ਵਿਦਿਆਰਥੀਆਂ ਦੇ ਗਿਆਨ ਨੂੰ ਵਧਾਉਣ ਲਈ ਸਕੂਲ ’ਚ ਕਰਵਾਈ ਐਕਟੀਵਿਟੀ

ਨਵਾਂਸ਼ਹਿਰ,  (ਸਮਾਜ ਵੀਕਲੀ)  (ਜਤਿੰਦਰ ਪਾਲ ਸਿੰਘ ਕਲੇਰ ) ਕੇ.ਸੀ. ਪਬਲਿਕ ਸਕੂਲ ’ਚ ਹਫਤਾ ’ਚ  ਸਕੂਲ ਪ੍ਰਿੰਸੀਪਲ ਅਤੇ ਸੀ.ਈ.ਓ. (ਕੇ.ਸੀ. ਗਰੁੱਪ ਕੈਪਟਨ) ਅਸ਼ਵਨੀ ਦੱਤਾ ਦੀ ਦੇਖਰੇਖ ’ਚ  ਵਿਦਿਆਰਥੀਆਂ ਦੇ ਗਿਆਨ ਨੂੰ ਵਧਾਉਣ ਲਈ ਵਿਦਿਅਕ ਗਤੀਵਿਧੀਆਂ ਕਰਵਾਈਆਂ ਗਈ, ਜਿਸ ’ਚ ਹਿੱਸਾ ਲੈ ਕੇ ਬੱਚਿਆਂ ਨੇ ਸੁਣ ਕੇ, ਦੇਖ ਕੇ ਅਤੇ ਹਿੱਸਾ ਲੈ ਕੇ ਆਪਣੇ ਆਤਮ-ਵਿਸ਼ਵਾਸ ਨੂੰ ਵਧਾਇਆ ਹੈ। ਪ੍ਰਾਰਥਨਾ ਸਭਾ ਦੌਰਾਨ, ਵਿਦਿਆਰਥੀਆਂ ਨੇ ਸ਼ਹੀਦ-ਏ-ਆਜ਼ਮ  ਭਗਤ ਸਿੰਘ, ਮਹਾਤਮਾ ਗਾਂਧੀ ਅਤੇ ਲਾਲ ਬਹਾਦਰ ਸ਼ਾਸਤਰੀ ਦੇ ਜੀਵਨ ਬਾਰੇ ਵਿਚਾਰ ਸਾਂਝੇ ਕੀਤੇ, ਇਨ੍ਹਾਂ ਮਹਾਨ ਸ਼ਖਸੀਅਤਾਂ ਵਲੋ ਦਰਸਾਏ ਮਾਰਗ ’ਤੇ ਚੱਲਣ ਦੀ ਪ੍ਰੇਰਨਾ ਲਈ। ਪ੍ਰਾਰਥਨਾ ਸਭਾ ਦੌਰਾਨ, ਉਨ੍ਹਾਂ ਨੇ ਨਵਰਾਤਰੀ ਅਤੇ ਦੁਸਹਿਰਾ ਦੇ ਸੰਬੰਧ ’ਚ ਡਾਂਡੀਆ ਨਾਚ ਵੀ ਪੇਸ਼ ਕੀਤਾ। ਇਸ ਤੋਂ ਇਲਾਵਾ, ਪਹਿਲੀ ਅਤੇ ਦੂਜੀ ਕਲਾਸ ਦੇ ਵਿਦਿਆਰਥੀਆਂ ਨੇ ਰਾਵਣ, ਕੁੰਭਕਰਨ ਅਤੇ ਮੇਘਨਾਦ ਦੇ ਪੁਤਲੇ ਦੇਖਣ ਲਈ ਆਈ.ਟੀ.ਆਈ. ਦਾ ਵਿਦਿਅਕ ਦੌਰਾ ਕੀਤਾ ਅਤੇ ਮੇਲੇ ਦਾ ਆਨੰਦ ਮਾਣਿਆ। ਫਿਰ ਉਨ੍ਹਾਂ ਨੇ ਬਾਰਾਦਰੀ ਦਾ ਦੌਰਾ ਕੀਤਾ, ਜਿੱਥੇ ਮੈਡਮ ਅਨੂਪ ਰਾਣਾ ਨੇ ਇਸਦਾ ਇਤਿਹਾਸ ਦੱਸਿਆ। ਮਹਾਰਾਜਾ ਰਣਜੀਤ ਸਿੰਘ ਦੀ ਯਾਦ ’ਚ 1807 ਦੇ ਆਸਪਾਸ ਇਸਨੂੰ ਬਣਾਇਆ ਗਿਆ, ਬਾਰਾਂਦਰੀ ਇੱਕ ਪ੍ਰਸਿੱਧ ਆਕਰਸ਼ਣ ਦੀ ਜਗਾ ਸੀ। ਬੱਚਿਆਂ ਨੇ ਝੂੱਲਿਆਂ ਦਾ ਆਨੰਦ ਮਾਣਿਆ, ਪ੍ਰਾਚੀਨ ਰੁੱਖ ਦੇਖੇ ਅਤੇ ਮੂਰਤੀਆਂ ਨਾਲ ਫੋਟੋਆਂ ਖਿਚਵਾਈਆਂ।  ਸੰਗੀਤ ਟੀਚਰ ਸਾਹਿਲ, ਸੁਣੈਨਾ, ਵਿਪਨ ਕੁਮਾਰ, ਸਹਾਇਕ ਜੋਤੀ, ਡਰਾਈਵਰ ਗੁਰਮੇਲ ਸਿੰਘ ਅਤੇ ਪ੍ਰੇਮ ਪਾਲ ਉਨ੍ਹਾਂ ਦੇ ਨਾਲ ਗਏ, ਵਾਪਸ ਆਉਣ ’ਤੇ, ਅਸ਼ਵਨੀ ਦੱਤਾ ਨੇ ਵਿਦਿਆਰਥੀਆਂ ਤੋਂ ਸਵਾਲ ਪੁੱਛੇ।  ਦੱਤਾ ਨੇ ਦੱਸਿਆ ਕਿ ਅਜਿਹੇ ਵਿਜਿਟ ਬੱਚਿਆ ਨੂੰ ਕਲਾਸ ਦੀ ਗੱਲਾ ਨੂੰ ਅਸਲ ਦੁਨੀਆਂ ’ਚ  ਦੇਖਣ ਅਤੇ ਅਨੁਭਵ ਕਰਨ ਦਾ ਮੌਕਾ ਦਿੰਦਾ ਹੈ, ਜੋ ਆਤਮ-ਵਿਸ਼ਵਾਸ ਵਧਾਉਂਦਾ ਹੈ, ਗਿਆਨ ਨੂੰ ਡੂੰਘਾ ਕਰਦਾ ਹੈ, ਸਮਾਜਿਕ ਹੁਨਰ ਵਿਕਸਿਤ ਕਰਦਾ ਹੈ, ਅਤੇ ਰਚਨਾਤਮਕ ਸੋਚ ਨੂੰ ਉਤਸ਼ਾਹਿਤ ਕਰਦਾ ਹੈ।