰੀ

ਧੂਰੀ (ਸਮਾਜ ਵੀਕਲੀ) (ਰਮੇਸ਼ਵਰ ਸਿੰਘ  ) ” ਪੰਜਾਬ ਦੇ ਪਿੰਡਾਂ ਸ਼ਹਿਰਾਂ ਅਤੇ ਕਸਬਿਆਂ ਦੇ ਹਰ ਵਾਰਡ ਵਿੱਚ ਇੱਕ ਨਹੀਂ ਕਈ ਕਈ ਗੀਤਕਾਰ ਤੇ ਗਾਇਕ ਮੌਜੂਦ ਹਨ ਪ੍ਰੰਤੂ ਉਨ੍ਹਾਂ ਦੀ ਕਲਾ ਨੂੰ ਸਹੀ ਸੇਧ ਦੇ ਕੇ , ਚਾਲੂ ਕਿਸਮ ਦੇ ਗੀਤਾਂ ਦੀ ਥਾਂ ਸਾਹਿਤਕ , ਸੱਭਿਆਚਾਰਕ ਅਤੇ ਲੋਕ ਪੱਖੀ ਗੀਤ ਤੇ ਹੋਰ ਵਿਧਾਵਾਂ ਦੀਆਂ ਰਚਨਾਵਾਂ ਲਿਖਣ ਦੇ ਰਾਹ ਪਾਉਂਣ ਦੀ ਲੋੜ ਹੈ। ਇਹ ਕੰਮ ਪੰਜਾਬੀ ਸਾਹਿਤ ਸਭਾਵਾਂ ਬਾਖ਼ੂਬੀ ਕਰ ਸਕਦੀਆਂ ਹਨ “। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪੰਜਾਬੀ ਸਾਹਿਤ ਸਭਾ ਧੂਰੀ ਦੇ ਪ੍ਰਧਾਨ ਮਾਸਟਰ ਮੂਲ ਚੰਦ ਸ਼ਰਮਾ ਨੇ ਆਪਣੇ ਮਹੀਨਾਵਾਰ ਸਾਹਿਤਕ ਸਮਾਗਮ ਸਮੇਂ ਉੱਭਰਦੇ ਗੀਤਕਾਰ ਤੇ ਗਾਇਕ ਸੁਖਪਾਲ ਸਿੰਘ ਦੋਹਲਾ ਦਾ ਨਵਾਂ ਗੀਤ ਲੋਕ ਅਰਪਣ ਕਰਦਿਆਂ ਕੀਤਾ ।

       ਇਸ ਤੋਂ ਪਹਿਲਾਂ ਸ਼ੁਰੂਆਤੀ ਦੌਰ ਵਿੱਚ ਸਭਾ ਦੇ ਨੌਜਵਾਨ ਮੈਂਬਰ ਅਤੇ ਗਾਇਕ ਗੁਰਦਰਸ਼ਨ ਸਿੰਘ ਧੂਰੀ ਸਮੇਤ ਬੀਤੇ ਮਹੀਨੇ ਵਿੱਚ ਸਦੀਵੀ ਵਿਛੋੜਾ ਦੇ ਗਏ ਲੇਖਕਾਂ , ਕਲਾਕਾਰਾਂ , ਪ੍ਰਮੁੱਖ ਹਸਤੀਆਂ ਅਤੇ ਲੇਖਕਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਦੋ ਮਿੰਟ ਦਾ ਮੋਨ ਧਾਰਨ ਕਰਕੇ ਸ਼ਰਧਾਂਜਲੀ ਭੇਂਟ ਕੀਤੀ ਗਈ । ਇੱਕ ਵੱਖਰੇ ਮਤੇ ਰਾਹੀਂ ਕਿਸਾਨ ਆਗੂ ਅਤੇ ਕੰਪਿਊਟਰ ਟੀਚਰਜ਼ ਦੇ ਮਰਨ ਵਰਤ ਦਾ ਸਮਰਥਨ ਕਰਦਿਆਂ ਦੋਵੇਂ ਸਰਕਾਰਾਂ ਨੂੰ ਕੋਈ ਢੁਕਵਾਂ ਹੱਲ ਕਰਨ ਦੀ ਅਪੀਲ ਕਰਦਿਆਂ ਕੇਂਦਰ ਦੇ ਡਾਕ ਮਹਿਕਮੇ ਵੱਲੋਂ ਅਖ਼ਬਾਰ , ਰਸਾਲੇ ਅਤੇ ਕਿਤਾਬਾਂ ਭੇਜਣ ਸਮੇਂ ਦਿੱਤੀ ਜਾਂਦੀ ਟਿਕਟ ਸਬਸਿਡੀ ਬੰਦ ਕਰਨ ਦੀ ਨਿਖੇਧੀ ਕੀਤੀ ਤੇ ਦੁਬਾਰਾ ਬਹਾਲ ਕਰਨ ਦੀ ਮੰਗ ਵੀ ਕੀਤੀ ਗਈ ।

