ਅੱਜ ਵਿਸ਼ਵ ਪੰਜਾਬੀ ਸਭਾ ਕੇਨੈਡਾ ਵੱਲੋਂ ਪੰਜਾਬੀ ਮਾਂ ਬੋਲੀ ਲਈ ਕੱਢੀ ਜਾ ਰਹੀ ਪੰਜ ਰੋਜ਼ਾ ਬਸ ਰੈਲੀ ਪੰਜਾਬ ਭਵਨ, ਚੰਡੀਗੜ੍ਹ ਤੋਂ ਤੋਰੀ ਗਈ

ਸੰਜੀਵ ਸਿੰਘ ਸੈਣੀ, ਮੋਹਾਲੀ- : ਅੱਜ ਵਿਸ਼ਵ ਪੰਜਾਬੀ ਸਭਾ ਕੇਨੈਡਾ ਵੱਲੋਂ ਪੰਜਾਬੀ ਮਾਂ ਬੋਲੀ ਲਈ ਕੱਢੀ ਜਾ ਰਹੀ ਪੰਜ ਰੋਜ਼ਾ ਬਸ ਰੈਲੀ ਪੰਜਾਬ ਭਵਨ, ਸੈਕਟਰ-3, ਚੰਡੀਗੜ੍ਹ ਤੋਂ ਤੋਰੀ ਗਈ। ਇਸ ਰੈਲੀ ਨੂੰ ਸਿੱਖਿਆ ਅਤੇ ਭਾਸ਼ਾ ਮੰਤਰੀ ਸ. ਹਰਜੋਤ ਸਿੰਘ ਬੈਂਸ ਵੱਲੋਂ ਹਰੀ ਝੰਡੀ ਦਿੱਤੀ ਗਈ। ਇਸ ਬਸ ਰੈਲੀ ਦੀ ਰਹਿਨੁਮਾਈ ਸਭਾ ਦੇ ਚੇਅਰਮੈਨ ਡਾ.ਦਲਬੀਰ ਸਿੰਘ ਕਥੂਰੀਆ, ਪ੍ਰਧਾਨ ਬਲਬੀਰ ਕੌਰ ਰਾਏਕੋਟੀ, ਬਰੈਂਡ ਅੰਬੈਂਸਡਰ ਸ਼੍ਰੀ ਬਾਲ ਮੁਕੰਦ ਸ਼ਰਮਾ ਜੀ, ਸਭਾ ਦੇ ਉਪ ਪ੍ਰਧਾਨ ਪਰਵੀਨ ਸੰਧੂ ਵੱਲੋਂ ਕੀਤੀ ਗਈ। ਇਸ ਰੈਲੀ ਵਿੱਚ ਵੱਖ ਵੱਖ ਜਿਲਿਆਂ ਤੋਂ ਆ ਕੇ ਮਾਂ ਬੋਲੀ ਪੰਜਾਬੀ ਦੇ ਪ੍ਰੇਮੀਆਂ ਨੇ ਹੁੰਮ-ਹੁੰਮਾ ਕੇ ਸ਼ਿਰਕਤ ਕੀਤੀ। ਇਹ ਬਸ ਰੈਲੀ ਪੰਜਾਬ ਭਵਨ, ਸੈਕਟਰ -3, ਚੰਡੀਗੜ੍ਹ ਤੋਂ ਰਵਾਨਾ ਹੋ ਕੇ ਮਾਤਾ ਸਾਹਿਬ ਕੋਰ ਨਰਸਿੰਗ ਕਾਲਜ, ਬਿਲੋਂਗੀ ਵਿਖੇ ਪਹੁੰਚੀ। ਜਿਥੇ ਕਿ ਬਸ ਰੈਲੀ ਵਿੱਚ ਸ਼ਾਮਿਲ ਸ਼ਖਸ਼ੀਅਤਾਂ ਦਾ ਨਿੱਘਾ ਸੁਆਗਤ ਕੀਤਾ ਗਿਆ। ਇਥੇ ਹੀ ਸਾਰੀਆਂ ਮਹਾਨ ਸ਼ਖਸ਼ੀਅਤਾਂ ਨੇ ਪੰਜਾਬੀ ਮਾਂ ਬੋਲੀ ਬਾਰੇ ਕਾਲਜ ਦੇ ਵਿਦਿਆਰਥੀਆਂ ਨਾਲ ਅਪਨੇ ਵਿਚਾਰ ਸਾਂਝੇ ਕੀਤੇ ਅਤੇ ਇਹਨਾਂ ਸ਼ਖਸ਼ੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ।

 

