ਨਤੀਜੇ

(ਸਮਾਜ ਵੀਕਲੀ)

ਕੱਲ੍ਹ ਨੂੰ ਡੱਬੇ ਖੁੱਲ੍ਹ ਜਾਣਗੇ
ਤਾਰੇ ਲੋਕਾਂ ਦੇ ਮੁੱਲ ਜਾਣਗੇ

ਕਈ ਕੱਟੇ ਦੇ ਵਾਂਗ ਵਿਕਣਗੇ
ਜਿੱਤੇ ਹਾਰੇ ਸਭ ਤੁੱਲ ਜਾਣਗੇ

ਲੋਕ ਭਾਲ਼ਦੇ ਬਦਲ ਓ ਲੋਕੋ
ਕੀ ਲੀਡਰ ਮਾੜੇ ਭੁੱਲ ਜਾਣਗੇ

ਸਭ ਲੋਕ ਪਏ ਨੇ ਅੱਕੇ ਅੰਦਰੋਂ
ਓ ਪਤਾ ਨੀ ਕਦੋਂ ਡੁੱਲ੍ਹ ਜਾਣਗੇ

ਸਿਹਤ ਸਿੱਖਿਆ ਸਾਨੂੰ ਚੰਗੀ
ਵਾਅਦੇ ਲੋਕ ਕੀ ਭੁੱਲ ਜਾਣਗੇ

ਲਾਰੇ ਲੱਪੇ ਝੂਠੇ ਸਭ ਨੇ ਲਾਏ
ਉਹ ਤੁੱਛ ਤੇ ਹੁਣ ਤੁੱਲ ਜਾਣਗੇ

ਰਿਹਾ ਖਜ਼ਾਨਾ ਖ਼ਾਲੀ ਹੁਣ ਤੱਕ
ਢਿੱਡ ਲੀਡਰਾਂ ਦੇ ਫੁੱਲ ਜਾਣਗੇ

ਸਾਡੇ ਪੈਸੇ ਦੀਆਂ ਸਾਨੂੰ ਗ੍ਰਾਂਟਾਂ
ਉਹ ਦੇ ਕੇ ਸਾਨੂੰ ਹੁੱਲ ਜਾਣਗੇ

‘ਜੀਤ’ ਭਾਲ਼ਦਾ ਇਨਕਲਾਬ ਨੂੰ
ਰਾਹ ਇਨਸਾਨੀ ਖੁੱਲ੍ਹ ਜਾਣਗੇ

ਸਰਬਜੀਤ ਸਿੰਘ ਨਮੋਲ਼

ਪਿੰਡ ਨਮੋਲ਼ ਜ਼ਿਲ੍ਹਾ ਸੰਗਰੂਰ
9877358044

‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly