ਦਰਿੰਦੇ ਨੂੰ ਦਿੱਤੀ ਜਾਵੇ ਮਿਸਾਲੀ ਸਜ਼ਾ

 (ਸਮਾਜ ਵੀਕਲੀ)    ਜਿਸ ਵਿਅਕਤੀ ਦੀ ਆਪਣੀ ਬੇਟੀ ਦੀ ਹਮ ਉਮਰ ਸਹੇਲੀ ਨੂੰ ਵੇਖ ਕੇ ਮਨ ਵਿੱਚ ਵਹਿਸ਼ੀ ਬਿਰਤੀ ਉਪਜ ਜਾਵੇ, ਉਸਨੂੰ ਵੇਖ ਕੇ ਆਪਣੀ ਧੀ ਦਾ ਚਿਹਰਾ ਸਾਹਮਣੇ ਨਾ ਆਏ ਤੇ ਆਪਣੀ ਵਾਸ਼ਨਾ ਪੂਰਤੀ ਦਾ ਸ਼ਿਕਾਰ ਬਣਾਉਣ ਲਈ ਸਾਰੀਆਂ ਹੱਦਾਂ ਪਾਰ ਕਰ ਜਾਵੇ,ਉਹ ਤਾਂ ਕੋਈ ਹੈਵਾਨ ਹੀ ਹੋਏਗਾ। ਜਲੰਧਰ ਵਿਖੇ ਵਾਪਰੀ ਦਰਦਨਾਕ ਘਟਨਾ ਦਾ ਜੋ ਸੱਚ ਸਾਹਮਣੇ ਆਇਆ, ਬਹੁਤ ਖੌਫਨਾਕ ਸੀ,13 ਸਾਲ ਦੀ ਬੱਚੀ ਉਸ ਦੀ ਛੋਟੀ ਬੇਟੀ ਕੋਲ ਅਕਸਰ ਖੇਡਣ ਜਾਇਆ ਕਰਦੀ ਸੀ। ਪਰ ਉਸ ਦੀ ਬੇਟੀ ਉਸ ਦੀ ਪਤਨੀ ਨਾਲ ਕਿਸੇ ਰਿਸ਼ਤੇਦਾਰੀ ਵਿੱਚ ਲੁਧਿਆਣਾ ਗਈ ਹੋਈ ਸੀ। ਉਹ ਉਸਨੂੰ ਆਪਣੇ ਬੈੱਡਰੂਮ ਵਿੱਚ ਲੈ ਗਿਆ। ਉਹ ਉਸ ਦੀ ਬੇਟੀ ਬਾਰੇ ਪੁੱਛਣ ਲੱਗ ਪਈ ,ਪਰ ਉਸ ਦੀ ਨੀਅਤ ਵਿੱਚ ਤਾਂ ਪਹਿਲਾਂ ਹੀ ਖੋਟ ਸੀ, ਉਸ ਦਰਿੰਦੇ ਨੇ ਉਸ ਨਾਲ ਜਬਰਦਸਤੀ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਬੱਚੀ ਚੀਕਣ ਲੱਗ ਪਈ, ਉਸ ਨੇ ਉਸਦਾ ਮੂੰਹ ਘੁੱਟ ਦਿੱਤਾ ਤੇ ਗਲਾ ਦਬਾਉਣ ਲੱਗ ਪਿਆ ।ਉਹ ਬੱਚੀ ਕਿੰਨਾ ਤੜਫ਼ੀ ਹੋਏਗੀ। ਉਹ ਦਰਿੰਦਾ ਉਸਦਾ ਗਲਾ ਉਸ ਸਮੇਂ ਤੱਕ ਦਬਾਉਂਦਾ ਰਿਹਾ ਜਦੋਂ ਤੱਕ ਉਹ ਸ਼ਾਂਤ ਨਾ ਹੋ ਗਈ। ਉਸਨੇ ਉਸਦੀ ਲਾਸ਼ ਗੁਸਲਖਾਨੇ ਵਿੱਚ ਸੁੱਟ ਦਿੱਤੀ ਤੇ ਅੱਗੇ ਗੱਦੇ ਕਰ ਦਿੱਤੇ। ਉਸ ਨੇ ਸੋਚਿਆ ਕਿ ਰਾਤ ਨੂੰ ਲਾਸ਼ ਠਿਕਾਣੇ ਲਗਾ ਦਵੇਗਾ। ਇਸ ਕੰਮ ਲਈ ਉਹ ਕਿਸੇ ਦੀ ਕਾਰ ਵੀ ਮੰਗ ਕੇ ਲੈ ਆਇਆ ,ਪਰ ਬਾਹਰ ਲੋਕ ਸਨ। ਉਹ ਵੀ ਕੁਝ ਦੇਰ ਉਨ੍ਹਾਂ ਨਾਲ ਬੱਚੀ ਨੂੰ ਲੱਭਣ ਦਾ ਨਾਟਕ ਕਰਨ ਲੱਗ ਪਿਆ ਤੇ ਘਰ ਜਾ ਕੇ ਅੰਦਰੋਂ ਤਾਲਾ ਲਾ ਕੇ ਅਤੇ ਬੱਤੀਆਂ ਬੰਦ ਕਰ ਦਿੱਤੀਆਂ। ਪਰ ਲੋਕਾਂ ਨੂੰ ਉਸ ਉੱਤੇ ਸ਼ੱਕ ਸੀ ਤੇ ਉਹ ਜ਼ਬਰਦਸਤੀ ਉਸਦੇ ਘਰ ਅੰਦਰ ਵੜ ਗਏ। ਲੋਕਾਂ ਨੇ ਵੇਖਿਆ ਕਿ ਕਾਰ ਕੋਲ਼ੇ ਲਾਸ਼ ਨੂੰ ਟਿਕਾਣੇ ਲਾਉਣ ਲਈ ਇੱਕ ਬੋਰਾ ਵੀ ਰੱਖਿਆ ਹੋਇਆ ਸੀ। ਸੁਣਨ ਵਿੱਚ ਆਇਆ ਹੈ ਕਿ ਇਹੋ ਸਭ ਕੁਝ ਉਸ ਨੇ ਆਪਣੇ ਬਿਆਨਾਂ ਵਿੱਚ ਵੀ ਦੱਸਿਆ ਹੈ। ਸ਼ੁਰੂਆਤੀ ਕਾਰਵਾਈ ਦੌਰਾਨ ਸੀ ਸੀ ਟੀਵੀ ਦੇ ਅਧਾਰ ਤੇ ਵੀ ਸਹੀ ਤਰੀਕੇ ਨਾਲ ਕੋਈ ਨਾ ਐਕਸ਼ਨ ਲੈਣ ਵਾਲੇ ਪੁਲਿਸ ਕਰਮਚਾਰੀਆਂ ਦੀ ਭੂਮਿਕਾ ਵੀ ਨਿਹਾਇਤ ਨਿੰਦਣਯੋਗ ਹੈ। ਉਹਨਾਂ ਖਿਲਾਫ ਚਾਹੇ ਵਿਭਾਗੀ ਕਾਰਵਾਈ ਹੋ ਚੁੱਕੀ ਹੈ ਪਰ ਕਿਤੇ ਨਾ ਕਿਤੇ ਉਹਨਾਂ ਨੇ ਆਪਣੀ ਡਿਊਟੀ ਦੌਰਾਨ ਕੁਤਾਹੀ ਵਰਤ ਕੇ ਵਰਦੀ ਨੂੰ ਵੀ ਦਾਗ਼ਦਾਰ ਕੀਤਾ ਹੈ।