ਭਾਸ਼ਾ ਵਿਭਾਗ ਅਫਸਰ ਦਵਿੰਦਰ ਸਿੰਘ ਬੋਹਾ ਨੇ ਕਿਹਾ ਕਿ ਇਹ ਵਿਸ਼ਵ ਪੰਜਾਬੀ ਸਭਾ ਕੇਨੈਡਾ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ ਕਿ ਜੋ ਕੰਮ ਅਸੀ ਅਪਨੀ ਮਾਂ ਬੋਲੀ ਪੰਜਾਬੀ ਲਈ ਪੰਜਾਬ ਵਿੱਚ ਰਹਿ ਕੇ ਨਹੀਂ ਕਰ ਸਕੇ, ਉਹ ਕੰਮ ਇਸ ਸਭਾ ਦੇ ਅਹੁਦੇਦਾਰਾਂ ਨੇ ਵਿਦੇਸ਼ਾਂ ਤੋਂ ਆ ਕੇ ਕਰ ਦਿੱਤਾ। ਇਹ ਰੈਲੀ ਅੱਜ 23 ਸਤੰਬਰ, 2023 ਨੂੰ ਚੰਡੀਗੜ੍ਹ ਤੋਂ ਚੱਲ ਕੇ ਪੰਜਾਬ ਦੇ ਵੱਖ ਵੱਖ ਜਿਲਿਆਂ ਮੁਹਾਲੀ, ਪਟਿਆਲਾ, ਲੁਧਿਆਣਾ, ਬਰਨਾਲਾ, ਸੰਗਰੂਰ, ਦਮਦਮਾ ਸਾਹਿਬ, ਮੁਕਤਸਰ ਸਾਹਿਬ, ਫਿਰੋਜ਼ਪੁਰ, ਸੁਲਤਾਨਪੁਰ ਲੋਧੀ, ਜਲੰਧਰ, ਬਟਾਲਾ, ਜੰਡਿਆਲਾ ਗੁਰੂ ਤੋ ਹੁੰਦੀ ਹੋਈ 27 ਸਤੰਬਰ, 2023 ਨੂੰ ਅੰਮ੍ਰਿਤਸਰ ਸਾਹਿਬ ਵਿਖੇ ਸਮਾਪਤ ਹੋਵੇਗੀ। ਇਸ ਬਸ ਰੈਲੀ ਵਿੱਚ ਰਾਜਦੀਪ ਕੌਰ ਜਨਰਲ ਸਕੱਤਰ ਪੀ.ਐੱਸ. ਆਰਟਸ ਐਂਡ ਕਲਚਰਲ ਸੋਸਾਇਟੀ, ਮਨਜੀਤ ਕੌਰ ਮੀਤ ਸਹਾਇਕ ਡਾਇਰੈਕਟਰ ਭਾਸ਼ਾ ਵਿਭਾਗ ਮੁਹਾਲੀ, ਦੀਪ ਰਾਜਪੂਤ ਫਗਵਾੜਾ, ਸੁਖਦੇਵ ਕੋਮਲ ਯੂਕੇ, ਇਲੀਨਾ ਧੀਮਾਨ ਡਿਸਟ੍ਰਿਕਟ ਪ੍ਰਧਾਨ ਮੋਗਾ, ਡਾ ਗੁਰਪ੍ਰੀਤ ਕੌਰ ਮੁੱਖ ਸਲਾਹਕਾਰ, ਭਾਸ਼ਾ ਵਿਭਾਗ ਅਫਸਰ ਮੁਹਾਲੀ ਦਵਿੰਦਰ ਬੋਹਾ, ਸੁਖਰਾਜ ਸੁੱਖੀ, ਸ. ਕੰਵਲਜੀਤ ਸਿੰਘ ਲੱਕੀ ਜਨਰਲ ਸਕੱਤਰ, ਪ੍ਰੋ ਸੰਧੂ ਵਰਿਆਣਵੀਂ, ਸ. ਲੱਖਾ ਸਲੇਮਪੁਰੀ, ਰਵੀ ਦੇਵਗਨ, ਮਹਿਮੂਦ ਥਿੰਦ, ਹਰਜੀਤ ਕੌਰ ਗਿੱਲ, ਕਰਨੈਲ ਸਿੰਘ ਅਸਪਾਲ, ਸੋਹਨ ਸਿੰਘ ਗੈਦੂ, ਪ੍ਰੋ ਗੁਰਪ੍ਰੀਤ ਕੌਰ, ਪ੍ਰੋ.ਤੇਜਾ ਸਿੰਘ ਥੂਹਾ, ਅਮਰਜੀਤ ਕੌਰ ਥੂਹਾ, ਸੋਹਣ ਸਿੰਘ ਗੇਦੂ ਜਿਲ੍ਹਾ ਪ੍ਰਧਾਨ ਹੈਦਰਾਬਾਦ, ਸਾਹਿਬਾ ਜੀਟਨ ਕੌਰ, ਪਰਮਜੀਤ ਕੌਰ ਲੌਗੋਵਾਲ, ਕਰਨੈਲ ਸਿੰਘ ਅਸਪਾਲ, ਸੁਖਬੀਰ ਸਿੰਘ ਮੋਹਾਲੀ, ਸਾਹਿਬਦੀਪ ਸਿੰਘ, ਕਿਰਨ ਦੇਵੀ ਸਿੰਗਲਾ, ਮਹਿਮੂਦ ਥਿੰਦ ਮਲੇਰਕੋਟਲਾ, ਹਰਜੀਤ ਕੌਰ ਗਿੱਲ, ਗੁਰਪ੍ਰੀਤ ਕੌਰ ਮੁੱਖ ਸਲਾਹਕਾਰ , ਜਸਪਾਲ ਪੁਆਧ , ਹਰਜਿੰਦਰ ਕੌਰ ਸਧਰ , ਕਮਲਪ੍ਰੀਤ ਸਿੰਘ ਲੱਕੀ, ਸੁਖਵਿੰਦਰ ਸਿੰਘ ਪਟਿਆਲਾ, ਰਾਵੀ ਦੇਵਗਨ ਖਾਸ ਸ਼ਖਸ਼ੀਅਤਾਂ ਨੇ ਸ਼ਿਰਕਤ ਕੀਤੀ। ਇਹ ਸਾਰੀ ਜਾਣਕਾਰੀ ਵਿਸ਼ਵ ਪੰਜਾਬੀ ਸਭਾ ਕੇਨੈਡਾ ਦੇ ਉਪ-ਪ੍ਰਧਾਨ ਪਰਵੀਨ ਸੰਧੂ ਵੱਲੋਂ ਦਿੱਤੀ ਗਈ।