        ਦੂਸਰੇ ਦੌਰ ਵਿੱਚ ਹਰ ਵਾਰੀ ਦੀ ਤਰ੍ਹਾਂ ਜਨਵਰੀ ਮਹੀਨੇ ਵਿੱਚ ਜਨਮੇਂ ਮੈਂਬਰਾਂ ਪ੍ਰਿੰਸੀਪਲ ਸੁਖਜੀਤ ਕੌਰ ਸੋਹੀ ਅਤੇ ਕੁਲਵਿੰਦਰ ਕੌਰ ਕਾਜਲ ਦਾ ਜਨਮ ਦਿਨ ਮਨਾਇਆ ਗਿਆ । ਸਮਸ਼ੇਰ ਸਿੰਘ ਸ਼ੇਰਾ , ਹਰਬੰਸ ਸਿੰਘ ਬੇਨੜਾ , ਸੁਖਪਾਲ ਸਿੰਘ ਦੋਹਲਾ ਅਤੇ ਅਜਾਇਬ ਸਿੰਘ ਕੋਮਲ ਨੂੰ ਵੀ ਕਿਤਾਬਾਂ ਦੇ ਸੈੱਟ ਦੇ ਕੇ ਸਨਮਾਨਿਤ ਕੀਤਾ ਗਿਆ । ਇਸ ਵਾਰੀ ਦਾ ਸਭ ਤੋਂ ਵੱਧ ਹਾਜ਼ਰੀਆਂ ਦਾ ਐਵਾਰਡ ਬਲਜੀਤ ਸਿੰਘ ਬਾਂਸਲ ਦੇ ਹਿੱਸੇ ਆਇਆ ਜਿਹੜਾ ਉਨ੍ਹਾਂ ਨੇ ਆਪਣੀ ਜੀਵਨ ਸਾਥਣ ਜਸਪ੍ਰੀਤ ਕੌਰ ਬਾਂਸਲ ਸਮੇਤ ਪ੍ਰਾਪਤ ਕੀਤਾ ।

      ਸਮਾਗਮ ਦੇ ਅਖ਼ੀਰ ਵਿੱਚ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਆਗਮਨ ਪੁਰਬ ਨੂੰ ਸਮਰਪਿਤ ਹੋਏ ਕਵਿਤਾ ਅਤੇ ਵਾਰਤਕ ਦਰਬਾਰ ਵਿੱਚ ਪ੍ਰਿੰਸੀਪਲ ਸੁਖਜੀਤ ਕੌਰ ਸੋਹੀ , ਪ੍ਰਿੰਸੀਪਲ ਕਮਲਜੀਤ ਸਿੰਘ ਟਿੱਬਾ ਅਤੇ ਮੂਲ ਚੰਦ ਸ਼ਰਮਾ ਵੱਲੋਂ ਗੁਰੂ ਜੀ ਦੇ ਜੀਵਨ , ਸਿੱਖਿਆਵਾਂ ਅਤੇ ਸਮੁੱਚੇ ਸਰਬੰਸ ਦੀ ਕੁਰਬਾਨੀ ਬਾਰੇ ਵਿਸਥਾਰ ਸਹਿਤ ਜਾਣਕਾਰੀ ਸਾਂਝੀ ਕਰਨ ਤੋਂ ਇਲਾਵਾ ਬੱਲੀ ਬਲਜਿੰਦਰ ਈਲਵਾਲ , ਅਕਾਸ਼ ਪ੍ਰੀਤ ਬਾਜਵਾ , ਪਵਨ ਕੁਮਾਰ ਹੋਸ਼ੀ , ਸਰਬਜੀਤ ਸੰਗਰੂਰਵੀ , ਮਨਜੀਤ ਕੌਰ ਨੰਗਲ , ਜਸਪ੍ਰੀਤ ਕੌਰ , ਅਜਾਇਬ ਸਿੰਘ ਕੋਮਲ , ਗੁਰਮੀਤ ਸੋਹੀ , ਪ੍ਰੋ. ਸੁਖਵਿੰਦਰ ਸਿੰਘ ਹਥੋਆ , ਸ਼ਮਸ਼ੇਰ ਸਿੰਘ ਸ਼ੇਰਾ , ਭੰਗੂ ਫਲੇੜੇ ਵਾਲ਼ਾ , ਪੇਂਟਰ ਸੁਖਦੇਵ ਸਿੰਘ , ਰਾਮ ਸ਼ਰਮਾ ਲੁਬਾਣਾ , ਬਲਜੀਤ ਸਿੰਘ ਬਾਂਸਲ , ਸੁਖਜੀਤ ਕੌਰ ਸੋਹੀ , ਸੁਖਪਾਲ ਦੋਹਲਾ , ਅਮਰ ਗਰਗ ਕਲਮਦਾਨ , ਸੁਖਵਿੰਦਰ ਲੋਟੇ , ਹਰਬੰਸ ਬੇਨੜਾ , ਕੁਲਜੀਤ ਧਵਨ , ਕਾ. ਸੁਖਦੇਵ ਸ਼ਰਮਾ , ਕਰਨਜੀਤ ਸਿੰਘ ਸੋਹੀ , ਕੁਲਵਿੰਦਰ ਕੌਰ ਕਾਜਲ , ਮਨਦੀਪ ਸਿੰਘ , ਪ੍ਰਿੰਸੀਪਲ ਕਮਲਜੀਤ ਟਿੱਬਾ , ਚਰਨਜੀਤ ਸਿੰਘ ਮੀਮਸਾ , ਜਗਦੇਵ ਸ਼ਰਮਾ ਬੁਗਰਾ ਅਤੇ ਲੋਕ ਗਾਇਕ ਗੁਰਦਿਆਲ ਨਿਰਮਾਣ ਧੂਰੀ ਨੇ ਆਪੋ ਆਪਣੀਆਂ ਸੱਜਰੀਆਂ ਅਤੇ ਚੋਣਵੀਆਂ ਰਚਨਾਵਾਂ ਨਾਲ਼ ਦਸਮੇਸ਼ ਪਿਤਾ ਦੀ ਉਸਤਤਿ ਕਰਦਿਆਂ ਖ਼ੂਬ ਰੰਗ ਬੰਨ੍ਹਿਆਂ ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj